74B新增早上往觀塘班次：路線圖及站位

dennis28a 發表於 2016-11-20 18:21
咁更加講唔通，606X 最後又係上橋跟 606 去返喜鵲樓，如果朝早真係無客，點解要兜出去宏通街食多支燈？
...

如果仔細睇九龍灣總站出站（https://goo.gl/maps/S3TAocVqBR22），比較大機會係因為咁樣轉彎太危險而放棄

宏通街個站其實嗰個時間人影都唔多個，我都唔知點解要停 ...

dennis28a 發表於 2016-11-20 18:38
依點我唔同意，因為據我了解，當日 15A 取消站前，係有考慮係偉業街補番個站出黎（前九龍灣工廠大廈）。
...

海濱道唔係塞車，係塞燈 ... 嗰個位 D 燈一轉都幾耐下
T277 268P 等線係由宏照道右轉常悅道再兜 Megabox 出返嚟行海濱道，問題就相對上無咁顯眼
如果由宏照道直去海濱道出偉業街，唔順燈起嚟試過 10 分鐘都未出得返去

其實唔好話塞燈，根本九龍灣 D 道路網都應該要重新劃過
否則將來觀塘道、太子道東東行仍然只靠啟祥道入九龍灣，肯定塞得更嚴重 ...

樂仔〞 發表於 2016-11-20 19:18
海濱道唔係塞車，係塞燈 ... 嗰個位 D 燈一轉都幾耐下
T277 268P 等線係由宏照道右轉常悅道再兜 Megabox  ...

咁最大問題唔關海濱道事，而係常悅道、宏照道同臨豐街支燈事，
就算係 641，牛頭角道上橋搞成 10 分鐘都去唔到企業廣場。

路政署有考慮過搞搞依三支燈，而且依三支燈每日係有 45 秒停晒車流比四條馬路行人去過，
只需要封其中幾組班馬線，再增加個中間安全島，係有條件大幅度增加行車時間（雖然最終方案唔係咁做，但有加行車線）。
不過點去修改路口，依點要考慮，上面條講左幾世行人天橋幾時起又係問題。http://www.ekeo.gov.hk/kbba-pede ... -Digest-r7-0516.pdf

而且，出入九龍灣從黎唔止啟祥道，私家車司機好聰明，仲行偉業街？每日九龍灣車流已經流晒去承啟道。

dennis28a 發表於 2016-11-20 19:37
咁最大問題唔關海濱道事，而係常悅道、宏照道同臨豐街支燈事，
就算係 641，牛頭角道上橋搞成 10 分鐘都去 ...

九龍西入九龍灣就話可以經承啟道啫，但新界（將軍澳、西貢除外）同黃大仙等地方入九龍灣基本上都只係可以靠偉業街呢 ...
同埋 ... 成份野根本無解決過偉業街倒塞嘅問題，最大問題係單線出入九龍灣，九龍灣區內講真係燈號時間短問題比較大

講講下離哂題添，不過我始終唔認為而家就先將 D 線行哂海濱道 ... 將來改返入去根本未遲 ...

樂仔〞 發表於 2016-11-20 20:14
九龍西入九龍灣就話可以經承啟道啫，但新界（將軍澳、西貢除外）同黃大仙等地方入九龍灣基本上都只係可以 ...

又唔係既，將來中九龍幹線起好後，新界西同貨櫃碼頭車流應該係西面入，有好大幫助。

講講下離哂題添，不過我始終唔認為而家就先將 D 線行哂海濱道 ... 將來改返入去根本未遲

依個涉及咨詢程序問題，如果你而家飛上橋，之後改番落海濱道，係要咨詢區議會，直頭要上 RDP，係有變數。
雖然大家對於早繁特快線阻力唔會太大，但一日唔插旗，難保他日運輸署唔比改行海濱道。

而家行定海濱道，頂多只係加站問題，我深信不論區會定係運吉都無咩太大問題。

如果你睇埋行動區依份文件，就會好清楚巴士公司打緊咩野如意算盤：
http://www.districtcouncils.gov. ... 3/KTDRTF_2_2016.pdf

係 MegaBox 斜對面會有新巴總，而新啟德醫院其中一座出口，就係係正海濱道，
而啟德醫院又可以去到跑道發展區，對巴士公司係舊肥肉。

啟德跑道發展區有機會涉及招標，可以入到幾入，老虎蟹都霸定地盤，所以新線行海濱道，純粹係技術操作。
他日投唔到發展區巴士線，最少唔會放生左海濱道比對家。