愚問：獅子山公路（新田圍站）北行

原帖由 siusiupeople 於 2015-3-19 16:43 發表

問心，82M/74A 呢D 有幾多人搭先?

你理得佢有幾多人搭
總之乘客人數大過0就要有補償架啦!

原帖由 BlackBird 於 2015-3-19 23:23 發表


你理得佢有幾多人搭
總之乘客人數大過0就要有補償架啦!

但以74A同82M兩個例子來講，
本身就有89同80M替代啦，
如果前兩者客量係好嘅都唔會被開刀，
又有後兩者替代時仲要點樣嘅補償先？
總唔可以抱住一班都不能減嘅心態掛。

原帖由 BlackBird 於 2015-3-19 23:23 發表


你理得佢有幾多人搭
總之乘客人數大過0就要有補償架啦!

幾多幾少又點？o係某D「人」眼中，

總之新田圍做唔到靠一條村，就非繁時都班班巴士打爆到頂晒閘，就係有車唔搭唔珍惜，被削資源冇得怨。

總之新田圍做唔到靠一條村，就多客過三五七條村再加N個大商場加埋，就係人口少需求細，人地點搶新田圍資源都係應份合理，新田圍求返小小合理服務，就係過份就係搶人野就係惡霸土皇帝要全世界圍著新田圍轉.....

82M我就冇意見，死左就算，問題係，冇左82M，唔加返80M資源(我知80M有用車限制，必須用短車，但還不是為了某個人口仲少過新田圍既屋苑，如果係新田圍「累」到要用短車，呢度D大帝一定插得再狠多唔知幾多百倍)，都算，而家為左新田圍冇份、連BBI都冇既280X，就要削到80M咁既衰樣，又公平？合理？

雖然我都知，「公平」「合理」對新田圍黎講，根本係夏蟲語冰。

74A，以前仲未被陰乾得咁離譜，即係仲去到觀碼，同全部/大部份用車均為雙層既時候，我都幾常o係兩繁時搭74A南行，可以講下。至於北行、非繁，就少搭，不評論。

先講上繁，未到新田圍前，係幾乎載凳載空氣，但一到新田圍，除非同89拖卡，否則好大機會變成幾乎坐滿窗口位，就算未坐滿窗口位，都明顯多人過未到新田圍前，o個架仲要係11米雙層熱狗。

有D「人」就成日屈機比較，用新田圍一條村既客量，去同三五七條村再加N個大商場加埋既客量去比，上面有個仲痴線到傻豬到，用兩個18區分區既總人口去比，然後就話新田圍點少人.....
而未陰乾前既74A，上繁時，新田圍真係可能做到一條村既客量，已多過太和至乙明 N條村 加埋。

至於下繁，就早在埔公，未到中文大學正門前，已略見多人，又係幾乎坐滿窗口位，目測乘客多數係地盤、裝修工人，同埔公另三子比較，74A明顯多客過72A、73A，媲美唯一大線72。

當中可能以通常約1730太和開出那班最旺，呢班通常係熱狗(S3V或S3N)，約1755至1805到中文大學正門，仲食埋中大office放工客，唔止坐滿窗口位，上層幾乎每一排凳(左右排當兩排計)都坐夠兩人，偶然甚至會有少部份凳坐夠三人。

當然與頂閘仲有相當距離，不過一直到臨入獅隧前，要上到車有位坐冇難度。

有次聽到呢班車個卡佬，唔知點解對某個客講話：「呢班車係零捨多人，前一班後一班都係冷氣，得呢班熱狗，D人個個唔想畀佢掠就搭晒呢班....」

後來你唔知老狗點玩野？

呢班車轉冷變相加價都算，佢仲癲到轉單層，你唸下S3V/S3N都咁，單層點算？味由有位坐(最多唔係窗口位)變成頂閘。離開埔公後，本來要上車冇難度，變單層後，頂閘飛站亦好常見。

自此以後，74A已在我的搭車名單內消失。

當時o係呢度，都有討論過呢件事，有位在中大任職既站友都話，老狗好攪唔攪，走去搵呢班黎咁攪，真係痴線倒米傻豬，佢亦都唔會再搭。

轉全冷唔減價，算，你都起碼畀返合理服務至得架，好似呢個case，畀架3+2位舊ADS，都好過合理過畀架新單層丫係咪先？

所以有時所謂冇客，根本係老狗自己趕客做成。

又講下，74A被陰乾，太和亦係受害者，而某個太和土皇帝，對於74A被陰乾，就識話要返條特快線補償。冇左條慢+疏線，就要補返條特快線，真係識享受！

對於新田圍咁樣畀人開刀搶劫，新田圍受害人求返少少似樣服務，就好似踩親佢條尾咁，不斷開火攻擊誣衊，無所不用其極。卑劣、無恥的完美示範。

勸大家都咪再回某位土皇帝啦
某個土皇帝來來去去都係果三督屁
總有無限歪理無限理由無限自橕
等呢位土皇帝自己係度FF自己係度發牢騷繼續活在自己世界算吧啦

今次呢篇野最後一回

原帖由 mckhgc 於 2015-3-20 20:32 發表

幾多幾少又點？o係某D「人」眼中，

總之新田圍做唔到靠一條村，就非繁時都班班巴士打爆到頂晒閘，就係有車唔搭唔珍惜，被削資源冇得怨。

總之新田圍做唔到靠一條村，就多客過三五七條村再加N個大商場加埋，就係人口少需求細，人地 ...

其實係咪離咗題
重點係講緊 74A 對新田圍有幾重要喎 , 講到班車天花龍鳯但如果去到新田圍係無人落車 (上車清 89 客唔計在內 , 根本唔係固定客源) , 咁討論就變得無意義
如果 74A 既固定客源 (大埔 / 埔公 往返新田圍 / 沙田) 搭其他公交都唔搭佢既時候 , 咁佢的確抵俾人陰乾

[ 本帖最後由 GU9338 於 2015-3-20 21:05 編輯 ]

原帖由 kmb71k 於 2015-3-20 20:45 發表
勸大家都咪再回某位土皇帝啦
某個土皇帝來來去去都係果三督屁
總有無限歪理無限理由無限自橕
等呢位土皇帝自己係度FF自己係度發牢騷繼續活在自己世界算吧啦

今次呢篇野最後一回 ...

錦你不如解釋下你既雙重標準先啦

http://www.hkitalk.net/HKiTalk2/ ... p;page=8#pid2948640
http://www.hkitalk.net/HKiTalk2/ ... p;page=6#pid2947315
http://www.hkitalk.net/HKiTalk2/ ... p;page=4#pid2946919

太和CUT線要補償就天經地義,新田圍CUT線要補償就天理不容?