今日到我 (好彩係小事)

好彩冇事。

事發地點：上海街近弼街交界
時間：下午2.00左右
過程：我退後錫左架spacewagon 一啖仔 (有sensor 都撞左埋去)
損毀情況：spacewagon 泵把於我車移前後彈回原有位置，兩車皆冇損傷，
對方向公司報告後認為既然冇損傷，當冇事發生俾我走。

照片如下：

好彩係原色膠泵把~如果唔係的話有甩油您都走唔到~ :p

我就係試過咁樣o係街比人撞爆塊車牌。

唯有下次小心D 吧.
如果命中註定你今年有車禍, 而個車禍就係咁, 即係話你已經逢凶化吉¬

琴日先有架HIACE同架專利巴士撞，架巴士車側二三軸個位甩哂油同笠左，HIACE就難左少少車尾，但奇怪既係巴士佬賠左錢即走。有少少眼凸

傍晚經過長沙灣廣場附近, 睇住一部有尾板的噸車倒後,
後面就有部細車, 結果唔知係咪部噸車睇唔到有細車嚮車尾,
結果噸車尾板下面的橫柱型泵把壓左落部細車條頭泵把頂同頭蓋之間,
細車個司機呢個時候先響Horn示警, 但一切都太遲咯.
心諗: 見到部車倒後差唔多到都應該響Horn示警先啦, 唔係撞左先響嘛!

原帖由 hanvas 於 2006-6-2 19:29 發表
傍晚經過長沙灣廣場附近, 睇住一部有尾板的噸車倒後,
後面就有部細車, 結果唔知係咪部噸車睇唔到有細車嚮車尾,
結果噸車尾板下面的橫柱型泵把壓左落部細車條頭泵把頂同頭蓋之間,
細車個司機呢個時候先響Horn示警, 但一切都太遲咯.

心諗: 見到部車倒後差唔多到都應該響Horn示警先啦, 唔係撞左先響嘛!

上星期五先有架24噸溜後，隊中架89D車門
響Horn怕唔怕架大車以為你佢睇後呀？後呀…後呀…後呀…

我通常見到大車倒後, 甚或係無 Parking sensor 既細車, 差唔多埋到黎時我都會響長 Horn 的.

睇黎呢期大家都要小心D…
都已經唔知第幾單意外囉…
唔知呢期係咪特別多意外，睇報紙都覺得多左…而我做野間廠都多左好多輕微意外既車返黎…

P.S.近日先知，原來我之前撞凹個泵把都係好小事…

睇黎大家都係去拜下黃大仙先得