九巴駁港島小巴擬推優惠

ctb234 發表於 2017-6-30 09:20
我講都講到口臭.
客係要養返黎,養慣左班客嘅搭車模式,就算有地鐵都唔駛怕.
人本性就係懶,點解大把綠小收 ...

係呀，以前18 20號由細坐到大，小時經常同家人出入中環金鐘，就算拖住我大小同價都係搭18 20；
屋企人梗加搭左幾十年，由以前返工到取消，就係因為快密車有位坐，每次坐全車廿零人一定有，繁忙時間坐得 滿部珍寶。
到而家，中上環金鐘返黎北/炮？地鐵啦問都唔使問，就算仲有架18死等一架兼無班次可言都免喇。

DM17 發表於 2017-6-29 20:30
如果新巴106 113都叫爛咁九巴117咪叫爛王之王?
三架車都做到成pat屎咁
22/23分鐘定點班次都可以變半粒鐘甚至九個字先有車返
星期二返工時間夠膽死得返2架車行
人地城巴時段冇車斬8X都要死架車出黎
你九巴就闊佬懶理
隔離銅鑼灣112咁多特車冇人識做117架?

以下真人真事, 發生在親戚身上, 借文改頭換面吹下.
  
如果新巴106 113都吾叫爛咁自家94X咪叫爛王之王?
三架車都做到成pat屎咁
20分班定點都可以變八個字甚至無車返
親戚有日返工時間夠膽死得返2架車行
打去熱線話有壞車入廠問佢幾時有車佢話無呀總之入左廠
問佢可吾可以附近拉架車過黎佢話熱線無權叫站長拉車
利東二個站漁安一個站加埋130人等94X個個趕返工
你新巴繼續闊佬懶理
隔離海怡西村咁多車冇人識做94X架?

38．HKT．138 發表於 2017-6-30 12:17
中上環金鐘返黎北/炮？地鐵啦問都唔使問，就算仲有架18死等一架兼無班次可言都免喇

早幾個月某日下午中環近環球等 10 仔去大道東, 企企下有個雙腳有事行得慢既男仕及一位女仕話去北角新光戲院, 個男既話搭 18 快 d 吾駛咁塞跟住就企係度等, 小弟即時出手相助話呢個時間無 18 又無快車去北角新光, 一係搭 10 仔啦吾駛行, 見佢行得慢隻腳有事我都無叫佢搭地鐵, 跟住佢話吾該哂呀原來呢個時間無 18, 搭 10 仔又有排搭, 咁我去搭地鐵啦, 吾該哂.
  
嗱, 我有 Sell 新城條 10 仔架, Sell 佢點到點吾駛行架, 我無趕客架, 無叫佢搭其它車架, 兼幫你搵生意架, 最後係個客自己走吾比生意你做咋.

tridents 發表於 2017-6-30 12:38
早幾個月某日下午中環近環球等 10 仔去大道東, 企企下有個雙腳有事行得慢既男仕及一位女仕話去北角新光戲 ...

比我就SELL 619/690  
金鐘都仲可以搭2／23 呢D 比10 快GE 車
中環環球落柴灣月台路程短真是唔使搭巴士

tridents 發表於 2017-6-30 12:38
早幾個月某日下午中環近環球等 10 仔去大道東, 企企下有個雙腳有事行得慢既男仕及一位女仕話去北角新光戲 ...

名副其實臭名遠傳聽到都調頭走
另外唔知班五毛定打手，最叻就欏人地「梗差」例子做比較，一來低級趣味毫無新意，二來永遠都欏差過自己既事物去比較，籍以安慰自己不求進步，幼稚園老師都有教要進步係力爭上游鬥好唔係鬥差啦。
呢間野本住呢套態度去做生意，唔怪得做到成pat屎都不如
除此之外啊Q精神第一，無車係站？哦岩岩走左架者20分班無車係站唔代表乜呀；
你班咸魚搭車者仲需要我派定心丸呀？等啦唔等得就搭的士。
邊似對面九龍公司一個鐘班51前車未開後車就在站咁多資源呀

38．HKT．138 發表於 2017-6-30 11:47
問得好呀，誤點十分八分叫爛王之王，誤點半小時至一小時以上叫？
咦，又係喎同志們話爛橙112車海過北角方 ...

你十架車對人地三架車
咁都拎黎打到飛機?
阿生你都幾飢不擇食喎

HV9990 發表於 2017-6-28 00:26
又係民建聯啲議員呀，九巴同民建聯議員好熟架，成日俾料佢地放既
不如將PR外判埋俾民建聯做啦

又否是香港仔位區議員任X琳的最新想連任技倆嗎？
呢一招只是前奏，下一步(預料明年)開辦香荃線，但採用貴價包有位座形式(預料全程最少收20蚊一位)，用作整臭泛民聲譽，來誤導年長選民是建制的功勞都似。

kay 發表於 2017-6-28 07:46
之前先有人講過兩巴D人對調左
不過依家睇,九巴發展潛力多過新創建

遲d睇埋東西線和南北線過海後，九巴會不會有大量路線等候執粒。
至於投標線，睇下遲d啟德新線、油荃線、峻巒至東區線、港珠澳大橋路線由哪一間公司中標

CRH5 發表於 2017-6-29 17:43
我可以好肯定咁講九巴做 102 做得好過新巴
班次比較平均，唔似城巴咁一黎黎幾架咁

上面師兄講到，新城幾爛幾爛，但我又覺得其實有啲都係司機嘅問題…(唔好忘記一半都係中記出嚟)
例如司機打大、特登揸慢啲博踢，唔願做既各種問題.
我明白有部份係柴小巴士公司政策嘅問題，
例如畀唔夠時間、唔肯放站長安排踢車咁
但我覺得會唔會係以前中巴司機甚至係以前嘅人 嘅工作態度，比而家好得多？

作為一個喺華富邨讀咗六年中學，仲要喺九龍住嘅學生  
親身經歷過無數次，柴小巴士公司對南區嘅放棄態度  
包括45分鐘一班94a、華富南不停翻車但都係冇一個肯4x 等40分鐘先有車嘅苦況  
其實我覺得新城都有一定嘅苦況  
例如以前識某一啲南區師傅，佢哋都同我講新巴起碼欠一百個人，每日都有人射波唔返工
唔好同我講新城可以請多啲人乜乜乜
其實佢哋而家出手一啲都唔低，但有冇新人肯入行先係一個大問題

我覺得新巴而家限米煮限飯，再加上無可否應  
自己有車牌之後，覺得其實香港島真係塞車左好多  
比起早幾年讀中學，可能由華富出銅鑼灣
就算係星期三嘅下午六點，45分鐘都一定出到去
但早兩個星期試過，足足一個鐘頭先落到車......

塞車加冇人加司傅唔願做
你問我？其實柴小巴士公司真係冇得玩……

(利申 理性討論 絕非新城打手，只係咁多年生活喺港島，對新城有感情)

kelvina905 發表於 2017-7-2 02:23
上面師兄講到，新城幾爛幾爛，但我又覺得其實有啲都係司機嘅問題…(唔好忘記一半都係中記出嚟)
例如司機 ...

好坦白講，我都係港島長大，我都對新巴有感情
港島依幾年越黎越塞車係事實，但係依間公司既放棄態度都係事實
以前我返學，日日都搭2A，基本上等幾分鐘就有車；後尾有一排條綫真係好難等，Sogo 排左條長龍之後黎部 33 Trident，係之後低排區實施之後先好返D
之後西港島綫通車重組之後就變 18P 難等
又例如 18X 事件、Flyer 降級、人力車穨做等等，都顯得出依間公司越做越差