青衣長康邨往灣仔胡忠大廈(有輪椅客)：

本人的爸爸已有八十嵗並有部份中風出門需靠人推輪椅，但佢又堅持十月六日個日親臨灣仔胡忠大廈的華人廟宇委員會辦理有關(先人)嫲嫲的手續。我知道青衣朝早有948過海隧巴，但我又未能搵到港島區適合的轉車站去胡忠大廈；個日需朝早九點半到達，而我爸爸出門又需靠人推輪椅(所以搭唔到小巴)，所以我想請教各位版友有何好的建議：最好行的路程較少、需轉車次數越少越好。如能提供埋回程建議就更好！先謝謝各師兄版友的解答！

948盧押道落車後, 沿盧押道 莊士敦道 利東街 大道東步行, 其實係最佳辦法, 但要在長康邨(中途站)上車, 需要乘客在車廂內移動, 才可讓輪椅順利停泊, 恐怕會受盡白眼, 而且拖慢車程, 自己都唔好意思.

如果唔嫌棄, 或者可以試下搭7:00長青開出的241X到愛民總站原站轉乘109, 或到培正中學原站轉乘113, 同樣可以直達胡忠大廈, 時間上亦唔會過早, 兩程車都唔會過份擠迫.

但最難一樣嘢係保證車上冇輪椅比你早上車, 所以輪椅上巴士盡可能揀接近總站開出的分站上車, 以免誤點.

41同樣可以原站轉乘109或113, 最遲要搭到7:15長青開出班次.

回程應該都要食埋飯先.

如果係大道東出發, 建議搭113到聖德肋撒堂原站轉乘42.

如果係軒尼詩道出發, 建議搭港鐵(灣仔站A4出口有升降機)轉249M, 或行過去熙信大廈搭104到碧街轉42A.

cong 發表於 2017-10-4 00:19
1. 948到中環碼頭轉15
2. 41 到萬基大廈轉 113

15 朝早以交廣做總站轉唔到

回正題
長康邨出發既話 , 建議係涌美路既站上 948 ,
通常都仲有位俾輪椅入 , 上長青總站搭分分鐘已經打爆

過咗海可以考慮力寶中心去金鐘站轉 6/6X/10 之類 , 不過轉車步行距離會稍長

繁忙時間要在中途站上巴士﹐對輪椅客而言真係好大挑戰﹐未必上到車。

想可靠穩陣﹐過海用MTR係最好選擇。

坐249M (最多預時間遊一轉美景)﹐轉MTR可搵職員幫手﹐車頭放輪椅版上落車﹐去到香港站自然有職員接應﹐去到中環站再搵職員﹐同樣地灣仔站都自然有職員幫你(如你決定去灣仔的話)。
* 早上有青衣特車﹐吉車開出﹐只要等一兩班車﹐一定上到車的。同埋青衣站車頭第一卡係最易上車的﹐唔一定特車都可以順利上到車。
* 東涌線的輪椅位﹐只在車頭車尾才有﹐中間6卡係不提供的。


另外﹐亦可跟上面建議﹐於香港站出閘﹐A / E出口 / 機場快線落客區 尋找路面通道 或 A出口經IFC﹐前住交易廣場轉 15 / 6 之類﹐合和中心落車。
(我會建議係坐6號系列﹐用車頭上落輪椅﹐會比較方便。15號用車要中門上落﹐方便程度差些少)


搵MTR職員幫手﹐最主要係令你有足夠時間上落車﹐因為會同時通知司機有輪椅上落(因為要放板)。

香港站無障礙資料 : http://www.mtr.com.hk/ch/custome ... 39&disable_search=#
香港站街道圖 : http://www.mtr.com.hk/archive/ch/services/maps/hok.pdf

回程方面﹐都係用番相同方法﹐只係等輪椅巴士可能要得多幾班﹐但多路線選擇。
注意係15回程不停交易廣場的﹐在IFC 金管局門口落車﹐沿路行都有交通燈過馬路去到機場快線上落客區。

輪椅搭地鐵, 除非係電動輪椅, 否則唔需要動員放斜板的.

輪椅在香港站出入閘, 除非好熟路, 否則唔建議, 因為無障礙出入口並唔方便, 交廣轉巴士更加要兜路走.

輪椅搭東涌線, 亦唔一定到車頭車尾輪椅停放區, 每卡第一或五號車門, 在甲板旁邊有足夠空間停放輪椅, 當然也要顧及當時車廂情況而定.

EX-TL 發表於 2017-10-4 12:42
輪椅搭地鐵, 除非係電動輪椅, 否則唔需要動員放斜板的.

輪椅在香港站出入閘, 除非好熟路, 否則唔建議, 因 ...

輪椅上落地鐵﹐手動電動車都可以自己上落的﹐最主係使用者自己有無信心/技巧過到條空隙﹐唔夠信心/極少上落地鐵﹐搵職員協助會比較好。

由於出發時間係早上繁忙時間﹐青衣站會好多人﹐但以車頭係最少人﹐沿線又左又右上落兼且多人上落。加埋列車的輪椅位都在車站﹐所以我會建議早上唔好慳腳骨力﹐真係行到去車頭第一隻門上車。
回程時﹐睇當時列車人流情況便可。

至於香港站去交易廣場﹐真係要做定功課﹐睇下邊條路最好行。(樓主有時間的﹐最好實地行一轉睇下香港站的環境)


"地圖黨" 表示﹐香港站落車後﹐去番月台中間位置坐電梯﹐出電梯便行去(中環站)隧道則機場快線連接電梯(出電梯都對到正)﹐出閘用電梯直上G層(市區預辦登機樓層)﹐自然係地面上落客區。

在此出站﹐向摩天輪(金鐘)方向行﹐兜一個圈便可去到車站的後面(即係B1出口)﹐此處有過路設施去交易廣場巴士站。(附圖)

若是搭地鐵, 不應該利用香港站轉車, 白白浪費腳骨力和時間.

我會建議先搭42或43M到葵青劇院, 經附設升降機的行人隧道到葵芳站, 乘搭荃灣線到中環站或金鐘站再轉乘港島線, 灣仔站A4出口過莊士敦道後, 經太源街直行就係大道東胡忠大廈對面, 但太源街口沒有過路設施, 需到春園街口行人過路處. 故此, 應在莊士敦道過馬路後右轉, 經下一個街口春園街前往.

此步行路線比香港站短(不論轉巴士或港島線), 而香港站周圍環境, 個人認為唔適合輪椅行走, 無障礙設施相對落後係一大原因.

去程才是一天剛開始, 去到搞手續仲要消耗大量體力, 所以去程應該搭巴士, 盡量行最少路程, 回程慢慢考慮巴士或鐵路都未遲.

順帶一提, 新巴城巴對待輪椅人士並沒有一套標準, 故需遵從車長當時的指示, 盡量避免爭議.

先多謝各版友師兄的指導！我向繼母介紹後暫時最喜歡EX-TL介紹的241X或最遲7點十五分個班41去轉109或113。因為步行距離最短兼可直達胡忠大廈門口，再講述一下個日(十月六號)辦手續預計需時一至兩小時。

kj9021 發表於 2017-10-4 15:30
先多謝各版友師兄的指導！我向繼母介紹後暫時最喜歡EX-TL介紹的241X或最遲7點十五分個班41去轉109或113。因 ...

手續辦完可能只係11點左右, 都建議食埋飯先搭車走, 簡單方便可以在胡忠2樓大快活進餐, 附近亦有不少餐廳, 但需先知道是否方便輪椅使用者.

因為路程長而轉折, 長者容易感到疲倦(例如倒頭車或足部伸展), 加上手續累人, 推輪椅者體力消耗可能比想像中多, 所以應在出發前, 帶備適量包餅等糧水, 有需要時可作補充, 長者的藥物和藥油等應跟身.

不論在街上或車上, 輪椅人士需扣上安全帶, 輪椅停定後謹記鎖緊雙輪. 在巴士上亦一樣, 並須扣好巴士上的輪椅安全帶, 上車時要先向車長說明下車站名, 到站前一個站再提醒車長(即使是總站).

個人經驗, 扶手柱上的安全帶應扣在扶手柱下/靠牆的手枕, 但不要把綑在扶手柱上的安全帶身鬆掉, 通常綑好的安全帶長度, 已足以扣穩輪椅手枕.

靠背墊的安全帶可按指示扣緊輪椅人士身上, 但長時間扣住往往會感到不適, 而當轉急彎及上落斜同時發生時, 輪椅可能有些微移動, 長者不能和輪椅同步, 更感不適.

故個人建議上車時先將安全帶溫柔地拉盡, 繞過兩個輪椅手枕的膠和金屬間的罅隙, 再扣上(完成後為一個四方形), 這樣輪椅會更穩定, 輪椅人士會比較舒適, 惟此方法不適用於沒有手枕/非傳統輪椅.

如搭到J K及部份L牌的巴士, 靠背墊的安全帶需更輕柔地慢慢拉出, 最終亦未必夠長, 可以圍晒兩條手枕罅, 到時應要有咁盡拉咁盡, 繞過近走廊一邊的手枕罅, 來穩定輪椅.

當然, 車長有機會安排好一切, 惟遇到不適時, 可轉用上述方法.

祝一切順利!