九巴網42個行車時間好唔準

我上九巴網查42嘅行車時間，預時間去喇沙書院，網站估計由美孚去到碧華花園要22.1分鐘。結果我今早喺美孚上車之後就變成特快線，喺荔枝角道只係停咗少量車站，轉埋入界限街之後更加連燈同站都無停過直到我打鐘落車。
喺Google Maps上面揀私家車畫同一條線，出 13 min without traffic ，但係我今日上車後12分鐘已經落到車，隨時搭的士都追唔到部巴士。咁九巴網估22分鐘實搭12分鐘呢個真係過份誇張（少咗近半時間），令到時間大失預算，但我搭其它地區嘅路線又唔覺有呢個情況。

究竟九巴網個時間係點樣計出來？同樣行荔枝角道嘅32，九巴網估計由上青山上路開始去到轉入上海街要22.9分鐘，行長沙灣道嘅36B就要27.4分鐘。咁有無人搭過32會好似今日搭42咁誇張，13分鐘就由東北葵出到旺角？咁既然行荔枝角道嘅效果已經同行西九龍走廊無乜分別，點解唔見有線會由西九龍走廊拉返落行成條荔枝角道？

你幾點上車？而且今日係假日，嗰邊又多工業設施，朝早邊會有人？

單係今日紅日無人返學，少一堆學生客已經快唔少啦
加上荔枝角道嘅燈位，係越少人上車越有利，比 ETA 快係唔出奇

九巴個網一定估到你想搭邊班車，嗰班車多唔多人坐，嗰班車卡佬快唔快同交通情況，再比番個準確時間你啦。咁都可以上黎開po真係服左你。

42如果車長肯踩，一向好快，試過無數次葵芳上車，四個字到彩雲村，地鐵都冇咁快。以前行熱狗年代踩得仲癲。

42 多上落既可以仲慢過 214
如果荔枝角到彩雲站站停, 應該幾乎盞盞都送燈尾

快又嫌快，慢又嫌慢，家陣o的鹹魚真係難服侍

238X 發表於 2017-10-5 22:48
你幾點上車？而且今日係假日，嗰邊又多工業設施，朝早邊會有人？

07:49上車，08:01落車

miklcct 發表於 2017-10-5 23:01
07:49上車，08:01落車

嗰個時間閒日都快喇...

GK3258 發表於 2017-10-5 22:51
九巴個網一定估到你想搭邊班車，嗰班車多唔多人坐，嗰班車卡佬快唔快同交通情況，再比番個準確時間你啦。咁 ...

咁正常同一條行車路線，唔同班次嘅差異唔應該差成半行車時間咁多