本帖最後由 s3n370 於 2017-10-20 23:09 編輯
嗱，小弟兩次都用肯定句。 你真係知道小弟係吹水講錯嘅，咪直接話小弟錯囉。 駛鬼長篇大論質疑呀？質疑完就等於你啱？
唔該你睇番件事來龍去脈先。 而家唔係由零開始，申請放寬12.8。 亦唔係第一條/批線申請嘅磨合期。 上面都有人講佐試路後，個零兩個月就批。 其他公司，甚至同公司早前掠水A線，堆12.8一出就可以做生意。 那怕係之前城巴A/E線調轉車行。
要堆12.8出牌第一日就可以去新線做生意， 你話係咪要提前兩個月﹙另加申請及安排運輸署試車所需時間﹚， 甚至更多時間準備？ 而家仲要封塵半年都搞唔掂，仲要第一單E就出事？ 龍運真係無問題？龍運真係無問題，運輸署憑乜留難E線而放過掠水A線？ 真係無規矩俾佢任拖？
而家小弟無話過要push到特快批核，今日入紙明日批。 如果龍運真係預夠時間入足料，過佐正常批核時間， 係咪連打電話俾個官問下進度，都咁困難？ 進取少少叫阿SIR拎文件一齊睇，有禮貌問下有乜睇法， 有幾老幾呀？基本功咋喎。 小弟係講緊追下進度，請佢儘快答。 無話過要捉住阿sir一定要咁咁咁答喎，你係咪諗多佐？
你唔係天真到認為入紙申請，同考試一樣time is up, pens down， 交完卷就等派卷？ 就算係最易石沉大海嘅招聘，寄完信、面試完太耐無回音， 你總會打電話去公司問問，那怕個HR九成九係標準答案？
就算阿SIR答你刁轉野，上頭唔係經驗豐富D嗎？ 佢唔駛同對家上頭開會傾野架？你真係當所有老細流架？
講番你堆所謂駁斥。一D實在DD 0既野都無之餘， 用埋哂考試、捉棋等校園較常出現嘅事物去比喻現實世界， 仲要有明顯矛盾。 閣下分別用考試交卷同捉棋去比喻個過程： 考試一交卷，就真係無得變等派成績； 捉棋係我完佐一步到對家出招，我接完招再應對。 兩者完美矛盾，露底都唔駛咁著跡嘅 
你咁鍾意用校園事物去比喻，咁我又不妨用同一個tone： 考試肥佬可以溫過書重考、校內試會發番份答題俾你、 公開試只會俾grade，但都可以覆核成績。 同樣地，俾運輸署否決，就唔可以解決問題後再申請？ 唔會俾巴士公司知道衰乜？唔會俾機會去解畫？ 就算做0既野白費，都唔識檢討邊度出事，下次做好D？
最後離題都講下資歷問題。既然閣下認為小弟入世未深， 咁你一定經驗豐富吧？應該有實在野以理服人，唔會一D都無喎
觸角敏銳，年資尚淺都可看透世事。 不問世事，過完人世都可以也也烏。 小弟乜叉都唔係，只係識吹水唔抹咀讀屎片廢青乙名 | 
