本帖最後由 ctb7k-pc6795 於 2017-11-29 09:33 編輯
對北區來講, 短豬都係U廠車居多, 沙廠就得79K 果兩架 (KA9116 / LT6216),
但隨著膠牌車上周全部留廠, 總廠就開始送J牌同類入北區,
並把JZ牌去上牌郊區線, 同時轉來做後備的亦包埋
個位數車號果兩架 (ASV6, 9 - JX9994, JY2958).
為此, 我都開始留意新出大西北果兩架個位數車號的短豬,
現先分享 ASV6 (JX9994) 出走埔公之旅.......
兩日前睇特見版得知有短豬做72A, 用車係沙廠短豬阿二
(6號, 老大係掛289K 的 ASV50 - KU5862),
問左車序同時間, 就放工醫肚後過大圍, 晚上七點多到大圍靜侯目標車.....
其實 JX9994 入沙廠前, 先後服務大西北同埋東九龍區,
2010年入沙廠果陣本來係直接比北區掛76K,
但果陣就無入到去, 另派歐三短躉 KS8269 北上,
9994 就上掛86A, 直到86A 轉大車轉掛80M 同埋遊走西貢恆安.....
到上星期, 架車終於正式北上, 做郊區線替車......
知架車做72A埔工尾車, 當然想試真架車,
網上唔少人都話架車麻麻, 可能就係架車轉兩次廠的原因......
當晚留影, 原來車尾燈好特別, 之後就坐一轉來回, 加速上斜反應一般,
公路表現平穩, 就係我坐完架車的感受....
(不過架車不知何故在行車途中錶板會長響丁丁聲,
但架車唔似水滾, 而架車返大圍果陣就無事)
坐72A返到沙田 就決定係乙明再轉車出旺角,
再等架車做 72x 第二班中載班次
呢班加班車都有十多人上, 個個有位坐......
轉眼就上映月台, 都不用熄冷氣 (可能有助跑) ,
但入獅隧, 錶板又再響起丁丁聲,
好在都無影響架車在公路的平穩表現,
在平路同12米版表現也無大分別, 只係長度短左.....
(個人認為 JX9994 派去平路或者低客量公路線會合適一點)....
出到公路, 就落車留影, 再轉其他車到安祥路, 剛好可以影埋門位,
就完成短豬埔公之旅, 快樂地回家去.....
(*尋日起, 72A 埔公尾車掛牌 KC2857 正式歸隊,
相信2240 果班72X 加班車會減少用單層或短車吧!).....
再戰72X (28 Nov 2017)
尋晚在特見板得知9994再次服務72A, 亦因為我要在晚上九點九先有空,
就過旺角碰運氣, 而架車亦都做番埔工尾車, 亦準時到達旺角道載客, 亦都補番埋站相....
同上次唔同的是, 今次站站都有人上, 揮手果陣都好落力.
今次錶板無再不停丁丁聲, 到公路都有微雨, 車亦比上次多少少.
車子轉眼就返到大埔中心, 亦難得在落客後架車被駛去 Lay-off 位
稍事休息, 令我都影到架車在大中的門位, 亦遊完收工單......
謝點閱, 歡迎跟相.....
|
