對於大西北路線嘅意見

屯門南延線已經落實左，到時260x可能少左一批轉車客。

269b呢條線，睇返資料只係下繁回程方向有返D客，其餘時間好少客。

我建議不如260x/269b跟280x嘅行法，南行方向改行柯士甸道，再右轉彌敦道。

北行方向由上海街右轉甘肅街，再行欣翔道、海泓道入連翔道，再由連翔道入青葵公路，以加快行車時間。

而去程可考慮於柯士甸道設新站。

最多繁時開返幾班來回廣東道、九龍公園徑嘅特車，減少對原有乘客嘅影響。

南行咁改係因為西鐵站唔近彌敦道等油尖旺中心點，去程改行彌敦道可以避免同西鐵完全重疊，減少競爭。

就好似大西北m線冇俾西鐵打殘，係因為m線勝在能夠直達荃灣市中心，同埋收費夠平。

北行咁改係因為依家嘅260x/269b要喺彌敦道左轉眾坊街，再左轉上海街，先可以折返佐敦道。完全係迂迴嘅行法。
跟280x咁行可以令班尖咀客免受塞車之苦，分分鐘令269b多返班尖咀客回流。

至於砲台街班客，可以行過去柯士甸道分站上車。

至於268b可以收檔，由269b大㰖隧道轉車站轉乘取代。但元朗客來回程收平一蚊。

建議69x縮短到維港灣，

因為依家旺角以南嘅客多數都會喺大㰖隧道轉車站轉乘268x，冇必要哂油落佐敦。

建議276p縮短到朗屏站，用返原268b嘅坑位。或者搬去洪水橋(洪元路)。

建議57m轉兩味，繁時提供雙向服務。

依家九巴嘅建議係57m縮短到葵芳邨，繁時只提供單向服務。非繁減班至60分鐘一班。

但呢個建議好明顯冇考慮到喺屯門工業區返工班客。

依家66m、66x、258d下繁六點打後，南行方向差唔多班班車都坐滿哂人。

66x、258d有時仲要企成十幾人。

如果下繁冇57m返葵涌，66m、61m、58m、67m就要食哂原57m工業區班客。

57m仲要私牌返葵涌載客。

倒不如繁時57m提供雙向服務，咁做係最有效率。

264r可以考慮於平日繁時提供雙向服務，更名為264x。

並減價至10蚊，增設與72a之轉乘優惠。增強吸引力。

因為元朗、大埔都有工業邨。而且元朗市中心商業繁盛，又有大型商場。

分分鐘繁時有雙向嘅客源。

勿無視F1板

成日話「落實」「落實」, 就算一個計劃有幾大機會實行, 一日未刊憲, 一日都唔應該話「落實」囉
邊個年代嘅RDS 都只係一份藍圖, 一份計劃書, 呢點係行文用字都睇得出
過去兩份RDS 有唔少計劃都係拖咗好耐, 推倒重來, 甚至冇曬下文
唔知點解去到RDS 2014 就成班人話政府「落實」呢堆計劃
無可否認堆計劃嘅係可行性係高, 但「落實」呢個字唔係咁用囉

當元朗來往上水都9.2，我睇唔到264R轉全日會有可能收10蚊

hihihi 發表於 2018-1-22 18:32
南行行柯士甸道想塞死？280X就係因為甘樣星期六日隨時冇咗五至10分鐘，北行左轉既話想撞死哂D途人？講野之 ...

咁北行方向跟280x咁行，由上海街轉入甘肅街，再行欣翔道、海泓道直入連翔道，再由連翔道直入青葵公路。

個人建議請到F1版

M線唔死就梗嫁啦，如果用月票又用南昌價計，學生屯門去荃灣仲貴過搭巴士。
而且美孚轉番轉頭，印象唔好啦。
M線唔死係好正常呀。
但如果荃屯開到，個價又減到3成，我諗十蚊、十二蚊都會有部份客放棄巴士(請參考青公紅VAN去荃灣要幾錢，都唔會話完全冇客)

要唔殘，叫九巴整個唔過海月票，可能$600(參考港鐵屯門-紅磡$585)，咁就有得搞搞佢。
一係就靠執散客(唔係日日去尖咀，或者去完飲返屋企者)