|
|
|
Abusing dead rule -> Denial of reality
|
|
|
|
|
|
|
|
|
Abusing dead rule -> Denial of reality
|
|
|
|
|
|
原帖由 Ketsu 於 2006-6-14 23:42 發表
首先多謝FX8173兄講得咁詳盡
其實你所講既野
我都會聽日試下得唔得
話哂每架車同每個人都唔同情況
好多野都要自己摸下先
但論啟發就真係好有幫助
唔該你先
不過上斜果度我都想講一講
其 ...
睇黎你要好好練好吊極力子, 我係hksm去到第5堂已經摸到個技巧!(我仲要堂堂唔同車)
仲有唔好空波滑行, 呢個係危險動作, 好易出事fail
樂活道咁斜, 上斜記住要畀d油, 唔係好易死火、溜後
窄位掉頭、泊位 唔洗畀油, 淨係靠極力子、逼力控制架車
想快就放過d極力子, 想慢就踩低d極力子, 記住:
窄位掉頭、泊位開車之前要望鏡同後,唔係會畀人剔架
我考中期試都係恤衫西褲正正經經衣著, 費事畀個考官先入為主,
唔好印象! (佢好cool, 目無表情)
最後祝你好運, pass啦!
[ 本帖最後由 guia 於 2006-6-15 00:42 編輯 ] |
|
|
|
|
|
|
|
|
我果陣都係考大球場+樂活道, 希望俾到d心得你 
先講你斜路停車問題, 其實果度排隊輪調頭真係唔駛俾油,
只要到磨擦點再吊高少少就去得,
但因為你話停車仲衝, 我諗都係響排隊時留空多少少位,
順便練埋斜路開車/停車好d.
響果段斜路停車呢, 應該係上到白線前一個車位左右就收油,
等到部車就黎震到死火時(又或者早少少都得既)踩極力子,
唔好brake住, 等到部車停定又未溜後時先一氣過踩實個brake,
咁就唔會有衝同chok既問題勒, 不過大前題係要一眼關七,
時間要計得好準先會ok, 如果唔準,
就寧願響部車仲有餘力衝上斜既時候就踩brake,
咁雖然可能會有些少chok, 但都好過捉錯時間搞到真係溜後.
另外想幫你搵個原因, 你先踩極力子再慢慢踩brake,
部車唔停仲要加快溜前, 或者係因為你踩極力子果下,
部車係響慢速, 所以你一踩到去半極力子既最高位
(即係你平時斜路排隊用既果個吊極力子程度),
部車咪會因應你吊極力子而加快車速囉
^---以上純粹靠估
其實我吊極力子唔係睇佢震定唔震,
而係聽聲. 你試下拉左手掣之後乜都唔好踩,
慢慢吊高個極力子, 聽下每個階段會有咩聲音,
你記低佢既話自然就知道自己係高左定低左.
調頭果度, 師傅教落有得吊極力子就唔好用brake,
如果兩用既就只係兩邊響度鬥力, 無意思.
如果想部車快d既, 咪吊高d個極力子囉,
等部車有一定滑行速度時個極力子咪低番d囉,
正如FX8173兄咁講, 控制極力子最緊要慢,
咁先會感受到究竟部車既速度係咪岩你心水.
而調頭睇位方面, 擰頭呢樣野只會響你停低部車想開車時先做,
即係話你響起步第一手呔, 倒後第二手呔,
同最後第三手呔開始前睇鏡後都要擰.
擰頭響呢個試場黎講絕對唔應該係做樣,
因為你調頭既位置會有考生出入,
一有人盲中中響你部車附近行過你開車就即肥勒,
所以響呢個場一定要做, 為既都係保障自己.
出街勒, 多數都會用樂活道架喇, 走唔甩,
咁要留意勒, 響試場出黎未到連道路口時有個渠蓋,
差唔多位置時"正常"黎講就應該轉2波,
到三叉位中途時就睇鏡擰頭望連道有無車,
切線後過燈位, 過燈位後就有咁右靠咁右,
當然響虛線前停低睇睇右邊有無車啦(+擰頭睇),
靠右係要黎食住個位, 因為好多時後面d benz唔會理你,
你用正常線位既話佢會夠位響右邊食你,
所以唔想俾後車干擾, 就要靠右.
出左禮頓道, 如果無死車就靠左線,
有死車就多謝佢(之後唔駛再等切線),
如無意外, 碌到去巴士站前就望下有無位出,
無既話就碌去巴士站停低, 等有得出先離開巴士站,
千祈唔好邊睇邊碌, 因為隨時會踩線,
或者距離前面障礙物太近, 咁都會好肥.
過左呢個最難切線既位, 就應該沿右線走,
唔好走去cut左線, 聽講考官見你cut左邊線都會肥你.
過電車線要望後, 過體育道燈位後就可以搵機會cut左,
一路應該上到3波, 如果無位入,
要響電車站前面實線前停低等運到, 唔好心急斬入去.
轉活道前個燈位, 左邊車頭唔應該過白線.
呢個燈位係要行人按先會轉紅燈既.
如果呢個燈位係綠燈, 就要響轉彎前拖落2波,
如果係紅燈, 咁就響未到斜路時就趕快上2波.
去到呢度就小心勒, 我果陣黎到呢度咁岩塞燈要排隊,
我響雲地利道果邊就要斜路停車,
之後驚住有咩差池就一直用1波爬上去,
可能個考官知道部車無咁屎要1波上,
所以我相信我個離合器同車速控制不當都係呢度黎既...
上到平路用2波, 對準連道sir落去,
基本上前面無車就唔需要拖brake, 谷盡個2波落都ok,
去到私家樓車場出入口就開始拖brake,
準備轉番去加路連山道. 呢段加路連山道都有d陰濕,
好多時左邊會有死車要你踩線甚至跨過對面線行,
同埋如果頭先活道順風順水,
考官可能會要你響呢度試一次斜路停/開,
又或者會要你響上到終點前試.
去到東院道附近要望幾次, 頭一次係你出車果條路仔,
第二次係轉右入東院道前, 第三次係轉入大球場徑時.
後兩次要清楚記得果度係兩條路黎,
千祈唔好當佢係一個大右彎咁轉.
練藍塘道又真係幾好架, 起碼夠哂斜, 又少車條路又直,
呀...睇到你話[鬆完手掣就即刻踩油]
其實斜路開車尤其響活道既話咁做好危險,
最好係聽聲吊岩極力子就踩薄油先鬆手掣,
咁做既話就算你吊唔岩極力子, 部車都會有道力向前,
都唔會即時溜後撞車.
衣著...企理就得喇.
著波衫...可免則免啦, 著件恤都唔難丫.
鞋就無問題既, 果陣我未有牌之前上師傅部車都係著白飯魚架~
扮傻仔就一定啦, 仲要係扮超有禮貌既傻仔喎,
唔該前唔該後包無衰.
唔明再問啦, 果陣我學左幾粒鐘乜都唔識,
就俾師傅無厘頭點左上去調頭泊位, 我直頭腳震添啦,
祝你好運, 一次pass啦~~ |
|
|
媽屐停
|
|
|
|
|
|
原帖由 cktse 於 2006-6-15 04:11 發表
同埋如果頭先活道順風順水,
考官可能會要你響呢度試一次斜路停/開,
又或者會要你響上到終點前試.
仲要試一次斜路停/開？
請問呢個機會大唔大呢？
因為我係考九點既
聽人講話每朝十點前係唔俾停車既
所以個個都話我呢個時間好靚
不過都想問多句
請問著T-shirt去考有冇問題呢？ |
|
|
Abusing dead rule -> Denial of reality
|
|
|
|
|
|
原帖由 cktse 於 2006-6-15 04:11 發表
衣著...企理就得喇.
著波衫...可免則免啦, 著件恤都唔難丫.
鞋就無問題既, 果陣我未有牌之前上師傅部車都係著白飯魚架~
扮傻仔就一定啦, 仲要係扮超有禮貌既傻仔喎,
唔該前唔該後包無衰.
波衫就係唔係咁好，仲要配四個骨褲 (及膝褲係四個骨，唔係三個骨﹗)……著件普通 T 恤都可以，如果好似我而家著緊呢件印有『Delay NoMore』o既 GOD T 恤就唔好喇﹗
至於扮傻仔方面，總之一日未拎到張合格o既黃紕到手，一日都仲要o係個官面前扮﹗見過有人起初扮傻仔，點知架車死o左火，返到場個官 tick 佢唔合格，之後即刻『現型』，即時爆粗鬧個官﹗ |
|
|
NISSAN Presage 2.4 CVTC
|
|
|
|
|
|
原帖由 Ketsu 於 2006-6-15 09:10 AM 發表
仲要試一次斜路停/開？
請問呢個機會大唔大呢？
因為我係考九點既
聽人講話每朝十點前係唔俾停車既
所以個個都話我呢個時間好靚
不過都想問多句
請問著T-shirt去考有冇問題呢？
機會都唔大既, 因為響樂活道都好難唔駛停車既.
九點就very good啦
可以問下師傅可唔可以提早少少去,
咁就可以排第一.
要[樸素]! |
|
|
媽屐停
|
|
|
|
|
|
|
Advertisement
Advertisement
Advertisement
Advertisement
Advertisement
|
雖然我咁講好似好兒戲咁，但真係有朋友去考試時著 T 恤短褲涼鞋，一上車俾個官問佢係唔係住附近，著到咁街坊。之後佢因為天光道落斜時空波行車俾個官話，佢又駁咀，結果一個大 S 就 KO o左佢﹗相反，平時好多『串串貢』o既朋友考車果日扮傻扮死狗，都可以博同情分~
樓主
)
