276系需要4條全日線？

現時276系有4條全日線，但我一直覺得太多。

首先，很多元天的區外線，都只是1-2條。去機場有E34A和B，去觀塘有268C和269C。這些路線，通常是元一線，天一線，就算去長深荔/油佐/港島，都只有三條。四條的例子不是沒有，但只有荃灣和旺角，這引申至下一個問題。

荃灣和旺角的元天線，非繁的客量也不錯。但276系路線，276P用12.8都非常爆，276A客量也好，但276、276B客量不太理想。而且276的元朗區定線，給人的感覺是區內線多過元北線。而天水圍竟然可以有4條線，搞到常常載空。所以，元天來往北區的需求是不是能撐到4條全日線，值得懷疑。

聽人講過，276的客源主要是元朗區內客和執276P雞。我常想，既然如此，為什麼276區內線功能不給區內線（如54延長）做，然後全部車給276P或者其他線？始終，我相信屏山/博愛想要一條市區線多過上水線。而且，天北只需要1條上水線，應該將A線B線合併，定線再執執。同時，當978 261等都可以深入北區的住宅區，276系不應該彩園/太平止步。

各位師兄對276系路線又有咩意見？

P.S. 本post不提繁時線、63X。

派膠高手輪住發功真係好難頂

276A又要叫少客既
咁咩線先係真正多客?
A線同B線合併咁落馬洲又入唔入?
276仲入緊博愛肯定唔單單只係為左元天

好心開thread之前
爬多幾廿篇文
諗清諗楚先好出

呢D垃圾post幾時先會絕種?

如果 276A 非繁都叫少人搭，其他天水圍線係咪完全無人搭？比起你口中嘅荃灣旺角線，
我真係唔信 276a 少人搭過堆 265b 265m 69m 269m 69x

我日日都搭 276A/B，276A 最大問題應該係天水圍啲燈成日搞到佢繁忙時間拖晒卡囉，
朝早返工返學時間成日無五個字都出唔到天水圍

你放大你雙眼睇清楚天水圍唔經元朗既九巴線非繁忙時間最密係邊條啦

其實樓主你有無係彩園坐過 276A？
我次次搭親都好多人排隊...

呢條線根本就唔係你講既少客囉
如果真係少客九巴當初就唔會開 276A 去分流天水圍元朗去上水既人啦

同埋如果你將 276A 同 276B 合併
咁你想條線點行?

深圳比亚迪 發表於 2018-3-8 14:46
我認為延長一條去洪水橋比較合適

其實我覺得 276P 可以拉入去洪水橋同時撒出天水圍，而家係天水圍去上水既主力交比 276A 同 276B 做其實已經係最好...

條條線都要爆先有存在價值，咁好多線都死得啦。時間就係最好證明需要開4。唔需要你懷疑。

4條線有兩條線都成4個字一班車,其實你當276系得2條咪得囉
276天南元朗全方位，照顧大半區既人；
276B天北天東+落馬洲專線
條條線都有價值...