九巴服務調景嶺及將軍澳南公投

fleetline 發表於 2018-5-12 07:17
如果可以互相踩過界, 我諗情況會好好多,
不過依家係新巴可以亂踩過界, 九巴唔得,而家新巴有資源都走去同 ...

請問290係乜嚟？

流星☆雨 發表於 2018-5-13 21:21
請問290係乜嚟？

290 係招標路線，
但咸豐年前九巴 N293 已經過左界，近期非招標線過界代表亦有 91R。

fleetline 發表於 2018-5-13 21:05
首先, 我睇唔到將軍澳標書有寫明經唐明街,
而開線時定線亦明顯地埋下會改經寶邑路伏筆.
另外當年份標書點 ...

一向唔係講緊新巴有服務界線, 而係講緊當有其他服務者做緊果堆客的時候,
新加入服務者就需要避.
歷年來都行緊這一套兼行之有效, 係唔知點解新巴特別惡,
只有佢可以上門夾硬搶.

當真？近少少，城巴開 20，有無規定亞皆老街唔可以擺站，
唔可以直接同九巴 24（往來啟德）同 13D 16（亞皆老街往來大角咀）競爭？

再遠少少，新巴 701 開辦果陣，有無規定大角咀唔可以擺站，或者要拒載往返大角咀同旺角既乘客？
702 又有無規定唔可以載青山道往來欽州街、富昌南昌的乘客？

3ASV174 發表於 2018-5-13 00:59
停站係中標公司同運輸署再傾，
所以招標時條線經尚德，獲邀入標既公司就應該理解為條線會停尚德。

不過印象中有版友講過當時每間巴士公司只可以天北同將南揀一組來投

係唔係真我就唔知，但如果屬實，我又唔覺得九巴計錯數

因為如果係城巴投到天北返來，踩過界擺站呢個 non-issue 一樣會出現，
唔一定係踩入元朗大馬路，可以係踩入天水圍中/南…

但天北堆線的客量同前景點睇都好過將南唔少，將南大部份屋苑太近地鐵站，
而將軍澳巿中心唔少屋苑都係近兩三年先陸續興建同入伙，蝕要蝕足 15 年

以今日個環境，296A 係唔係都蝕，踩入將南因為行車時間同成本增加
而客量增長未必可以抵銷，分分鐘仲蝕多D，
296C 已經幾乎變左一條收將軍澳價的巿區流水，
係得 296D 296M 無得救。
對比起九巴如果當時投到將南返來再重組，全部或大部份一線行晒將南，
我覺得未必好得過而家 296ACDM，雖然呢四條線全部都蝕

當然，最大問題都係尚德又要直出又要總站，就算運吉批准都改唔到

S3BL100 發表於 2018-5-13 23:49
不過印象中有版友講過當時每間巴士公司只可以天北同將南揀一組來投

係唔係真我就唔知，但如果屬實，我又 ...

無理由只可以揀一組，因為只邀請現有專利巴士公司入標，
而天水圍北組線係收到四份標書，即係九巴新巴城巴冠忠（嶼巴）都有入標，所以明顯新巴已經係兩邊都有入標。

其實我想講運輸署批嗰個叫路線專營權。
大家可以睇到海麗邨一樣有九巴，一樣有新巴。就算係啟德都一樣有城巴，一樣有九巴。

坦白講如果尚德肯放出嚟嘅話，我相信整個將軍澳南冇人會反對296D 296A兜入嚟，296C入埋都冇所謂嘅，反正我哋都會出九龍灣。
問題係
1. 尚德肯唔肯放？
2. 九巴肯唔肯加多幾部車兜入嚟
3. 入到嚟有冇人坐？
296A 296D 都有唔少人係喺將軍澳南行出去坐，基本上296D唐明落車之後都保持住有一個20人嘅人群一齊沿住將天隔離行返去將軍澳中心嗰邊。但296C，唔單止貴過796C，時間亦都唔係話快得太多，要塞車嘅地方大家一齊會塞車，亞皆老街行天橋但係觀塘道亦都有機會塞車。係咪真係可以搶到人呢？如果到頭來加兩部車入嚟兜個圈，結果啲人只係坐出九龍灣嘅，咁不如將軍澳南自己開辦一條調景嶺經市中心出觀塘道再入九龍灣嘅九巴路線仲好啦。

同樣道理，尚德落去樓下嘅總站就有得坐296C，即使796C經唐明街都好，又大家一齊出唐明街等車都好，其實296C嘅時間唔會話慢796C太多。要塞車嘅地方大家一齊都會塞車， 296C喺觀塘道塞一輪，但到亞皆老街796C一樣嘢塞返下面，其實係冇咩競爭可言。回程方面之前都講過去深水埗裏面冇一個站係一齊嘅，去到旺角道都一前一後，之後嘅站雖然同一個站但係站牌位置都有少少唔同。如果咁樣都構成搶嘅咁喺正296D站牌隔離嘅796P叫咩？

（講開796P，本來以為佢將個站搬到去尚智樓會嚇走啲人，點知原來大家依然行去尚智樓到上車，仲要行得好開心，兼覺得比以前快咗，而將軍澳南嗰邊嘅樓就行去播道書院嗰度上車。當然雖然天晉多咗人上車但係客量仍然冇太大起色）

都係嗰句啦，作為一個市民我係完全唔介意兩間公司都入嚟插旗，最好插到我落樓下就有車直出市區。當然蝕幾多就你哋自己衡量啦。

3ASV174 發表於 2018-5-13 23:57
無理由只可以揀一組，因為只邀請現有專利巴士公司入標，
而天水圍北組線係收到四份標書，即係九巴新巴城 ...

四份標書係每間公司只能夠入一份？

053h4 發表於 2018-5-14 09:17
當日係九巴放棄投將南，集中資源投天北。而新巴及城巴當日係兩邊都有入標。 ...

唔係話將軍澳南得新巴入咩 o.0
定係海麗先至係得新巴入 o.0

S3BL100 發表於 2018-5-13 23:41
當真？近少少，城巴開 20，有無規定亞皆老街唔可以擺站，
唔可以直接同九巴 24（往來啟德）同 13D 16（ ...

咁你不如解釋下點解當初796a/c經唐明街唔停站?

經過將軍澳問題之後, 運輸署已經醒左, 批出的唔會只係得來回總站及收費的標書.