[ del ]

[ del ]

[ del ]

回程轉入祈德尊，其實唔肯定對家會唔會反對，印象中果陣 930 正線個 case 都好勉強（依家 934 仲要延長埋服務時間）。
去程入西站會做唔到滿樂，等同放棄成個福來邨。
不過入西站仲有個小好處，就係荃灣區內流水。依家收緊 $5.2，如果可以平少少，回程再諗方法兜入西站（最壞情況原路出入/經海邊、荃景圍天橋返愉景），收 $4.5 甚至更平駁腳會好吸引，反正愉景本身唔近西鐵，巴總又擦邊做荃景圍。

條線吸引人搭既地方係中上環，不過我自己有日閒日中段係中環睇左好幾班930/x港島方向,930過交廣個陣比930x更少客，拆完對930影響都唔細

kay 發表於 2018-7-8 23:17
條線吸引人搭既地方係中上環，不過我自己有日閒日中段係中環睇左好幾班930/x港島方向,930過交廣個陣比930x ...

下一步應唔應該考慮延長埋930去銅鑼灣？

摩頓台冇位嘅話，仲有威非路道

（純粹拋出方案，不喜勿插）

平日中午時段又唔係返工放工繁忙時間，客量低實屬正常，有好多全日線非繁客量可以跌到得1X-2X%
兩線全日後全部都去愉城機會極低，條走線長左又要維持現有班次咪要用多左一至兩部車，R多啲客嘅效果極為有限，點會為左好似密車啲而去維持一段冇乜人搭嘅路段? 同自己營運成本過意唔去?
930仲入荃灣係因為大窩口道之後可以做總站嘅地方最近已經係荃西之故
荃灣西站一帶個人認為WRL>TCL嘅行程時間同車費優勢比930甚至930X更為突出，專為大涌道開全日930A真係要諗得保守啲

樓主，你搵日同樣時間去天水圍數下969/967，再入屯門數下962B/962X
就會知930X中段三四十個客絕對唔失禮

而930X非繁既客量，無論點計都高過半全日373A既非繁一大截

930X呢個客量，已經夠數去做全日
尤其荃灣有逆向客源，順向就算唔標青都圍到數
家陣只係等城巴搵司機開車

如果講改動
我會覺得非繁灣仔行內街會多客過行海皮
當然咁做可能會趕銅鑼灣客
但搭得930X去銅鑼灣，本身都唔expect會好快
要改善銅鑼灣既服務，做起咗條930X之後搵辦法拆線好過

castanopsis 發表於 2018-7-9 03:35
樓主，你搵日同樣時間去天水圍數下969/967，再入屯門數下962B/962X
就會知930X中段三四十個客絕對唔失禮

同意師兄所講，930x 這個客量在非繁忙時間， 絕對收貨有餘。

有睇過在非繁忙時間的客量表現，930X>930>>934。
相信和930x有雙向客源 (荃灣市中心/工廠區)， 中產住宅區較多人出入CBD，以及能深入銅鑼灣有關。

到而家為止，自己都覺得934開半全日，是有點鬥氣和競爭的意味，不過暫時不太睇好。 個人傾向比較支持930x全日服務， 當然能否善用荃灣頭段運力，而加強服務範圍，就可以再討論。

kay 發表於 2018-7-8 23:17
條線吸引人搭既地方係中上環，不過我自己有日閒日中段係中環睇左好幾班930/x港島方向,930過交廣個陣比930x ...

其實入銅鑼灣除咗食銅鑼灣之外，我諗另一樣都OK重要嘅嘢喺灣仔
灣仔話多就唔算太多人，但係勝在海皮有商廈內街又係內城區，咩時候都會有一批客，其實都幾好做。加上930/930X時間又唔係話真係太過耐，應該有機做到
問題就係930只到菲林明道，回程第一個站就已經係修頓球場，所以睇上去先至大部分人集中喺中上環，但係唔代表其他啲地方冇人坐。再加上其實我中間都有坐過930，咁大窩口邨同埋葵涌廣場嗰邊其實都多人上車，相信只係因為做唔到灣仔同埋小部分嘅銅鑼灣，兼且班次比930X頻密，所以先至會明顯地少人。

如果要真係有效咁攞到灣仔嗰班人，其實一齊行軒尼詩道泊摩頓臺係最好嘅選擇。然而摩頓臺冇位，軒尼詩道又擠塞，咁所以都係冇辦法。

同埋其實好多人都睇得出拆完之後對930嘅影響都唔細，而家個尷尬位就係如果減班次班人隨時坐返地鐵，但係Keep住依個班次其實係有點兒站不住腳，大窩口道近荃灣嗰幾棟樓又好似仲有一段時間先至入伙
咁所以點解我會提出話兩線行同一條路，就係想盡量咁平均兩條路線嘅人，好似290同290A咁樣。當然呢個只係理想化嘅結果，實際上實行未必可以做到，所以我都只係提議一下，睇下大家有冇啲咩其他嘅意見咁

kay 發表於 2018-7-8 23:17
條線吸引人搭既地方係中上環，不過我自己有日閒日中段係中環睇左好幾班930/x港島方向,930過交廣個陣比930x ...

有次係葵芳上930都坐得滿窗口位...
仲要12.8米...

castanopsis 發表於 2018-7-9 03:35
樓主，你搵日同樣時間去天水圍數下969/967，再入屯門數下962B/962X
就會知930X中段三四十個客絕對唔失禮

放心呢方面我都明白嘅，我亦都唔係質疑緊呢條路線有冇能力全日，只係喺現時整個situation底下，要全日有點兒困難。可能係我表達得有少少不恰當。

我自己坐車經過西隧嘅時候都有見到其他西隧嘅路線，係除咗個別附帶不少行李嘅962X同968以及E11/E11A以外，其餘嘅路線都係咁上下人數，甚至有機會更加少。
問題係現時運輸處落咗個配額制度，如果城巴需要為930X擴展服務時段，就要喺其他路線到抽車。而我哋睇返成個城巴嘅路線網絡，其實除非抽75/90/96/97依類路線嘅人同車，如果唔係嘅話對整體盤數嚟講唔會有太大嘅差別，始終依家其他路線都係再咁上下人數，盈利都係咁上下。
當然我都好清楚反方向係有人嘅，當930 930X分拆緊嘅時段，其實對面方向入荃灣嘅930，人數係介乎930 930X其中一者至兩者總和。咁問題係呢個係咪一個足夠嘅理由說服城巴，喺其他盈利唔算太差嘅路線抽一部車出嚟，做呢條盈利相約嘅路線呢？
當然我相信如果佢有人亦都夠車絕對唔介意做依樣嘢，問題就係正如之前大家都有講過，啟德嗰三條路線佔據咗唔少嘅配額，咁唯今之計就唯有繼續等。


至於改動我都好同意其實裏面街嘅人唔會差過海皮，問題就係如果去海皮嗰邊過一轉彎就落去第一個百德新街，咁其實出銅鑼灣嘅速度係快過行軒尼詩道好多，亦都睇得出真係有一班人會因為咁樣而坐佢出去銅鑼灣，如果亂咁改我真係擔心呢班客會落地底。
但係其實灣仔好做定係銅鑼灣好呢？如果以每日全日去計其實理論上灣仔嘅上落應該會多過銅鑼灣，始終灣仔北面有商廈、南面有內城區，唔似銅鑼灣咁樣真係純粹購物為主。但係問題係難得開拓咗一班去銅鑼灣嘅人，我相信城記都唔想輕易放開佢哋，而依個就係兩條路線要改動最困難嘅位置。
如果要避開景隆街對開同埋海皮轉入內街依一大段嘅擠塞，而又可以食得住呢批人，唯一嘅辦法就係直行告士打道天橋停告士打道維園，問題係停告士打道維園入唔返摩頓台，而直入摩頓台嘅話相信好多銅鑼灣嘅人都會順利坐返地鐵。

坦白講雖然琴日我都叫做提出咗啲意見，但係對於我自己嚟講，呢個方案根本唔能夠完全解決整個問題...