[請教] 未解決...

上次聽完各位師兄既意見
我吊極力子係好左
起碼真係控制到架車慢
點吊都唔死火兼好少溜後
同埋磨擦點好左好多
但家陣卻有另外兩個地方仍未解決...

1. 停車
我發覺家陣無論架車行得幾快/慢都好
當我停車果陣
始終都搞到架車好chot
其實我都研究過呢個問題
主要都係當我臨想停車踩極力子前
(無論係我先踩極力子定係拖brake先
當然當時我根本冇俾到油啦)
架車又係衝前
呢個就係我仲未克服到既問題
(唉.....)

2. 窄位掉頭
呢個真係萬分多謝各位指點過我既brother
我家陣真係做到快車慢喇
臨停前架車終於冇向前(一轉二)/向後標(二轉三)
但係家陣衍生左另一個問題
就係回果陣
因為架車太慢而溜後(一轉二)/溜前(二轉三)

呢兩個問題都真係到而家仲考起我
所以小弟很希望請教下你地呢班前輩
可否指點下小弟點樣克服呢兩個難題

其實我都問過其他板友
佢地都覺得我個師傅太遲放我手
(家陣我都去到27個鐘)
搞到我仲未可以有果種DIY既感覺
(去到尋日佢都仲要幫我手
搞到經常「唔見左」個brake
同埋佢一放手我即時唔同哂感覺)

老實講
而家我個plan又得番6個鐘
我七月四就考喇
所以你話我唔驚就假...
我都知我都有d 煩架喇
但我確係實想參考多d 意見
睇下邊一個適合我用
始終我響呢方面既資質...

總結係兩個問題︰
1)停車太 Chok︰
　我相信您都有踩過單車，唔知您踩單車時停車會係離遠拖長 brake 埋去定係埋到去先落大 Brake。其實渣車都一樣，只不過個 Brake 用腳踩，唔係用手拉。如果您倒車時太 Chok，即係您停得太慢，煞車距離唔夠，埋到差唔多要停位置時，身體自然反應踩深 D 個腳掣，架車咪停得急o左， Chok o左囉~我自己渣車同踩單車都係，留意住路面，除非要緊急停車，如果唔係我都會先慢慢將架車減速，再預計下架車要用幾遠o黎停，再由淺至深踩 Brake，等部車均速咁溜停，咁就唔會 Chok o架喇﹗呢個要花D時間練，因為架架車煞車距離都有唔同，所以唔可以話您知離地車線幾遠要落 Brake，實際距離要您自己摸下﹗但係萬變不離其中，太急咁停，一定 Chock，預時間距離慢慢地就無問題。不過要小心兩點︰一)慢慢停的話，真係要控制得好好，如果唔係停太早，官會鬧，停太慢，到差唔多到時再落大 Brake，就會更加 Chok~ 二) 如果係雨天，煞車距離係比平時長﹗如果操開乾地，而到時落雨的話就要留意返~至於架車踝 Brake 向前衝o既問題，我估計係您踩極力子果時太柔疑，動作唔夠快~
2)掉頭溜前/ 後
　呢個其實係您手腳唔配合所致。其實您可以o係身一手軑右轉至停定車後，唔好拉手制住，踩死 Brake 將軑盤未扭盡左o既，o係呢個時候扭盡左佢，之後先拉手制入後波。第二手軑倒後時一路扭返左軑，到停定後，同樣唔好拉手制，扭埋餘下o既右軑，之後先拉手制入一波。因為地面左右係向下斜o既，中間就凸起，所以落到邊位時，就要小心用 Brake 控制車速。如太快，就踩深極力子加踩少少 Barke，等架車收慢。上面果個動作可以幫您如果架車到邊溜前、溜後時，您未回得到軑o既補救方法。可以試試~

＊您仲有幾多堂上？如果係 Last 5，直頭大謄叫師傅您自己試，如果真係出問題先好幫手﹗

[ 本帖最後由 FX8173 於 2006-6-26 02:10 編輯 ]

原帖由 FX8173 於 2006-6-26 02:05 發表
從略

1. 如果我踩極力子係太猶豫既話
請問我係咪需要快d 手一腳踩埋去呢？

2. 「其實您可以o係身一手軑右轉至停定車後，唔好拉手制住，踩死 Brake 將軑盤未扭盡左o既，o係呢個時候扭盡左佢，之後先拉手制入後波。」
呢句我有點疑惑
如果我踩死 Brake後仲扭
(唔知我有冇理解錯呢？)
其實算唔算係扭死呢？

* 我已經係Last四堂黎架喇
尾三堂仲要係連逐三日朝早
尾果堂更加係天未光就要起身過海
學朝早六點呀陰公...

踩死 Brake後仲扭係唔算扭死既, 只有拉手掣再扭先計扭死~
而我個習慣係就算要咁做, 我都會先拉手掣, 等下一手未出車前先扭盡.

原帖由 Ketsu 於 2006-6-26 02:34 發表
1. 如果我踩極力子係太猶豫既話
請問我係咪需要快d 手一腳踩埋去呢？

2. 「其實您可以o係身一手軑右轉至停定車後，唔好拉手制住，踩死 Brake 將軑盤未扭盡左o既，o係呢個時候扭盡左佢，之後先拉手制入後波。」
呢句我有點疑惑
如果我踩死 Brake後仲扭
(唔知我有冇理解錯呢？)
其實算唔算係扭死呢？

* 我已經係Last四堂黎架喇
尾三堂仲要係連逐三日朝早
尾果堂更加係天未光就要起身過海
學朝早六點呀陰公...

1) 無錯，如果您唔一腳落，慢慢踩的話，當極力子o岩o岩又掂到磨合點的話，架車咪標前囉﹗
　所以如果停車，踩極力子就一腳落就得﹗如果係起步，做掉頭泊位果D就慢慢鬆﹗總之踩就
　快，鬆就慢啦~

2) 唔算扭死軑，因為您無拉手制嘛﹗您咁做最多佢都係 tick 您黃紙第十點，車輛停定時仍然扭
　軑o既 Minor Mistake o者，唔死得人o既~但係如果您拉o左手制先扭就即刻 tick serious mistake，
　即刻唔使玩~

＊咁您下灶好向師傅提出放手俾您自己o黎~

原帖由 cktse 於 2006-6-26 04:08 發表
踩死 Brake後仲扭係唔算扭死既, 只有拉手掣再扭先計扭死~
而我個習慣係就算要咁做, 我都會先拉手掣, 等下一手未出車前先扭盡.

咦？
請問呢個應該係鬆定拉手掣呢？
因為如果手掣未鬆就開車
咪即係死囉

同埋我有一次隔離師傅
響我唔察覺既情況下踩住brake
(但我冇拉手掣)
我扭果陣
我發覺個係比鬆哂手掣同腳brake果陣重
好似輟住咁
其實呢個係正常定係我既錯覺呢？

以前我係街學車，個師傅都係好興靜靜雞幫我踏迫力，
問佢佢死口唔認，但係睇住個迫力自動會踏下去，唔排除
有人故意令學車者不能掌握控制迫力而重考，別有用心．
宜小心...

原帖由 Ketsu 於 2006-6-26 09:20 發表
咦？
請問呢個應該係鬆定拉手掣呢？
因為如果手掣未鬆就開車
咪即係死囉

同埋我有一次隔離師傅
響我唔察覺既情況下踩住brake
(但我冇拉手掣)
我扭果陣
我發覺個係比鬆哂手掣同腳brake果陣重
好似輟住咁
其實呢個係正常定係我既錯覺呢？

總之切記唔可以拉o左手制之後扭軑，一扭即死﹗如果只係踩實 Brake 而扭就無問題﹗

有可能係您咁講，但有可能係風油軑油泵有問題﹗所以會『重軑』﹗如果您渣過無風油軑o既車就明o架喇﹗慢車扭軑係用力好多，因為軑同地磨死﹗但係照計您架學車應該有風油軑，就算踩死 Brake 或者拉死手制扭軑時都會好『輕盈』o架﹗

原帖由 Dolphin 於 2006-6-26 09:41 發表
以前我係街學車，個師傅都係好興靜靜雞幫我踏迫力，
問佢佢死口唔認，但係睇住個迫力自動會踏下去，唔排除
有人故意令學車者不能掌握控制迫力而重考，別有用心．
宜小心...

李健某王姓叫明仔o既師傅就係咁，我女朋友就係因此而學唔到o野，最後嬲爆爆彈佢鐘﹗

原帖由 FX8173 於 2006-6-26 11:33 發表


總之切記唔可以拉o左手制之後扭軑，一扭即死﹗如果只係踩實 Brake 而扭就無問題﹗

有可能係您咁講，但有可能係風油軑油泵有問題﹗所以會『重軑』﹗如果您渣過無風油軑o既車就明o架喇﹗慢車扭軑係用力好多，因為軑同地磨死﹗但係照計您架學車應該有風油軑，就算踩死 Brake 或者拉死手制扭軑時都會好『輕盈』o架

我架車踩左brake扭會辛苦d
或者係我踩得太大力掛
不過下次我都會試多次係咪真係咁
話時話我架車有時就算拉夠兩格手掣
都仍然開得郁...

原帖由 FX8173 於 2006-6-26 11:34 發表

李健某王姓叫明仔o既師傅就係咁，我女朋友就係因此而學唔到o野，最後嬲爆爆彈佢鐘﹗

我果個係衰遲放手囉
唔知我係咪仲未俾到信心佢由我自己渣喇

不過老實講
如果知道個師傅專登咁樣玩野
令自己肥佬
咁下次就死人都唔會再搵佢啦