高鐵營運一個月 日均客量僅3.5萬 議員憂大白象越養越肥

開多D中長途例如桂林、南寧、武漢、西安就有D用
而家太多短途但又冇得即買即搭，等車仲耐過搭車咁我不如行返羅湖落馬洲算啦

等車耐過搭車,
專登去西九站仲要45分鐘前入閘,
搭其他交通工具都已經過埋關返到國內了,仲要價錢平一半.

jpoon 發表於 2018-10-25 02:00
開多D中長途例如桂林、南寧、武漢、西安就有D用
而家太多短途但又冇得即買即搭，等車仲耐過搭車咁我不如行 ...

同意
雖然我未坐過，但睇見安排都知道福田車真係曬氣到不得了
車程15分鐘，但預早45分等，前後至少一粒鐘
同以九龍市區計，搭跑狗都係差不多時間到，行埋站頭售票處拍八仔，嘢都唔使講就轉身上車
搭東鐵雖然耐啲無位坐，但鍾意幾點出發就幾點出發
福田車咁嘅時間，加埋西九站個位置…唔係住附近真係好難要得落

中程車方面，廈門有三班就幾似樣，但其他地方就太少班次甚至無選擇
去南寧方向理應高鐵完勝飛機，喺香港亦明顯有回鄉需求，但一班都無

如果配合旅行社宣傳，桂林都有條件加多班中程車，以祖國景點來講桂林陽朔算幾高質，高鐵時間可完勝飛機，有一定吸引力

長程車（北京、上海）8-9小時車程其實唔失禮，飛機連check in兩邊交通都要8小時左右
如果開兩班各自相隔幾個鐘，買來回彈性就大得多，但而家又係得一班

短途浪費時間兼性價比低劣，中長途班次欠彈性，想搵次試下都唔係咁易夾到

低能，邊有新線通車一個月就爆棚？如果有就證明規劃得太遲

HU6455 發表於 2018-10-23 18:25
高鐵係有不足既地方, 但係呢份忠於新聞自由既報章, 佢地既眼中就永遠只有批評, 完全無建設性, 亦唔會著眼 ...

明明同每日一百分咁只會做符合一班班智力衰退人士嘅報紙明明大把報紙唔揀揀呢D麻甩野多過正常新聞嘅報紙

HV7025 發表於 2018-10-27 01:00
同意
雖然我未坐過，但睇見安排都知道福田車真係曬氣到不得了
車程15分鐘，但預早45分等，前後至少一粒鐘 ...

長程車方面，如果有動臥就最好。

粗略計過，香港搭短途上深圳北，轉動臥上北京，票價同香港搭日車上去差唔多，但有張床瞓下，又唔使浪費時間。同飛機相比係較貴，但舒服，亦無咁麻煩。

那邊廂，港珠澳巴士站排長龍。當初早應該設計公鐵兩用橋。

barking 發表於 2018-10-28 23:10
那邊廂，港珠澳巴士站排長龍。當初早應該設計公鐵兩用橋。

而家公路虎門以南得港珠澳，但鐵路的話，虎門到香港之間仲有條深湛等住起，等嗰條都頂唔順先算喇