城巴險失控 跣胎甩尾點救車？

最近天雨路滑，駕駛者要比平時更加謹慎。
有巴士疑因路滑跣胎，險與鄰車相撞，
幸車長駕得一手好車，以技術自救！

片段於星期日上載至Facebook群組「馬路的事討論區」，
一架無載客巴士在將軍澳隧道公路往將軍澳方向行駛，
當時正下着大雨，路面濕滑，巴士駛至一段落斜位時，
車胎突然打滑，壓向鄰線車輛。


車長即時扭軚努力救車，走了2個S形後成功重新控制巴士。
危險過後，車長疑驚魂未定，在馬路上慢駛，顯得非常小心。

不少網民稱讚車長︰「救車有一手」、「師傅好技術」、「食過夜粥」。
又有網民指該位置經常發生意外︰「呢個位真係好跣」、「呢個位成日撞車都冇人理嘅」。

駕駛教師協會理事長黎文傑曾接受《港呢啲》訪問時表示，
落雨跣胎與車胎磨蝕有關，建議市民如不幸遇到類似情況，
千萬不要拉手掣，否則會加速甩尾，「通常用反手軚，譬如佢個彎係轉右，
喺甩尾期間要即刻扭番左軚，令條行車路線拉番直，咁就有機會救到」。

黎文傑提醒，扭反手軚並不容易，想避免跣胎，
落雨駕車時應減低車速，轉彎亦應慢慢收油，避免意外發生。

https://hk.on.cc/hk/bkn/cnt/news ... 1126_00822_001.html

落緊斜時候有無可能轉到低波？
不過呢個全靠司機經驗夠先可以自救

太 多 重 型 車 , 日 日 夜 夜 都 經 過 .
條 路 個 頭 鋪 完 瀝 青 , 過 幾 日 好 快 又 批 走 晒 .
同 埋 架 架 車 去 到 落 斜 都 唔 係 點 收 ,
無 論 好 天 落 雨 都 係 照 劈 落 去 , 唔 撞 真 係 有 鬼 .
另 外 個 超 速 cam 都 唔 知 仲 有 無 影 ,
如 無 影 既 話 等 於 廢 物 一 個 , 加 速 意 外 發 生 .

落住雨 落斜過彎太快先識落brake實出事
個師兄冇乜經驗先會咁甩法

新創建啲軚仲衰過的士佬啲光頭軚
無錢做保養維修成日推堆殘車害巴士佬

lwb701 發表於 2018-11-28 03:00
新創建啲軚仲衰過的士佬啲光頭軚
無錢做保養維修成日推堆殘車害巴士佬  ...

本身尾轆豪都跣