因懷念逝去父親 中五生偷駕巴士判入勞教中心

年幼時常與父親遊「巴士河」的中五男生，
因懷念已逝去的父親，不自覺地對巴士著迷，
希望從而得到心靈慰藉，更立志他朝成為巴士車長

今年五月某個凌晨，男生因「忍唔住」，偷駕雙層九巴，行駛近10公里後，終將巴士撞毀。
男生早前認罪，今被判進入勞教中心。
判刑後，裁判官特意問他：「部巴士都係你媽媽賠㗎啦，你點報答佢？」
被告承諾改過自新，「搵份好工，報答媽媽」。
裁判官遂提醒被告：「你好好記住，係你自己講嘅。」

裁判官判刑時指，明白被告梁冠傑（17歲）因父親曾多次帶他遊「巴士河」，令他對巴士產生情感聯繫，或會令被告憶起與父親相處的日子，惟這不代表被告可以隨便犯法。
裁判官續指，被告過去有偷巴士車牌記錄，明顯未得到教訓，認為適合判他入勞教中心。

就讀中五的被告早前承認偷車、無牌駕駛、沒有第三者保險及意外後沒有報警共4罪。案情指被告與友人於今年5月22日凌晨約2時半，登上並駛走一部停泊總站內、來往竹園和秀茂坪的11C線巴士。
被告將巴士駛至葵涌貨櫃碼頭路5號迴旋處時，巴士失控撞向石壆，車頭嚴重損毀，事後被告與友人逃去。

被告的補習教師從新聞得悉事件後，憶起被告曾說想「揸巴士」，遂透過WhatsApp問被告。
被告承認犯案，教師最終報警。被告警誡下承認「貪玩，唔知有咁大問題」。裁判官早前曾斥被告：「你以為睇過YouTube片就識揸巴士？」被告竟答：「可以咁講。」

https://hk.news.appledaily.com/local/realtime/article/20181211/59016758


等多年入公司特快考牌就做得
咁都等唔到？

「部巴士都係你媽媽賠㗎啦，你點報答佢？」

LF3614因為底盤受損而提早退役，已經拎去湯車場劏，睇嚟被告媽媽要賠返部新巴士俾九巴。

藉口嘅嘢, 無非為從輕發落, 要出動到打親情牌, 第時大個左又犯法咁點算, 又懷念父親?!?!

懷念父親都不是用這方法去懷念。。。。想開巴士咪正正經經考過車牌捱３年咪入紙
申請叫巴士公司幫你考巴士牌，操車入職囉！

一般巴士、泥頭車等商用車都有折舊率，每年打折，宜家睇下九巴點計...

ma2 發表於 2018-12-11 17:55
懷念父親都不是用這方法去懷念。。。。想開巴士咪正正經經考過車牌捱３年咪入紙
申請叫巴士公司幫你考巴士 ...

有啲求情原因都係唔好太認真

tvcc 發表於 2018-12-11 19:26
一般巴士、泥頭車等商用車都有折舊率，每年打折，宜家睇下九巴點計...

九巴好似仲未提出民事索償

被告將來就算想去做，巴士公司都未必會請佢啦