[舊瓶新酒] 277X/277E路線重組建議

KC3555 發表於 2019-1-5 09:41
就算你上面第一點講得通，
第二點經寶石湖路已經足以令上水站一帶脫班，
還有彩園路上水站南行巴士站排隊 ...

講真
如果前車後車一樣要塞，班次間距唔會好受影響

我承認我唔係成日入上水
單憑traffic map，我又真係唔覺得寶石湖路塞車真係有咁大影響
我知上水每隔一排就會無啦啦塞死
但大塞車既時候條條路都唔通，行唔行寶石湖路唔會有幾大分別
我個建議，至少正常交通情況下上水站可以塞少一個迴旋處，天平翠麗應該都會快咗出到公路

至於彩園路南行塞巴士，講真，有無277E都應該要執
我覺得可以考慮將電單車泊位/上落客區移去前面天橋底
然後將巴士站後面個停車灣改埋做巴士站，將兩條多客排隊既路線（277E/273A）放入去

chamberlain 發表於 2019-1-5 13:22
277E直接唔入清河邨,上水站直上公路
277B太平開,經清河嘉福景盛華心直出公路
景盛華心居民唔洗去欣盛牽晴間 ...

問：
1. 按你個建議，即係有兩條線（277B/277X）同時入粉嶺南？
2. 清河尾站問題點解決？唔理？
3. 皇后山聯和墟繼續要兜粉嶺南？

castanopsis 發表於 2019-1-5 13:36
問：
1. 按你個建議，即係有兩條線（277B/277X）同時入粉嶺南？
2. 清河尾站問題點解決？唔理？

277X如果有埋皇后山,可以唔經華明圈,甚至飛走埋祥華,直上粉嶺繞道不過肯定要減班

277B非繁可以兜華明(繁時有277X華明特車)
B線既定線本身都要經粉火,華心,佢入華明最順路
如果清河堅持要尾站,可以逆行既


不過我諗非繁時段,277X/B都撐唔起
而家277X非繁都唔係多客

castanopsis 發表於 2019-1-5 13:34
講真
如果前車後車一樣要塞，班次間距唔會好受影響

其實絕大部分時間雞嶺塞車源頭係來自大頭嶺文錦渡南行大貨櫃排隊，
司機會見前路堵塞後，就會分流天平路，馬會道出掃管埔路。
掃管埔路同寶石湖路交接位好短，掃管埔路連接新運路同百和路距離都係咁短，就形成大家打困龍。
如果雞嶺出事，大頭嶺一定仲麻煩。
宜家情況係，當雞嶺塞車，天平出馬會道後先塞掉頭，北區運動場後到龍豐都平安無事，然後塞新運路上水廣場，塞兩次雞嶺。
若改咗你嗰種行法，即係話若果塞車，天平出馬會道就先塞，塞到彩園路燈口，彩園路塞人車爭路，過咗旭埔苑稍好，但之後威尼斯盞燈又再塞過，直塞上雞嶺。
加上上水廣場同上水站閒閒地非繁時30-40人排隊，繁時50-70人排隊，叫佢哋貿貿然過彩園同273A條龍打交，
仲有唔好忘記龍豐個站無咗，上水中心、名都、龍豐、順欣呢一帶閒閒地，非繁時都有5-10人排隊，繁時15-20人左右排隊，就要走到彩園坐車，（如果唔係藍議員點解話去到清河連企都未必有位）
彩園路人車爭路會更甚，巴士站後面係上水站惟一私家車上落客區，平時273A排出馬路都令到停車區經常同排隊乘客發生衝突，
將呢堆客堆落呢個站，後果更不堪設想。彩園路因為等車客排出馬路，影響私家車入上落客區，繼而再塞爆彩園路。
而上落客區無得再移，天橋底起咗電梯，前面係旭埔苑私家路，唔係路政處管理，所以唔應該再攪佢。

chamberlain 發表於 2019-1-5 13:59
277X如果有埋皇后山,可以唔經華明圈,甚至飛走埋祥華,直上粉嶺繞道不過肯定要減班

277B非繁可以兜華明(繁 ...

皇后山邨第一期2020就入伙
277X入皇后山拆線，其實下年RPP應該要開始plan
飛走埋祥華就肯定唔可行
你無可能無啦啦抽走人地條線唔補償

講真，277X如果做到塘坑直出，係有能力做皇后山主力出市區既線
只要好似安達安泰咁，整張poster宣傳轉乘網絡——
277X>85X/75X 去 九龍城、土瓜灣、紅磡
277X>85M/286M/84M/75X 去 鑽石山、新蒲崗、黃大仙、樂富
277X>673/681/680/682 去 港島
277X>88 去 四順秀茂坪
277X>3D 去 慈雲山
277X>91/91M 去 科大/清水灣
277X>798/將馬線 去 將軍澳
277X>270A 去 尖沙咀/油麻地
277X>278X 去 荃灣/葵涌

我相信可以從day 1開始養成班客搭巴士出市區既習慣
避免全個皇后山既人堆曬落爆曬煲既東鐵

277B非繁可以兜華明(繁時有277X華明特車)
B線既定線本身都要經粉火,華心,佢入華明最順路
如果清河堅持要尾站,可以逆行既

逆走就變咗華明無尾站？
清河華明都要尾站既時候，根本走唔甩要上水線做清河
而我個方案已經係做埋清河既情況下，上水最快既走線

KC3555 發表於 2019-1-5 16:02
其實絕大部分時間雞嶺塞車源頭係來自大頭嶺文錦渡南行大貨櫃排隊，
司機會見前路堵塞後，就會分流天平路， ...

按你個描述
我仍然見唔到點解你會覺得我個方案會慢過現有走線
我個方案係就係塞半條寶石湖路，一次雞嶺
但點睇都好過塞一次馬會道掉頭，塞入上水廣場，再兜清河塞兩次雞嶺？

更何況最多客既上水站，已經避咗寶石湖路同彩園路塞車
一上車已經即刻排隊上雞嶺走，好難再快啦下話

講真，如果清河肯放棄尾站位，我當然唔介意維持現有走線飛清河
但我又問返你，清河要尾站既情況下，你可以點？

加上上水廣場同上水站閒閒地非繁時30-40人排隊，繁時50-70人排隊，叫佢哋貿貿然過彩園同273A條龍打交，
仲有唔好忘記龍豐個站無咗，上水中心、名都、龍豐、順欣呢一帶閒閒地，非繁時都有5-10人排隊，繁時15-20人左右排隊，就要走到彩園坐車，（如果唔係藍議員點解話去到清河連企都未必有位）
彩園路人車爭路會更甚，巴士站後面係上水站惟一私家車上落客區，平時273A排出馬路都令到停車區經常同排隊乘客發生衝突，
將呢堆客堆落呢個站，後果更不堪設想。彩園路因為等車客排出馬路，影響私家車入上落客區，繼而再塞爆彩園路。
而上落客區無得再移，天橋底起咗電梯，前面係旭埔苑私家路，唔係路政處管理，所以唔應該再攪佢。

講真，上水中心一帶唔少屋苑，行去彩園路上車，係唔會遠咗
而就算遠咗，塞少一次上水站、塞少一次雞嶺節省既時間，應該會多過步行時間

彩園路人車爭路問題，真係無辦法將私家車上落客區移前移後？
你話後面無位，前面的士站/停車場我估應該有辦法執位俾私家車上落客？

castanopsis 發表於 2019-1-7 04:21
按你個描述
我仍然見唔到點解你會覺得我個方案會慢過現有走線
我個方案係就係塞半條寶石湖路，一次雞嶺

淨係回你後面，的士站無可能郁細佢，上水廣場已經無生意，呢個對的士嚟講係流動快同最好搵食嘅站頭，
縮細佢只係將的士無時無刻都倒塞返彩園路。
你迫哂全個上水市中心乘客過彩園路，同273A條龍鬥逼，
塞起上嚟彩園路一來用嚟疏散車龍（即係都係塞），但人龍逼返出馬路，險象環生。繁忙時間呢度大半車人喺度等，塞車時呢度講緊過一車人，仲同273A鬥Jam，
只可以預視係極混亂。
現時新運路都有個好處，就係警察會喺塞車時針對性處理雞嶺迴旋處交通，巴士俾佢去到粉嶺車站調頭上迴旋處，令到上水市中心無咁塞。
好老實，如果係要堅持行清河，若要避開雞嶺，行百和路不停站只係慢4-5分鐘。繁忙時間其實時間不相伯仲，因為粉嶺公路去到塘坑朝早有個三線轉兩線嘅塞車位。幾乎每朝早都塞。
（利申：每朝繁忙時間使用北區各道路的私家車司機）

KC3555 發表於 2019-1-9 18:12
淨係回你後面，的士站無可能郁細佢，上水廣場已經無生意，呢個對的士嚟講係流動快同最好搵食嘅站頭，
縮 ...

其實就算唔搞的士站的士站後面都有空間去劃位俾私家車上落客位
參考返下面ozp，彩園路同火車軌個停車場，固然用緊來起樓
但中間仲有一幅地，可以改做上落客區（黑圈）
以塊地面積，係足以將巴士站隔離個上落客位搬過去，然後將原有上落客區改為巴士站，俾273A/277E既乘客排隊
解決彩園路人車爭路問題

好老實，如果係要堅持行清河，若要避開雞嶺，行百和路不停站只係慢4-5分鐘。繁忙時間其實時間不相伯仲，因為粉嶺公路去到塘坑朝早有個三線轉兩線嘅塞車位。幾乎每朝早都塞。

我只係堅持清河作為既得利益者，有必要尾站走
如果你覺得有其他拆法，可以上水線唔兜清河，同時清河有尾站補位線
我係絕對歡迎

之前neoplan720p提出個方案（277E上水直出，277B嘉福開清河尾站，277X自拆）
某程度上都解決到塞兩次雞嶺既問題
但問題係277B同277X華明特，非繁都會唔夠客
而串埋一條線做，又會令華明/清河其中一邊失去尾站
變咗得兩繁有空間咁玩，非繁假日問題依舊

我個方案既好處
係三條線做曬全個北區連皇后山、清河華明尾站保得住、上水塞少一次雞嶺
只要彩園路問題解決到，整體效果應該會比neoplan720p個方案更理想

castanopsis 發表於 2019-1-12 03:57
其實就算唔搞的士站的士站後面都有空間去劃位俾私家車上落客位
參考返下面ozp，彩園路同火車軌個停車場， ...

唔好玩啦，黑圈個位平時多人到爆，做上落客區。
你要堅持清河做尾站，咪將277B改華明開，返粉嶺南再去太平，清河上公路咪得囉。大前提係277X華明早上特車仲有，同埋非繁時277X經華明。

我覺得最可悲係，既得利益者嘅諗法。
清河社區一定要有既得利益，可恨北區重組一大批被削削的既得利益者今時今日仍然叫天不應叫地不聞。