屯門南延線估算料增至160億 上蓋建2萬單位

20160424 發表於 2019-6-6 10:35
咁就要問問田二少，以佢身份應該無理由亂咁9UP。

仲有我收返講明二字，用擬以吧，廢時大家誤會塵埃落定。 ...

報紙係咁寫係因為田少係咁講

咁田少某程度上嚟講9UP 都唔係第一次
當初嘅屯九鐵路講完一次都好似冇聲氣聽到佢有進一步嘅內容

我諗田少主要係想批評港鐵唔適合用服務經營權
政府亦唔滿意沙中綫同高鐵嘅服務經營權成效

但事實上
問題根本唔係服務經營權嘅模式
而係港鐵執行唔到服務經營權應做嘅本份(擅自改圖、 文件唔齊、疏於監管、overdesign等)
同時政府變相完全外判咗監管責任俾港鐵而出事

但政府唔會話自己有錯
政府咪賴落服務經營權話考慮轉模式囉
但冇諗清楚前九鐵項目係冇得用鐵路加物業發展權

呢啲已經係政策行政而非專業技術知識
田少作為政界中嘅鐵路KOL 都睇唔清楚當中嘅真假虛實
佢係咪堅係有料定得個名
大家心中有數

我個人認為政府根本未有實質結論點去落實新鐵路
先會有亂放風嘅情況
屯門南延綫近日嘅事態變化
或者某程度反映政府借故拖延時間去諗點解決最基本嘅問題

巴士的膠 發表於 2019-6-6 10:29
咁西鐵荃灣西、元朗、朗屏都有上蓋，八鄉同錦上仲要曬左廿年太陽（但一直話土地不足），即使係九鐵出名起 ...

鐵路物業發展權係講政府將地皮送俾私人公司去補貼私人公司自資起鐵路
鐵路資產及地皮歸私人公司所有
鐵路工程開支私人公司自行承擔

服務經營權係講政府委託私人公司起鐵路兼批埋經營權年期
鐵路資產及地皮歸政府所有
鐵路工程開支私人公司向政府實報實銷

如果係九鐵重操故業自己起鐵路
就不會是鐵路物業發展權定服務經營權二揀一
因為九鐵嘅唯一股東就係政府
無論鐵路資產定地皮
都係同時屬於九鐵或者政府
即係純粹係立法會批錢俾政府下面財政獨立嘅部門(即係九鐵) 去推行鐵路工程
九鐵會經營埋新鐵路都唔會好似港鐵咁有五十年/十年期限
政府全資擁有公司係無需要特別設個經營權同定年限

立法會鐵路事宜小組委員會原訂本月14日召開會議討論，有傳媒發現今日委員會修訂議程後，議題突然被抽走。運房局回覆傳媒查詢時指，政府正檢視港鐵提交的建議書，有關工作仍在進行，目前未有條件就擬議方案諮詢立法會。

據報道，小組委員會秘書今日向委員發出通知，指應政府要求，並經小組委員會主席同意，將「在機電工程署轄下鐵路科開設兩個常額首長級職位以加強監管鐵路安全」加入會議議程，取代「屯門南延線」的項目。
http://hd.stheadline.com/amp/news/realtime/hk/1515762/


睇怕今年都唔會有新鐵路咨詢

ryandroid 發表於 2019-6-7 00:18
鐵路物業發展權係講政府將地皮送俾私人公司去補貼私人公司自資起鐵路
鐵路資產及地皮歸私人公司所有
鐵路 ...

其中一個可行辦法就係俾九鐵重操故業去起鐵路，即係政府自己管返，同時都批俾港鐵經營。

所以某程度上都係政府出錢，但工程監管責任由港鐵去返九鐵度，就避免左over design同無王管嘅問題。同時另一方面，港鐵選線、定線同設計某程度上係更加吸到客，俾返九鐵做係咪會更好，我就有保留。

而我提嘅模式係：政府批發展權俾九鐵->九鐵自己融資自己起->起好上蓋九鐵同發展商分帳；鐵路建成後以「服務經營權」模式由港鐵營運。

到時隨左市區線由港鐵擁有，其他新線係九鐵擁有，港鐵經營。

巴士的膠 發表於 2019-6-8 00:04
其中一個可行辦法就係俾九鐵重操故業去起鐵路，即係政府自己管返，同時都批俾港鐵經營。

所以某程度上都 ...

小朋友你太年輕啦，有冇聽過以前九廣鐵路叫退休官俱樂部？
再唔係睇下維基百科
https://zh.wikipedia.org/wiki/2006%E5%B9%B4%E4%B9%9D%E9%90%B5%E4%BA%BA%E4%BA%8B%E8%AE%8A%E5%8B%95%E9%A2%A8%E6%B3%A2
你肯定九廣鐵路重操故業一定冇問題？而家港鐵叫做上市公司都搞成咁，一個單靠政府同審計署監察嘅九鐵唔會衰得過港鐵？

ryandroid 發表於 2019-6-6 02:56
其實政府幾時講明會用返鐵路加物業發展模式？
鐵路加物業發展模式係講緊政府用地皮去補貼港鐵起鐵路
條鐵 ...

屯門南延綫係全新project，點解唔可以係港鐵資產？

hokachung 發表於 2019-6-10 16:22
屯門南延綫係全新project，點解唔可以係港鐵資產？

香港同一條綫嘅車站、列車、車廠係同一間公司擁有
屯門南延綫係西鐵伸延
根據過往政府嘅安排
沙中綫係東西馬鐵嘅伸延
所以係沙中綫歸九鐵
港鐵只有服務經營權
西港島綫、觀塘綫黃埔延綫係地鐵伸延
所以資產歸港鐵

服務經營權係有期限
如果服務經營權結束
九鐵自行或外判其他鐵路公司去營運屯馬綫/東西綫嘅話
港鐵只有屯門南延綫嘅車站及路軌資產
但沒有車廠及列車資產
港鐵又如何獨自營運屯門南延綫呢個所謂「全新project 」？

萬一轉公司營運屯馬綫/東西綫嘅話
新營運商要同時向九鐵及港鐵租用資產先可以營運整條路綫
港鐵作為上市公司可以開天殺價
屯門南延綫要不荒廢
要不就瘋狂加價去俾港鐵賺租
咁點解唔直接將屯門南延綫車站及路軌資產收歸政府/九鐵所有
而要留條尾巴去遺害屯門南居民？
你估港鐵真係必然千秋萬代而可以忽視日後資產租用糾紛嘅潛在問題？

jpoon 發表於 2019-6-10 04:15
小朋友你太年輕啦，有冇聽過以前九廣鐵路叫退休官俱樂部？
再唔係睇下維基百科
https://zh.wikipedia.org ...

你意思係港鐵作為上市公司推行鐵路工程時受監管嘅程度高過九鐵？
真係願聞其詳

巴士的膠 發表於 2019-6-8 00:04
其中一個可行辦法就係俾九鐵重操故業去起鐵路，即係政府自己管返，同時都批俾港鐵經營。

所以某程度上都 ...

點解你認為政府親自落場做野會比港鐵好...