4/7 試後報告

今日我考完個路試喇
家陣我想講講個試後報告
但響我講之前
首先我要多謝各位曾經對我學車有俾過意見我既板友
(同時都要講一聲唔好意思
我又係長氣左d 既...)
你地部份既意見
對我黎講今日真係大派用場

不過與此同時
我都要講多聲唔好意思
因為...我路線果part肥左...

幸好我泊位掉頭果part我pass左
呢part pass對我黎講
真係比路試果part意義重大
因為我全個試最驚果part
就係窄位掉頭
但今日我呢度掉頭得好好
真係有賴大家既保貴意見...
不過平時做得唔錯既泊位
今日就驚險左d
事關我今日始終都有d 緊張
所以我入car part位果度有d 偏差
幸好我都叫做修正得番
雖則我始終都俾阿sir響15 tick左個minor
(師傅話我頭轆仲未直哂)
但總算入左個car part位裡面
總叫做pass左

去到出街考路試
今次我係考熱門試場
(但聽聞我考完之後
尾隨果d 考生係考棉花路果條)
好老實講
我好早已經被判左「死刑」
我係死響加路連山道同連道之間
果時因為轉右去邊寧頓行方向有條隊停燈
頂住左轉左既路
所以我響連道落斜既路口停車
再轉番一波去
其實我已經做足180度擰頭同望鏡
但當我駛出去果陣
阿sir突然「做野」
初初我都唔知發生乜野事
但我再向前一望...
點解有架銀色寶馬響我面前既？
其實我既視線一直都響左面同前面
由左後到前面不斷咁掃
但我完全見唔到架寶馬
不過後來再諗番起
我發覺我係望鏡唔夠...唉...

當時我心諗...算啦...完成埋佢啦...
果時我真係乜野心情都冇哂
從而影響左表現
結果後來我亦因為太近障礙物
而俾阿sir再做多一次野
臨尾埋單tick左成4個serious...

其實今日個天都算對我好架喇
至少我係考哂兼出埋成績同上番師傅車至落大雨
同埋...試前我真係冇乜信心
但結果我總算得左一part

其實呢次我都有d 得益既
就係知道實際考試既情況係點囉...
唯有下次再努力過啦...

寶馬......呢個場最驚就係d寶馬benz同的士.......
不過都好, 可以有多d時間再補飛.
今次放心喇, 補考只會係考倒轉東院道, 專心練熟就無問題喇