首先過海隧道，同鐵路客源有點不同，隧道仲有貨流車流，而起隧道要其他道路配合，我俾你起夠兩條，4線過海好未，到時港島一樣塞爆無分別，定還是9點前，只有公共交通可以過？咁如果現有隧道用同樣政策又得唔得？根本問題就係車太多，道路飽和配合唔到，而空間少無位置建立新路，再多起過海隧道也無法配合。仲有，無人話唔可以鐵路多使幾百億，同時又用多幾百億起埋隧道！反正政府用兩千億去填明日大嶼，你倒不如叫佢唔好再攞我哋啲錢亂用，同埋做好監察工程唔超支仲好啦！ |
|
|
|
|
|
|
|
|
本帖最後由 Toz 於 2019-9-23 11:22 編輯
每樣工程既效益都有 disminishing return
條隧道已經到安全極限, 要格硬黎, 你估咁易改?
洗多幾百億將過海變十二卡, 但原來荃灣線同東鐵九卡過海都仲有容量剩低
就算用係明日大嶼, 分分鐘都更加有效益. 明日大嶼多一條行車隧道加一條鐵路去到香港島, 仲多少減輕埋屯門公路塞車
如果個問題係東鐵九卡唔夠載, 咁呢幾百億用黎起多條南北線唔好? 用黎起多條大老山隧道唔好?
|
|
|
|
|
|
|
|
|
本帖最後由 RyanPun 於 2019-9-23 12:51 編輯
Toz 發表於 2019-9-23 11:21
每樣工程既效益都有 disminishing return
條隧道已經到安全極限, 要格硬黎, 你估咁易改?
我唔肯定當年九鐵有冇公開講過東鐵十二卡過海嘅問題，我可以肯定一定唔係錢可以解決到，真係想東鐵十二卡過海嘅，至少要考慮修改消防條例先。
若果九鐵/港鐵由day one 開始有心將東鐵減到9卡，根本就無需要拖延東鐵減卡嘅計劃。更加唔會等到沙中線通車，千九走哂先至有得用新車。港鐵要做呢步嘅，根本無需要理班議員，一早就實行咗，更加唔需要日日都比人問東鐵幾時裝閘門。
我倒返轉舉個例子，當年東鐵尖東站都係遇上同樣問題，隧道段只能夠最多放兩卡入尖東，有啲印象嘅版友，應該會記得東鐵繁忙時間，基本上班班車係即到即走。
唔係話唔得嘅，除非大家接受為咗東鐵十二卡過海，喺維港中間整個緊急疏散通道，咁就有啲可能，不過後果係咩就自己諗諗。
|
|
|
|
|
|
|
|
|
其實起多條南北線，或者新大老山隧道都好啊，一齊投放落去，解決九卡後嘅問題！可惜係九卡係幾年內發生，而新隧道或新鐵路就唔知幾時有！我觀點係，減少車卡增加班次，對未來乘客增長無幫助，而現過海容量，幾線夾埋當然仍有點限額，但未來又如何？我點出嘅係如果投多點錢，而令現時較受乘客觀迎，而且對現乘客有所得益嘅南北線，可以以應付未來一段時間乘客量，何樂而不為？
當年一開始減九卡兩大理由，一係列車動力及長度，會令班次增長有局限，二係中環南站無位起或造價增加唔化算。至於過海隧道問題，係再後來減九卡有關注，先至出現相關消防報告。
個人相信錢唔一定解決問題，但科技進步會解決唔少問題。如果明天政府話有條新南北鐵路，個人舉腳讚成，可惜幾次鐵路策略，提都無提過，而近年仲計劃放落建新都！唓！明日大嶼咪新南北線囉，但對現有南北線有無幫助？
我係對當年由西鐵配合長遠發展，到馬鐵變成為應付短期需要，沙中線等為過骨而減少規模，鐵路缺乏長遠發展考慮而不滿，一條鐵路應付需要起碼50年吧，高鐵咪乜都得囉，枱底計劃去到中環添。如果政府有更長遠嘅解決方案，落實建設，個人樂觀其成！
|
|
|
|
|
|
|
|
|
本帖最後由 Toz 於 2019-9-23 15:24 編輯
科技進步解決問題? 咁係咪等返十幾廿年再起? 一話起左先睇下科技會唔會係工程進行時進步?
現實就唔係洗多少少錢. 消防極限係度, 有無得搞? 起多條隧道咪有得搞law.
仲有港島三站全部都要擴建, 咪睇下要洗多幾多億law.
跟住工程難度大增, 咪睇下要拖多幾多年law.
新南北線點走線都未知. 你就知分流唔到? 如果佢駁通大圍同美孚, 又係咪真係分流唔到呀?
|
|
|
|
|
|
|
|
|
本帖最後由 solomon 於 2019-9-23 21:41 編輯
科技進步解決問題? 咁係咪等返十幾廿年再起? 一話起左先睇下科技會唔會係工程進行時進步?
>咁佢用當時英製車個技術去考慮班次間隔問題嘛，即時列車技術已改善咗啦。
現實就唔係洗多少少錢. 消防極限係度, 有無得搞? 起多條隧道咪有得搞law.
>認真嚟講，你個提議唔錯，誰說過海隧道唔可以三軌四軌？
仲有港島三站全部都要擴建, 咪睇下要洗多幾多億law.
>錢使於正確地方，好過倒錢填海，高鐵都使突咗多啦，南北線直接現有乘客受惠喎，當年高鐵舊錢放落去，可能今日通咗車了。
跟住工程難度大增, 咪睇下要拖多幾多年law.
>依家都拖成咁，相對未來幾十年唔需要擴容喎！
新南北線點走線都未知. 你就知分流唔到? 如果佢駁通大圍同美孚, 又係咪真係分流唔到呀?
>就係連計劃都無呀，南北線都就嚟通車啦。我唔係質疑你，而係政府明知問喺度，係咪要做定規劃，你都有個走線，有個說法吖，你睇運房局？我覺得班人等退休囉！講真，我支持你呢個初步走向㗎，起碼解決樽頸問題吖，但你睇個政府，連北港島線都唔知幾時上馬呀！
|
|
|
|
|
|
|
|
|
RyanPun 發表於 2019-9-20 21:06
土瓜灣嗰邊啲傳聞，我都唔夠膽班門弄斧講，因為我都已經求証唔到。我只係聽過少少就話唔揀下路原因係下路 ...
基本上係有啲板友
只係將所有解釋唔到點解唔起喺地底而起喺架空
或者點解起喺A 段而唔係B 段嘅情況
都一律歸因做地質問題去自圓其說
簡單嚟講填海地起唔到地底鐵路嘅話
不單止沙中綫啓德站、會展站
西鐵綫柯士甸站
荃灣綫太子站至美孚站
港島綫上環至灣仔、天后、北角
東涌綫香港及九龍站
都應該唔起得地底鐵路
港鐵改沙中綫行上路嘅原因只得1 個
就係嫌下路唔夠客
(因為馬頭角冇得填海兼停機坪近下路一帶冇新住宅
跑道區由商業、酒店改返做住宅就係沙中綫動工後嘅事)
結果冇做考古就臨時改上路
諗住改上路食埋九龍城嘅客係理所當然
導致中途停工補做考古工程 |
|
|
|
|
|
|
|
|
|
其實十二卡冇咩好拗，如果政府立即研究第二南北鐵路，減卡唔係問題，因為東鐵綫問題太多，包括大埔至火炭不時有樹木倒塌、九龍塘至紅磡因被投訴噪音問題而被迫減速，再者依家東鐵綫其實好多時到大埔墟已經企滿，係去到火炭有批人落車返工先有位載大圍馬鐵客，北區人口嚟緊會多十幾萬至四十幾萬人口，當務之急開多條南北鐵路去分流北區大埔客落市區更為實際 |
|
|
|
|
|
|
|
|
本帖最後由 Toz 於 2019-9-24 20:34 編輯
到今時今日, 過海要改十二卡, 其實難度都同由頭規劃一條新鐵唔差幾遠.
起多條隧道係認真有需要. 但要做既工程遠不止起多條隧道.
除非諗縮數, 繁時東鐵一班九卡過海, 一班十二卡去返紅磡舊月台, 過海隧道得一抽車, 咁就唔洗錢. 但班次密度都會比全部九卡低少少, 因為十二卡車要既lead time 較長. 唔知有幾多人接受呢
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
