自駕遊

香港人通常都係跟旅行社去旅行，唔知大家有冇試過自己駕車周圍去?

基本上我依家去旅行都係自己租車 (多謝公司提供o既特價租車服務)，然後就
自己選擇去邊。好處就係自己話事，如果今日遲o左起身，自己就選擇去少兩
處地方。又或者如果突然見到o的想去o既地方，就停多一晚慢慢行。上次去
瑞士，突然話想去AC 米蘭主場睇o野。我地就可以改變行程，轉去意大利啦。
仲有一樣好處就係唔駛一定要住酒店，我地上次去瑞士全程都係住營地，
去到邊就camp到邊。雖然起個營一o的都唔容易，不過勝在夠平 (15 Euro 一
晚)。

自己租車最大問題係唔識路。雖然依家好多車都有GPS，不過GPS成日會帶你
行錯路。試過一次係 Frankfurt 就係俾部 GPS 帶o左我入電車路，幾乎出唔番
highway。其次就係語言問題，歐州好多人都係唔識英文，一次去意大利俾個
交通警察停埋一邊，佢問我駕駛執照。我俾o左張 Pennsylvania o既駕駛執照
俾佢。佢竟然連o個張o野係乜都唔知。最後佢無奈咁放我走。

雖然歐州火車係好發達，不過有時要預時間預得好準。自己駕車就唔會出現
o的咁o既問題啦。下次不妨自己租車去下玩啦。

PS: 我次次都係租 Sixt 租車公司，不過租車公司個hotline只係講德文/法文
(試過用英文，不過都係失敗)。好彩我同事識講德文，唔係我就唔駛租佢。