觀塘裕民坊新巴士總站

dennis28a 發表於 2020-4-30 21:55
市建局聲稱觀塘道多左條行車線，同有一條上山分隔專線嗎。

當然，我仲未講完，將來所有入酒店、寫字樓， ...

按照你之前post嗰份文件，只要四期停車場排幾部私家車就已經廢咗條上山分隔專線，再排多幾部就封死埋觀塘道東行個巴士站，如果有車唔生性迴旋處上協和街想插隊就連迴旋處都玩完，仲未計二三五期各自都會排隊，到時圍住成個重建區都係私家車龍

我唔知做交通評估嗰陣包唔包私家車排隊呢個因素，但係當港九新界各區都出現呢個問題嗰陣實在不得不考慮其影響

dennis28a 發表於 2020-5-1 02:00
除左物華街巴士線果一個站外，西面係凱匯住宅車路（前輔仁街十字路口），物華街已經無空間造站。

協和街 ...

協和街凱匯中間的兩個車路位置是凱匯第1、2座住宅的上落客區及停車場出入口。
至於協和街北行有否空間可設置巴士站，個人意見都是空間不大，就算近物華街行人天橋底都不大可能。

現時Google Map街景已可見的各個地盤車輛出入口就是未來落成後各個車輛出入口實際位置，可以作為參考。

clivetock 發表於 2020-5-1 22:21
按照你之前post嗰份文件，只要四期停車場排幾部私家車就已經廢咗條上山分隔專線，再排多幾部就封死埋觀塘 ...

應該要將新增左轉車道由一線變兩線,

極端情況或者真係會頂番出觀塘道東行巴士站,

但至少都唔洗封實左轉引道廢左武功....

小roy 發表於 2020-4-30 23:36
話說小弟好奇將來啲巴士線改道既料你係點得到手 .. 因為據我所知裕民坊被封之後既改道安排應該係未點傾過 ...

太多車流出入總站

第一行人都唔知點過,

第二起碼出口放車要加到2線,

到時實JAM死...

dennis28a 發表於 2020-4-30 23:02
又或者比張清少少巴平面圖比大家睇，虛線位係舖位。

藍色位置係通道？綠色位置嘅路邊同藍色位置都相當窄，屆時乘客有冇足夠位置排隊候車，抑或設計上係預乘客會行商場行到夠鐘開車先埋去上車？

又，睇返虛線舖位位置，如果候車乘客喺商場內排隊會否引起租戶不滿？

dcyw 發表於 2020-5-1 22:28
協和街凱匯中間的兩個車路位置是凱匯第1、2座住宅的上落客區及停車場出入口。
至於協和街北行有否空間可設 ...

物華街天橋底果條臨時樓梯會係商場落成之後拆。

其實個巴總比大家想像中大，到時真係擔心排隊入站慢，
開埋條緊急車道直接由協和街入站又得，分分鐘有 So 過求其出面搵位擺站。
（當然，視乎改完之後安唔安全）

clivetock 發表於 2020-5-1 23:01
藍色位置係通道？綠色位置嘅路邊同藍色位置都相當窄，屆時乘客有冇足夠位置排隊候車，抑或設計上係預乘客 ...

唔係，藍色通道只係 24 小時通道，實際通道更闊，大約排隊位置可以參考依張圖。

dennis28a 發表於 2020-4-30 22:45
或者我借用凱匯畫出黎既模擬圖比大家參考咩事。
（當然，唔代表最後 101、3D、13P 用同一個泊位）

幻覺話畀我知, 圖中架巴士係行W線.

dennis28a 發表於 2020-5-1 23:17
唔係，藍色通道只係 24 小時通道，實際通道更闊，大約排隊位置可以參考依張圖。

24小時行人通道內有九巴app同路線圖, 只要個app一直冇改善, 真係到1分鐘先行出去, 隨時款左車都唔知.

睇埋橙色呢幅圖, 唔係幾明候車區點解係不規則, 有啲大啲有啲細啲, 唔似而家有欄杆圍住打蛇餅, 乘客可以出去個站排隊嘅話, 成個設計同而家嘅總站有咩分別? 我以為係架車到站時, 乘客喺24小時通道內等車, 聽到廣播就喺門口排隊咁.

EX-TL 發表於 2020-5-2 00:53
24小時行人通道內有九巴app同路線圖, 只要個app一直冇改善, 真係到1分鐘先行出去, 隨時款左車都唔知.

睇 ...

依類地產主導項目，擺明求其劃塊地比你地等車就算。

最初 URA 概念係車到先開門，全世界入面排，出面唔預排人。