建議新界專線小巴113開設支線113A循環來往康城站

因應日出康城一帶住宅陸續入伙，來往將軍澳區內各大型商場的需求將有加無減；
加上現時新界專線小巴113線經常供不應求，經常出現沿途乘客無法登車的「留後」情況，
亦未能服務康城站一帶的居民。因此，建議113開設支線113A循環來往康城站新建成之巴士總站，
以方便沿途乘客登車、方便康城站一帶的新入伙居民使用此組路線，亦帶動雙向客源。

113 途經街道（維持不變）：
石角路、環保大道、昭信路、寶寧路、常寧路、重華路、培成路、銀澳路、昭信路、環保大道及石角路

113A 途經街道（建議新增）：
康城路、環保大道、昭信路、寶寧路、常寧路、重華路、培成路、銀澳路、昭信路、環保大道及康城路

全程收費：$6.0
服務時間：0700-2330
建議班次：各4-20分鐘一班，113及113A比例約1:1，按實際情況調整

市中心東？

又要自創新地名, 又要唔知講緊邊度.

將軍澳廣場 怡明邨完全唔經, 邊度係市中心東.

到底當時113係想做峻瀅同近環保大道既康城 定係康城站先? 都係嗰句 去得康城站做咩唔入埋閘而再要去A出口再等車? 113已經被投訴得多  不如搵115兜入康城站止蝕丫

lsc04d11 發表於 2020-6-11 19:51
到底當時113係想做峻瀅同近環保大道既康城 定係康城站先? 都係嗰句 去得康城站做咩唔入埋閘而再要去A出口再 ...

當年113開線，除咗峻瀅等等果幾幢之外，日出康城其餘嘅樓基本上仲未成型/仲係地盤，所以113只集中服務峻瀅居民。
但隨住環保大道沿線陸續入伙，對113嘅需求有增無減，令113更供不應求，所以先建議開113A。

> Re: 去到康城站點解唔入閘 而要坐113A
原因之一，係將軍澳綫極疏，先唔計康城站坐去將軍澳站幾多分鐘一班，淨係往寶琳嘅列車都6分鐘一班，小巴吸引力高好多。
其次，當康城居民買完餸/行完街、一抽二褦果陣，街市門口搭到屋企樓下落好D呀，定係等登兜去地鐵站再轉車好D呢？

> Re: 不如搵115兜入康城站止蝕丫
好方向，可惜115並非峻瀅止步，而要做埋工業邨，似乎唔適合縮短；至於應否拆線入PTI，可另作討論。

EX-TL 發表於 2020-6-11 16:33
又要自創新地名, 又要唔知講緊邊度.

將軍澳廣場 怡明邨完全唔經, 邊度係市中心東. ...

印象中 wiki 有類似嘅講法指出邊處位於市中心以東，並非我自創。

而據我理解，將軍澳廣場/popcorn/將軍澳站一帶屬於「將軍澳市中心」，
而怡明邨一帶屬於「市中心以南」，應該兩者都唔算「市中心以東」。


Anyway, 我對於之前嘅表達可能唔清晰表示歉意，依家已經用其他字眼取代，希望可以更方便理解。

113A? Why not 113M?

Because this is a route that is deprived from 113, rather than a route to link the MTR station with a place, so 113A is better

樓上講到救 115，第 137 區入伙後拉入去做區內客，
兼兜入 PopCorn 做將南寶林，參考 15 應該都未必無得做。

至於 113，厚德街市去峻瀅依家不時會有人龍，
如果坑口站仲有位，113 學 109M 做兩邊總站，
峻瀅方向經街市出坑口圈，同時加強班次好似仲好？

SE7378 發表於 2020-7-9 23:20
樓上講到救 115，第 137 區入伙後拉入去做區內客，
兼兜入 PopCorn 做將南寶林，參考 15 應該都未必無得做 ...

113 改雙向總站應該可行性不大，因為：
1. 坑口站PTI根本無位，尤其繁時仲要照顧西貢、清水灣、康翠、科大、工業邨、清半等等嘅轉乘客
2. 繁忙時間兜兩次厚德街市會對交通負荷雪上加霜，唔兜兩次又會skip咗明德個站
3. 如果想加密班次，拆條支線由康城站開似乎更好？

至於 115 兜晒popcorn、佛堂澳嘅機會更微，因為：
1. 康城（上至某區議員，下至某幾位板友）極力反對任何路線兜其他區
2. 路程會大幅加長，車費亦會提升，意味班次亦有可能受影響