屯馬線巴士路線重組集中討論

RyanPun 發表於 2020-11-13 17:58
我認同一點，現時班次吸引到中九龍客，唔多唔少因為冇鐵，以下繁大老山塞車法，鐵路一通車、下路近鐵嗰幾 ...

粗略計一計數，75X譽港灣上橋就單程比現時慳15分鐘，來回慳30分鐘，慳3車。74X飛走四美街鑽石山，彩虹上橋，比現時慳15分鐘，慳3車。呢度6部車再加本身74A的3部車，即係可以開到一條9部車的路線，足夠開20分鐘一班。配合74X飛走鑽石山減多一兩部車，以及74A理順走線飛走沙田，係夠車開15-20分鐘一班車而九巴唔駛加資源，但可以做85M/X合併cut車的同時，位位收多錢。

一點觀察：
今日(星期五)下晝一點幾我在大老山往沙田方向等車，見到85X竟然頂閘，我知學校返半日，但車上學生客並唔太多。隧道口落一批上一批，佢都係企到車頭咁走。

另一方面，我係上89X，上下層都坐滿80-90%，愉翠苑、第一城落好多。

講返屯馬線，我認為應對策略係長途線應盡量改快，短途流水盡量整合。以下我只講附近我識得評的組合：

九龍區：
．認同5P全日化加快慈雲山出尖咀，5C踢去富山殺3B。
．認同11取消，大部分位都補到，可能要5兜黃大仙，條線而家都好頹，棄之不可惜。

新界區
．75X可以改快九龍段，要留補償畀黃大仙入大埔，但一定唔會係要經埔公的74A。改道後，九龍城一帶75X同屯馬直接競爭，75X會以車站較接近、直上大老山及直入大埔屋邨為賣點。
．75X黃大仙補位大法：開一條75M，樂富開經聯合道入富美街之後跟75X入大埔，但單靠呢個位好難養條大線，所以可能會疏車，要配合84M轉乘。
．82X由於要兜廣源，對第一城並唔吸引。以前未有ETA的年代，82X普遍比84M密，所以即使兜廣源都有第一城客，但自從有ETA之後，84M的班次唔再係問題。
．75X補位大法最縮骨係全部推晒畀84M而乜都唔搞，82X最極端係回復原狀做廣源－黃大仙，因為84M加經廣源早已被ban。
．85X飛走小瀝源石門，大老山直飛沙田醫院。現時晚間85X入馬鞍山，九龍城已經難上車，證明當年改快85C係明智之舉，更明智係應該再改快，以高速直達馬鞍山對撼城河東站站停的屯馬線。
．286M可以取消或留兩味。

DIH 發表於 2020-11-13 20:44
一點觀察：
今日(星期五)下晝一點幾我在大老山往沙田方向等車，見到85X竟然頂閘，我知學校返半日，但車上學 ...

85X其實再改快反而會差啲 紅土↔馬鞍山嘅客源未必夠做(尤其非繁) 但係搭埋石門就一定無問題

DIH 發表於 2020-11-13 20:44
一點觀察：
今日(星期五)下晝一點幾我在大老山往沙田方向等車，見到85X竟然頂閘，我知學校返半日，但車上學 ...

3B 要cut好難cut, 始終3B同5C大約有10-15%(山上)唔重疊地方, 反而應該更好善用資源協調3B及5C線唯有:
Option 1 (大致維持現狀):
3B全日大致改為20-30分鐘一班, 總用車 -2 (8 > 6)
5C往慈中方向改經暢運道, 總用車 -2/-3 (27 > 24/5)
5延長至慈雲山中, 總用車 +4 (14 > 18)
5P, 5X 不變

Option 2:
3B擺富山 / 慈南, 全日大致改為20-30分鐘一班, 總用車 -3 (8 > 5)
5因應5P全日,調撥2部用車予5P, 總用車 -2 (14 > 12)
5C往慈中方向改經暢運道, 總用車 -2/-3 (27 > 24/5)
5P全日, 全日服務, 除早上繁忙時間(0715-0815)外 , 往尖沙咀碼頭方向需轉入雙鳳街, 班次大約維持為15-30分鐘一班 (0 > 7)
5X取消

增設轉乘優惠:
3B / 7B <-> 5C
15 <-> 5 / 5C / 5P

xdxd 發表於 2020-11-13 20:48
85X其實再改快反而會差啲 紅土↔馬鞍山嘅客源未必夠做(尤其非繁) 但係搭埋石門就一定無問題 ...

如果85X再改快，拉長去錦英苑，然後殺埋85M，將沙田醫院直出客推晒落89D/85X轉車，兼確保85X仲會有15分鐘一班車，或者85X都仲會夠客，不過就會變左大隧口大上大落。

觀塘線 89B 同89 有冇得唸做合併，比較80X， 其實89客量我覺得跌得都幾緊要

DIH 發表於 2020-11-13 20:44
一點觀察：
今日(星期五)下晝一點幾我在大老山往沙田方向等車，見到85X竟然頂閘，我知學校返半日，但車上學 ...

- 89X相信非繁影響不大，係繁時塞車趕走晒客問題。

- 認同5C踢去富山取代3B，但鳳凰新村的流水服務要補，個人傾向用11K。慈雲山快線傾向用5X，始終慈雲山商業活動集中在鳳凰新村的一邊。
- 不建議5兜黃大仙，黃大仙要線的話，21會是好選擇。

- 75X改快九龍段有兩個選擇，彩虹道+鑽石山站 或者 譽港灣直上。同意75X仍有競爭力，基於大部分大埔屋邨均遠離大埔墟站，比85X優勢大得多。
- 75M補位後，似乎75X會選用譽港灣直上方案，75M亦有空間與74A作出小整合。當然，75M牽涉新增資源，九巴未必有誘因去做。
- 82X經第一城內街在ETA存在後變得毫無意義，建議直接飛走，但單靠廣源亦不會有足夠客源，或者需要更改走線著手增加客源，與85A/85X整合。
- 85X情況特殊，睇完通車後客量轉變再決定下一步都未遲。如果跌50%客，就唔太建議擺咁多資源落去救線。客源基本盤在港鐵通車後無可避免會被分走，如果再加上75X提速，85X<>74X/75X的客源亦會被分走，變相85X單靠馬鞍山更難吸引乘客。
- 同意286M難逃一死，加上大老山隧道每日塞車，相信連繁時服務都不會被保留。

2076 發表於 2020-11-13 10:31
82X我計劃的分段係全程收費 $8.6
田園閣往紅磡(紅鷥道) $7.5
廣源巴士總站往紅磡(紅鷥道) $5.6

九巴應該唔可能畀人 $5.6 由廣源落紅磡，就算兜路車程慢都係咁話

樂富本身有 84M，反而 82X 因為要兜廣源，新蒲崗黃大仙落土瓜灣亦有直接路徑可選，我覺得 82X 85A 合併會仲實際少少

82X 變成 新田圍 - 大涌橋路直去 - 一城愉翠 - 恆生大學 - 廣源 - 大老山 - 新蒲崗 / 鑽石山 - 彩虹道 - 九龍城碼頭

全程 $7.5，廣源起分段 $5.6，黃大仙警署入沙田 $5.6，收費問題會比起你個版本少好多。反正 85A 都唔到紅磡，合併後都唔需要，但咁合併已經等於慳返成條線既車隊，仲可以食埋半條 82K

大半條土瓜灣道同紅磡就繼續坐 85X，或者視乎 75X 點重組。畢竟 85X 仲有明顯逆向客源，唔太值得完全放棄。82X 改行彩虹道落九龍城碼頭，車程唔會太離譜之餘，亦能維持同 85X 明顯分野