[終於到我出事]當一部車冇brake時...

近來頭頭碰著黑...當大家一架二架車出事時, 加埋自己近來真係極度倒楣,
所以一直都驚緊幾時到自己出事..

今早...一家人出去飲早茶, 見耐冇開過部AE100, 就諗著唔用大發用佢啦..
初初都冇事, 入埋油, CHECK埋胎氣...飲完茶, 就送我爸出去...行大埔道出, 都冇乜事...
不過就發現部車個brake唔多應...幾次停車幾乎撞埋前車..都係剛剛停得切....
一路就被我媽話我駕車危險...好無奈..百辭莫辯..

之後唯有當無事, 經龍翔道, 新清水灣道落觀塘, 仲要行功樂道落..
去到翠屏(觀塘地鐵站巴士站後面)我就落車, 換我媽駕...落車前調頭又突然冇brake....
差點撞埋部紅van...我媽都係覺得係我既問題, 黑起塊面對著我..

我落車1-2分鐘之後, 我都仲係原地諗緊去邊度影車好...個電話就響..
原來佢都發覺部車一時時冇左brake, 即刻唔敢駕部車, 叫我去善後.
問下佢係邊..已經去到祥和苑..佢都真係快得緊要了..

於是搭13M上去..稍為檢查一下,通知埋車房, 就決定駕部車落太子個車房..

一路都唔敢點快...未落新清水灣道已經又冇左BRAKE...即刻打手號, 死火燈, D-->2-->-->L,
拉手掣停埋一邊..等到冇乜車先慢慢流落去...一路落條新清水灣, 一路keep著L碌落去,
出太子道西時停左一停,等後車過晒, 先再打著死火燈以50KM/H以下行..
落左橋之後由於多車, 所以打死火燈, 以30KM/H以下慢行, 一路打手號示意後車過頭...

去到洗衣街附近, 由於車多, 兼且要CUT線, 所以又停左, 等後車過晒先...
過左彌敦道又停一次, 因為冇左BRAKE唔敢行著..

之後, 以龜速行到車房...一睇, 真係個泵有事...而家會順手睇埋個救左我好多次既手掣...
又要破財了...

未試過駕一程車會駕到個心都驚的...今次真係第一次...係冇BRAKE既情況下, 最終都冇撞車..
諗落, 都真係要感恩了...

今個月到而家真係乜衰野都幾乎齊...
唉..仲可以有D咩呢?

歡迎討論.

[ 本帖最後由 hkbw 於 2006-7-21 13:41 編輯 ]

公司部B14同EG之前都有試過呢D事...
不過係無皮,搞到隻碟起哂坑,

嘩, 樓主真係藝高人膽大...

比著我就打死火燈停埋一邊叫拖車算啦. 因為實在太危險.
唔小心鍚左落人地度要賠都唔止叫拖車條數也~

原帖由 Dolphin 於 2006-7-21 14:07 發表
嘩, 樓主真係藝高人膽大...

比著我就打死火燈停埋一邊叫拖車算啦. 因為實在太危險.
唔小心鍚左落人地度要賠都唔止叫拖車條數也~

冇計..一來個度烈日當空, 二來真係冇時間等拖車...
加上稍為檢查之後都其實知係咩事, 亦都知道點樣應付, 而且
個brake唔係成日唔得, 又冇拖車電話...所以焗著咁做.....

叫拖車都真係唔平..個度落太子, 我諗冇三張紅衫魚都唔掂...

出到太子道我真係唔敢快的呀...我前面一有車我就手係手掣及波棍, 腳係腳掣準備,
同前車最少有十個車位的距離...

行一陣停一陣, 等我認為個brake可以先再行...

結果, 一段應該10-15分鐘行完的路, 我用多於30分鐘先行完...

我個時學車, 個老師都試過我學完之後部車冇左brake..估唔到今日到我..

[ 本帖最後由 hkbw 於 2006-7-21 14:40 編輯 ]

原帖由 CZ_6686 於 2006-7-21 14:02 發表
公司部B14同EG之前都有試過呢D事...
不過係無皮,搞到隻碟起哂坑,

諗返起, 上年驗車時呢部100仔都因為隻brake碟 "彎" 左而出現 "神奇abs" 狀況..
但我媽竟然完全唔知...唔係我發現怕且隻碟都唔會被換...

原帖由 hkbw 於 2006-7-21 02:49 PM 發表


諗返起, 上年驗車時呢部100仔都因為隻brake碟 "彎" 左而出現 "神奇abs" 狀況..
但我媽竟然完全唔知...唔係我發現怕且隻碟都唔會被換...

所以我而家同個老友都研究緊個方法點樣係有限空間提升制動效能

原帖由 CZ_6686 於 2006-7-21 14:58 發表

所以我而家同個老友都研究緊個方法點樣係有限空間提升制動效能

將傳統前碟後鼓改晒做四遮鮑魚囉....

原帖由 hkbw 於 2006-7-21 13:30 發表
近來頭頭碰著黑...當大家一架二架車出事時, 加埋自己近來真係極度倒楣,
所以一直都驚緊幾時到自己出事..

今早...一家人出去飲早茶, 見耐冇開過部AE100, 就諗著唔用大發用佢啦..
初初都冇事, 入埋油, CHECK埋 ...

比我就叫拖車算啦...

而家部車會驗埋先出返來..
都要一兩日..最遲就星期一先有...

原帖由 lee329 於 2006-7-21 03:59 PM 發表

將傳統前碟後鼓改晒做四遮鮑魚囉....

最佳方法(1):頭Brembo/Project u迫力套裝,SiR尾擔,迫力鋼喉
最佳方法(2):頭17/15(Accord,Vigor)鮑魚連碟

上面兩個方法我都係唔會用,因為一定要換軨同埋實驗唔到車,兼且好貴!
我地已經研究到一個方法,以最低成本做最高效能