各板友注意 --- 小心以下描述車輛

剛才去拎返部AE100返來...見阿媽被我放甩左 (我冇超速的呀, 只係行唔同線位, 佢過唔到一盞燈),
於是由大埔道經火炭路, 大涌橋路返屋企...
一上到火炭路, 拎左落慢線, 中線, 亦即原本係我前面的HIACE又慢, 於是過佢啦..

如果有成日行火炭路的都知, 火炭路橋面唔係直的, 其中有一段係有個微彎位, 兩條線都要扭一扭的.
部94年HIACE由一個中年男人駕駛, 載著幾個人, 車頭仲有個中年女人, 竟然冇扭個位, 幾乎
撞到我部車, 於是我就砵佢啦...點知佢愈壓愈過, 於是唯有砵多一下, 俾多腳油, 少少騎著再
左一條線過佢, ...之後CUT返出右線停燈, 因為原本個條線太多車, 我停到部HICAE都停唔到...

點知..個阿叔竟然隔著個窗鬧我,個女人又話我...真係谷氣...咪做手勢鬧返佢轉頭...
乜貨車大晒? 定係你老D就大晒?!

之後第一城盞燈, 佢停我後面, 於是, 我等前車行左一段我先俾油行, 廢事俾佢跟到..
去到ESSO出面, 我行中線過一部大車, 呢部GD7962竟然極速快線衝上來特登一野閘埋來, 好彩
我已經過完部大車, 已經諗著CUT埋慢線, 所以砵左佢一下我都即刻埋慢線... 好險...

已經係兩日內第三個駕車駕到橫行霸道, 錯左都仲要話人的駕駛者..
看來香港有好多司機都應該去上堂補一補佢地D駕駛態度, 同埋駕駛知識.....

之後, 見到佢部車應該係入左亞公角街...
各位板友, 尤其馬鞍山區駕車的板友, 真係留意小心呢位人兄, 免得谷氣又破財...

記唔記得車牌呀?
交通投訴組啦 XD (一黑起上黎好黑仔o架,呢排最緊要心平氣和,唔係好易出事)

你講火炭路個位的確幾陰人，通常都唔會同人平頭一齊過，免得有人不依線行走夾埋黎，小心小心 !

有次同部 K11 拍住過，我行慢線佢行中線，可能巴士車身長啦，過緊呢個騎呢彎既時候位都壓得幾近埋下 .....

講開又講..
果條路..我好記得我第一次行火炭路...但係入火炭..
果日仲要夜晚黎...
又係唔知點路原來係咁騎呢..
明明行緊第二線..過燈位又會cut 左入第一線..
原來我唔知過燈位後條原線已經偏0左位...
好在第一線無車架...

原帖由 FAST 於 2006-7-22 19:45 發表
記唔記得車牌呀?
交通投訴組啦 XD (一黑起上黎好黑仔o架,呢排最緊要心平氣和,唔係好易出事)

車牌都記埋, 同埋事發經過, 其實係可以去報警。只不過如果樓主仲留意到有機會見到事發過程的車的車牌的話, 咁可以請他們做證, 告入的機會好大。

不過, 講回轉頭, 有時開車真係要忍下, 自已咁錫住部車, 無謂同謂同呢D "垃圾車" 來個 "瓷器碰缸瓦"。

原帖由 EH8842 於 2006-7-22 23:14 發表



車牌都記埋, 同埋事發經過, 其實係可以去報警。只不過如果樓主仲留意到有機會見到事發過程的車的車牌的話, 咁可以請他們做證, 告入的機會好大。

不過, 講回轉頭, 有時開車真係要忍下, 自已咁錫住部車, 無 ...

其實..近來係有些私人事發生左, 令到我其實好唔開心..所以..邊個踩過界踩得太過份,
係安全情況下我多數唔同佢客氣 (唔一定係馬路上既事)

請記低所需號碼︰2889-9999

＊如果我無記錯車牌，我成日見呢架車泊富安第十一區o架，應該係上落貨~
　
＊我覺得 48 小時內去警署做定個 Traffic Clomplain 備案會好 D~

原帖由 hkbw 於 2006-7-22 23:20 發表


其實..近來係有些私人事發生左, 令到我其實好唔開心..所以..邊個踩過界踩得太過份,
係安全情況下我多數唔同佢客氣 (唔一定係馬路上既事)

有時候, 真係 "做人係要忍"
不過這些情況我也同意你要出手的, 那部車太過份, 但我覺得可以再盡D, 唔係呢D "欺善怕惡" 的人唔知驚。

話說有一次三號幹線出九龍, 過咗青馬橋之後果排虛實線想抽頭出快線, 望完鏡見到夠位就打燈出, 點知後面部的士即刻俾油, 搞到我要即刻番埋去, 俾佢過咗先再出。

我由入窿開始就 "啄" 住佢尾, 一出隧道佢過番中線, 我就一直响佢隔離, 剛好車頭對車尾一路KEEP住, 佢前面有車頂要收, 我就跟住一齊收, 佢呠我都費時理佢, 一路咁樣跟到佢過咗瑪嘉烈, 再CUT慢線, 我照跟佢CUT中線。總知就係有車頂我都唔俾夠位佢出。一路去到佐敦我要出啦, 我就俾油過佢CUT响前面, 佢响擎天個燈位開窗問候我母親 (但已不在人世了 )。我還擊佢話, 响長青隧道口我唔打燈你唔俾油, 算甚麼意思。諗住我車仔好蝦,  泥水佬開門口, 做人唔好咁X過份, 你壓得我時我都可以壓你!!!

唔好問我車牌, 呢排太忙, 唔記得呢D資料。

[ 本帖最後由 EH8842 於 2006-7-23 15:21 編輯 ]

小弟試過一次廣明苑燈位入灣去尚德時,突然比架後面渣雅閣既金毛一家勁響安,之後佢停係我側邊打開窗,跟住全家指住我係咁鬧,屈小弟霸晒條線入灣,金毛老豆,金毛老母同個金毛仔輪流問候晒我全家我隔離個女性朋友,我就係咁叫佢地唔好咁爛口,不過最後我一話報警佢就即刻開車走.....
之後我條氣越來越唔順,係咁響安推住佢,跟住將佢迫左入巴士站死火,小弟就即時走人.....
ps:小弟咁做好唔哸,以後都唔會咁做,最多扮聽唔到算.....

另一個渣mini朋友既情況....(資料來自香港迷你車會討論區)

（３月４日）下午，我揸著愛車mini途徑灣仔活道一個燈位停下，此時對面線有架BB版林寶堅尼駛至及停泊在石崗咖哩屋前，它後面跟著的一架本田七人車想在我的mini和林寶堅尼之間穿過，當時他應該夠位過的。可是那個七人車大叔怕會"high"花架林寶堅尼，就駛近我的mini旁，指著我駡說馬路還有位為何不駛貼行人路。喂～大叔，雖然我的車是細，在馬路上佔位少，並不等於要下下貼著馬路邊行啩！！！那個大叔分明怕了貴車卻欺負我的mini！！真的很可惡  小弟揸了mini已有一段時間，這是第一次給人指駡！

[ 本帖最後由 lee329 於 2006-7-24 10:12 編輯 ]