台灣高鐵 事故連連

以安全可靠及準點度高既日本新幹線系統, 出口台灣之後竟然事故連連. 台高鐵唔理系統
究竟係咪已經準備好, 響傳媒一致質疑既情況下強行"試連轉", 結果事故連連, 仲聲大大話
日本承辦商要負全責.

台高鐵烏龍事件包括:

1) 票務系統出頻頻當機, 超賣車票令乘客有票無位坐, 被迫改用人工售票
http://tw.news.yahoo.com/article/url/d/a/070110/4/97lp.html

2) 訊號系統異常, 列車誤點頻頻
http://tw.news.yahoo.com/article/url/d/a/070111/17/98mv.html

3) 列車抵站唔開車門, 車長竟然完全無留意夠鐘就開車, 開行一公里後始發現問題, 竟
然需要倒車再入站
http://tw.news.yahoo.com/article/url/d/a/070110/4/97lo.html
http://tw.news.yahoo.com/article/url/d/a/070111/2/98am.html
http://tw.news.yahoo.com/article/url/d/a/070111/1/98gz.html

4) 列車懷疑冒煙被卡在半路
http://tw.news.yahoo.com/article/url/d/a/070111/8/98pj.html

雖然有台高鐵人員指日方要負責, 但觀乎以上問題, 都係涉及操作程序及項目管理等人
為因素居多. 事實上新幹線40年前響日本通車時都無預過呢類問題, 今次出口台灣可謂
做壞自己塊靚招牌.

個人認為, E2出口中國好可能又搞出烏龍甚至安全事件, 中國人(包括台灣人在內)做事
唔認真, 求求其其又好大喜功, 對於需要嚴緊操作既日本系統黎講, 真可謂一大"挑戰"!

1)這是高鐵係stress test所定的要求過低所至……衰o左唔好話人。

2)這是因為高鐵要求的雙單線要求對車載系統的負擔太大了。其實佢同西鐵開波初期的問題一樣，
即係係logic上冇問題，但只有依靠不斷的微調才能將其修正。

3)明顯地係歐洲系車務方式的錯，歐洲式的站場程序係：司機停好車後將車門鎖定裝置解除，
車掌用佢的key插入是但一道門後才可以開車門。台方話用此法的原因係怕走冷氣……
而日方則是由車掌全權負責車門的開閉。

因車掌需要係指定位置開閉車門同其有關的安全確認程序等問題，同台北車站的clearance不足而使車長室車窗不能打開。(日本做法係車掌伸出車外黎做開關車門，但一關完門後架車就郁的關係，故係台北車站會將此問題深化)

4)尚未有足夠資訊以供評論。

我完全同意你最尾果句。由於日本係嚴格follow規則做事，故此係安全設計上係冇外用品咁重手。
睇黎真正的考驗先開始……大家搵定位睇野……

台灣的國民黨黨團認為，高鐵表現比台鐵還差，不如改名「廢鐵」。
http://tw.news.yahoo.com/article/url/d/a/070112/5/99kd.html

想不到香港鐵路迷話某鐵路公司路線是「廢鐵」，遭到論壇版主警告；
但一到台灣的政黨代表，說了這番話，又會否有同一遭遇？

原帖由 UCR683 於 2007-1-12 23:57 發表

想不到香港鐵路迷話某鐵路公司路線是「廢鐵」，遭到論壇版主警告；
但一到台灣的政黨代表，說了這番話，又會否有同一遭遇？

我們有需要和政客一般見識嗎？

其實台高鐵雖然號稱"台灣版新幹線", 但台灣高鐵公司自以為是, 隨意修改新幹線
既設計, 而日本方面一早已經有鐵路專家指出咁做會帶來好多問題, 但台高鐵就聽
唔入耳. 我唔明白點解一間全無鐵路經驗既新公司, 有何資格對一個已經有40年成
功營運既系統指指點點亂改一通.

http://tw.news.yahoo.com/article/url/d/a/070111/4/992n.html

但面對誤點連連, 台灣高鐵局長竟然指誤點班次多數為四字頭唔吉利, 建議取消以
四字頭作為列車編號...

http://tw.news.yahoo.com/article/url/d/a/070112/4/9ajr.html

有問題竟然怪呢D迷信之說, 高層都係咁既心態, 似乎高鐵管理問題只會陸續有來!

歐晉德其實係咪前台北市副市長?

這個都是台灣自己得來的結果，明明有法國貨不用
，偏要用它那親密「盟友」日本貨。

結果如何？未見官先打三十大板，未通車就已經有
一大串訴訟。

原帖由 M 於 2007-1-16 17:59 發表
這個都是台灣自己得來的結果，明明有法國貨不用
，偏要用它那親密「盟友」日本貨。

結果如何？未見官先打三十大板，未通車就已經有
一大串訴訟。

中國國家鐵路亦有引入"敵國"E2-1000新幹線列車, 並改名換姓為CHR2, 如果日
本貨質量麻麻, 咁中國鐵道部咪好捉虫?

台灣高鐵最大問題係集歐系及日系於一身, 於是系統整合問題多多. 中國高鐵系
統情況更複雜: 舊有線路基建已經集中式與俄式於一身, 而高速路軌技術又係自
德國引入, 車輛方面更加白花齊放, 有德國, 有法國仲有日本. 坦白講系統整合係
中國非常薄弱既一環, 你睇中國軍械發展經常解決唔到西方及俄式系統整合就知
道, 所以日後中國高鐵所面對既問題只會比台高鐵更多.

[ 本帖最後由 PB602 於 2007-1-16 22:46 編輯 ]

原帖由 PB602 於 2007-1-16 22:44 發表


中國國家鐵路亦有引入"敵國"E2-1000新幹線列車, 並改名換姓為CHR2, 如果日
本貨質量麻麻, 咁中國鐵道部咪好捉虫?

台灣高鐵最大問題係集歐系及日系於一身, 於是系統整合問題多多. 中國高鐵系
...

與小弟只知多種鐵路有關技術的個人研究相比下，師兄係與兩岸有關的分析上補足了小弟不少不足之處。
還請以後多多指導……

中國係一般用車輛(低速度、通勤型)之上仍然未有任何思想的突破……
事實上，如果中國係用近郊型動車組的話，春運的增結、方向性輸送力、以至車輛運用的彈性上應該有一定程度的飛躍……
(廣拉果d超長距當然要stick with客車方式啦，我上句指的係intercities的輸送)

希望藉CHR系的運用開始，中國鐵路的客貨分離政策會進行萌芽期……