令我氣憤的HP維修部

話說4月23日早上，我拎了部HP的NOTEBOOK去尖沙咀維修中心搞維修
問題係我跌爤左下角的位置，而且整唔到RECOVERY CD..
我對職員說唔該報一報個價俾我(因為左下角係我自己整爤的)
而職員亦都同我講三至五日內可以報到價，並且完成維修。

等了一整個禮拜，咩回音都沒有。
諗住俾埋今個星期一(4月30日)佢覆啦
都仲係無回音。

昨天打去維修中心，打十世都無人聽。
留埋言，下午有人覆返我(都叫做快啦)
同我講，師傅仲整緊，個價因為要睇電腦，所以未報到
咁我就問，十日都未報到價？職員說：因為報價要等師傅CHECK電腦，所以無咁快的。
跟住我再問，咁RECOVERY CD那邊CHECK好未呀？
職員說：師傅CHECK緊架喇，暫時仲未知道係SOFTWARE定HARDWARE問題
但過兩日可以俾返部機你喇...
跟住唔夠半個鐘，職員CALL BACK返我報價

HP真係好野，CHECK RECOVERY CD整唔到可以CHECK十日都CHECK唔到咩問題
唔駛嘛....我諗俾盡三日整唔到咪試下RESTORE整個SYSTEM囉
(反正我係簽左可以洗HARD DISK架)
你竟然同我講十日都唔知咩問題。
再來是報價，唔係十日都報唔到過來嘛..
基本上爤左換塊新既上去，點報價最多咪五日(ACER NOTEBOOK燒底板都係五日報到價啦)
仲要唔吹你都報唔到俾我，你係咪真係咁做野呀....

發完「脾四」了，歡迎各位討論。

原帖由 ChickenTong 於 3/5/2007 08:59 發表
報價方面,可能要聯絡外地既供應商,甚或為已停產既組件特製一件,
所以有可能有延誤..

至於RECOVERY CD同埋佢所口頭承諾既事...........

我部notebook唔係停產notebook類
理應唔存在Chkicken兄所示的理由
再者，我相信如果我唔吹佢的話，佢係今日都唔會報俾我的...

我相信已停產的組件不會為客特製一件。
至於Recovery CD的問題，莫非師傅覺得部機爛了，所以不便開機去check？？

但如果係停產組件
那為何後來又可以報價給我呢？
如果佢係停產的話，都可以話聲我知嘛...

recovery cd，我都真係唔知佢點解了...

跟進一下先：
今日再打電話去，問下幾時有得拎
同樣又係打唔通，留言啦
之後打回來，問佢幾時有得拎
職員說：師傅CHECK緊架喇，你預過多一兩天啦
我說話：其實我已經等了兩個星期架喇，當初同事說三至五日
之後又話今日，咁究竟可唔可以俾一個確實時間我呢？
職員說：你預多一兩天啦，應該無問題架喇..
我說：但我想要一個確實的時間，因為我都URGET要用
(咁我就真係急用既，因為好多公司野等住出)
之後職員就話幫我問師傅，之後覆返我
等了兩個鐘，終於覆我話部機出到了.....

件事就係咁完喇，希望唔好再有下一次啦...

我個人建議，催機最好走上維修中心，以證明自己是非常急用。