東涌長者：尖碼去旺角，我只係識搭6

mtrA279-262 發表於 2022-3-5 22:11
一向都係65歲或以上先係當長者
長者卡都係要夠65歲先可以申請到

但係疫苗係計60歲

s20131417 發表於 2022-3-5 21:26
就第1點而言，確實數字真係唔清楚
但係長者日常去飲茶、去街市，都要用手機掃「安心出行」二維碼嗰陣
小弟 ...

長者真係隨時去飲茶街巿多過搭巴士，所以係咪係媒體報導嘅係邊啲茶樓街巿收咗而唔係巴士線？

s20131417 發表於 2022-3-4 22:06
小弟愚見：

巴士公司可透過推送通知（push notification）功能，告知乘客有關暫停服務事宜

我廿年後仲未係長者, 但你講嘅“推送通知功能”, 我睇完發覺我係文盲, 唔知咩嚟.

最簡單話到畀客知道6停駛, 通告出左, 唔爭在講埋去沿線可以搭乜車啦!

應該就住每個站情況寫有咩替代路線, 我見替代路線通告入面, 寫齊6C 35A 81 234X, 就算個客有心搵晒四條路線出嚟, 仲要逐條線資料慢慢消化, 不如一開始喺個站寫明, 由呢度去6沿線有咩車選擇, 已經算係最清楚嘅做法.

你講嚟講去都係高科技, 一下子唔係個個醒起嘅.

User12345678910 發表於 2022-3-5 22:51
但係疫苗係計60歲

According to 食環署網頁

「安心出行」
問 17：	有些小童或長者沒有智能手機，如何能符合餐飲處所及表列處所必須使用「安心出行」的規定？
答 17：	未滿16歲人士若有成人陪同進入餐飲處所，因該成年人已履行適用的「安心出行」規定，所以毋須自行使用「安心出行」或填寫登記個人資料的表格。未滿16歲而沒有成年人同行的人士和65歲或以上的人士如欲進入餐飲處所但未能使用「安心出行」，則須填妥指定表格登記個人資料。

係65歲以上人士先獲得豁免。

s20131417 發表於 2022-3-5 21:26
就第1點而言，確實數字真係唔清楚
但係長者日常去飲茶、去街市，都要用手機掃「安心出行」二維碼嗰陣
小弟 ...

上面已經回覆咗閣下唔係人人都需要用「安心出行」APP的，請自行參考。
同埋就算你教咗佢，長者記性差，視力又唔好，唔記得/睇唔到絕對係常識，
加上依家限聚令， 好多孝子賢只能通過電話問候，
所以，點教呢？
(唔好同我講視象，上面已講咗視力唔夠好依個POINT了)
就當佢哋視力無問題喇...
咁唔該作為孝子賢孫嘅，就教吓人哋用FACEBOOK啦。


風暴期間全香港有乜嘢新聞重要得過風暴消息(包括風暴位置、各項服務等)，
依家係抗疫，大把消息重要過服務資訊..
我同其他版友都有問過你，
你要講良心，係咪要電視台LIST晒所有唔開嘅食肆、郵局、銀行、社會福行署辦事處
依啲同長者更加有關嘅民生店鋪呢？
再者，你都識講「疫情嚴峻」，其實阿孝子賢孫係咪應該更加叫個長者留在家中，
而唔係無端端由東涌走去尖沙咀碼頭搭架巴士去飲茶見孫仔呢...
同埋，你都未答電視台係咪要每日都要喺新聞你係咁LOOP住畀各位知有邊條巴士路線暫停服務呢？
珍貴嘅時間理應用嚟報導更加重要的資訊吧...
不過，我唔反對由港台電視32台播嘅，因為係「抗疫頻道」嘛....

後加：
https://fb.watch/bzLzk5mtWa/
貼咗咁大張通告喺巴士站都唔睇，
夠晒資訊性吧？
可以怪責誰呢？

流星☆雨 發表於 2022-3-5 21:31
板友心水清

無必要爭拗點樣/有冇必要確保今次事主得知6號停駛

我地局長話停駛會盡量減少乘客影響
轉個頭就有呢D新聞
真係

不過呢幾曰坊間新聞D稿有問題
有新聞話臨時暫停服務個堆線
話佢地取消左

不過唔好話九巴
城巴都係一擔擔
5B都停埋佢

怡和街搭巴士去上環到西區
得返架西營盤邊緣既26
非常時期無直達車無問題

同埋，你都未答電視台係咪要每日都要喺新聞你係咁LOOP住畀各位知有邊條巴士路線暫停服務呢？
珍貴嘅時間理應用嚟報導更加重要的資訊吧...

其他新聞都重要，小弟都講緊喺晨早新聞時段，安排1-2分鐘時間，好似風暴時期咁列出暫停嘅巴士路線
主播：「受疫情影響，各間專營巴士公司有超過100條巴士線需要暫停服務。大家可以睇睇。」

另，小弟不反對相關內容喺港台電視32播出

最簡單話到畀客知道6停駛, 通告出左, 唔爭在講埋去沿線可以搭乜車啦!

應該就住每個站情況寫有咩替代路線, 我見替代路線通告入面, 寫齊6C 35A 81 234X, 就算個客有心搵晒四條路線出嚟, 仲要逐條線資料慢慢消化, 不如一開始喺個站寫明, 由呢度去6沿線有咩車選擇, 已經算係最清楚嘅做法.

真係說出個重點來，小弟一開始竟然無諗到呢一點⋯
站頭通告只係寫「疫情嚴重影響車務人員執勤，上述路線由2022年3月4日起暫停服務，乘客可轉乘其他路線或交通工具，不便之處，敬請原諒。」
你叫乘客搭乜車好？
係，OPD/P/032/22 已經詳細列出替代路線，但係作為全港最大嘅巴士公司，你都要有責任話俾乘客知，究竟呢個站搭唔到路線A去地方B，附近仲可以搭到邊條路線（巴士／小巴）或去到鄰近邊個鐵路車站

s20131417 發表於 2022-3-5 22:06
記住，仲有一班長者係60-64歲⋯

60-64歲，我當佢地係中年啦
十幾年前先50歲，係咪對科技會咁陌生呀

HY1012 發表於 2022-3-6 11:13
60-64歲，我當佢地係中年啦
十幾年前先50歲，係咪對科技會咁陌生呀

過往去做義工既經歷，有好多冇zoom仔既老人家真係唔會主動接觸科技，好多科技盲，除左打電話同基本既Whatsapp/Wechat之外，就真係連裝個apps都唔識

s20131417 發表於 2022-3-6 11:00
其他新聞都重要，小弟都講緊喺晨早新聞時段，安排1-2分鐘時間，好似風暴時期咁列出暫停嘅巴士路線
主播：「 ...

每朝一兩分鐘講停駛路線，又駛唔駛一兩分鐘講吓邊間銀行分行唔開、一兩分鐘講吓邊間快餐店、超市、郵局又唔開呢？
樣樣一兩分鐘，朝朝有幾多個一兩分鐘畀你呢？
睇？站頭有通告唔睇但會睇電視？

一張通告A4 SIZE，上面可能包攬幾條路線，條條路線都LIST返替代交通工具？
你想張通告啲字有幾大？你知唔知一張通告太多字係畀人咩感覺？
簡而精係設計通告嘅重點。
你叫班長者企喺站頭同你慢慢睇通告，望到字多都已經無心機睇啦⋯⋯
仲未講究竟佢哋仲睇唔睇到囉！


我幫你諗埋啦，叫停駛嘅車長企喺各大分站，播錄音話畀人知咩路線停駛又好唔好？
可唔可以唔好一味怪責人哋好唔好⋯⋯