六號幹線有感

唔知點解個個都睇哂東邊，其實西邊問題先至明顯
今日剩係經三仔出尖沙咀嘅車，有幾塞大家心裏有數。
加埋中九龍幹線嘅車就...

同埋有好多車經三仔->凱婷腳下->加士居道天橋入紅隧。
遲D中九龍幹線通車，三仔再唔可以直通凱婷，D車唔係改行連翔道就係佐敦道，
一樣有鑊氣。

s3n370 發表於 2022-4-28 06:15
我諗你用錯冗餘呢個詞，你其實係想講替代/後備路線吧？

同埋我邊度指明過邊條路出事呢？

冗餘 redundancy

https://zh.wikipedia.org/wiki/%E5%86%97%E9%A4%98

我應該無用錯用詞吧？

疫前計，觀塘繞道、將軍澳道一出事可以搞到好大鑊，就算普通壞車都可以整條長龍出嚟，當然你可以話將藍可以分流一部分將隧車流，不過將藍入口咁少，觀塘、九龍灣都用唔到

再者，強求條新路有多幾個出入口唔係唔得，
搞得唔好,隨時只係另一條觀塘道/東九龍走廊？

咩叫「強求」，乜唔可以設計階段整咩？而家就係講緊點解設計時6幹咁少出入口，就好似東九龍走廊咁，都有人詬病佢東行土瓜灣一邊冇入口。

啟德跑道落T2地底前整一個入口唔知有乜技術難度呢？如果好似中灣繞咁做地底入口，T2就要有三綫，可惜當初只係諗住起雙綫

s3n370 發表於 2022-4-28 06:27
九龍灣以東行嘅一段六號幹線（T2主幹道）可以去到嘅位，
觀塘繞道基本上覆蓋哂咁滯。
而今日上得觀塘繞道 ...

T2所在地好多都係地盤，乜都無，規劃時要加出入口，額外花費比起成單工程費用多極有限囉

jpoon 發表於 2022-4-28 04:31
冗餘 redundancy

https://zh.wikipedia.org/wiki/%E5%86%97%E9%A4%98

你Quote嘅資料，更加證明你自己誤解佐乜野係冗餘。

條路有剩餘容量用唔哂，就係有冗餘。
相反你有十條路都好，但條條路都無乜容量，都唔會無冗餘。
而呢個正正係今日嘅狀態。

就算用你嘅定義，六號幹線對唔少車，都係有多個“冗餘”。

正如當日起觀塘繞道，其中一個用途係分走觀塘道嘅交通。
咁佢係咪有需要同觀塘道一樣，有齊咁多個路口駁番咁多條路？

jpoon 發表於 2022-4-28 04:40
T2所在地好多都係地盤，乜都無，規劃時要加出入口，額外花費比起成單工程費用多極有限囉
...

講黎講去，起唔起都係睇有無需要，多過起唔起到下話？
既然現有道路都做到啟德駁T2嘅功能，
幾平都係浪費。
就算唔講錢，做多個出入口，要用多佐地就唔係浪費？

當然，折衷嘅方法係起定預留位。
油麻地停車場一段，果面嘅限制極大，
都起定預留，俾加士居道天橋可以起夠來回各兩線，
但當局連你想整嘅預留位都唔整，可想而知啟德駁T2嘅需要係細囉。

s3n370 發表於 2022-4-28 20:06
講黎講去，起唔起都係睇有無需要，多過起唔起到下話？
既然現有道路都做到啟德駁T2嘅功能，
幾平都係浪費 ...

起路除咗飽唔飽和，仲睇省唔省時
我相信起好多公路出入口都係呢個考慮
正如唔會有人話屯公不如拆咗大欖個出入口佢啦，反青龍頭段青公都未飽和，咪行青公去深井囉

s3n370 發表於 2022-4-28 20:06
講黎講去，起唔起都係睇有無需要，多過起唔起到下話？
既然現有道路都做到啟德駁T2嘅功能，
幾平都係浪費 ...

現有道路點樣做到啟德駁T2嘅功能？請問啟德點樣上高速去到東隧、將軍澳呢？勉強行祥業街、常怡道、海濱道囉，不過大家都知呢個十字路口成日畀MegaBox啲車頂住

啟德城中心一邊去東隧、將軍澳仲要兜更大嘅圈先上到高速，唔通真係要好似而家東區去新界東、北嘅車咁，要兜大圈行中九龍幹綫、西隧、中環灣仔繞道？

觀塘繞道一早飽和，就算起好T2，分流唔晒觀塘繞道，起嚟咪仲嘥錢，既然係咁︳咁起多一個出入口浪費極，令觀塘繞道甚至觀塘道、偉業街改善都已經有賺啦

仲有就係交通基建要睇埋長遠，唔可以只係睇呢幾年夠用就算

jpoon 發表於 2022-4-28 16:39
現有道路點樣做到啟德駁T2嘅功能？請問啟德點樣上高速去到東隧、將軍澳呢？勉強行祥業街、常怡道、海濱道 ...

响承啟道通往中九龍幹線嘅T字路口，
只要行多唔夠一公里，就已經係九展啟福道。
真係下下直駁先至叫做用得到？
無乜幾多區，可以咁短距離就上到幹線公路啦。

你自己都識講，基建係一起就用好耐，起錯佐要返轉頭嘅代價唔細，
更加唔可以輕率去起。

icecone 發表於 2022-4-28 15:42
起路除咗飽唔飽和，仲睇省唔省時
我相信起好多公路出入口都係呢個考慮
正如唔會有人話屯公不如拆咗大欖個 ...

以今日嘅道路網同人口，青龍頭唔出事，但深井會出事。

道路最根本嘅目的係連繫社區，支持地區發展。
無佐小欖交匯處，青山公路沿線根本無可能起咁多樓。

啟德唔同，四周圍都係已發展地區，亦駁得通。
就算所謂兜大圈，上公路距離遠遠短過青山公路。

s3n370 發表於 2022-4-29 08:17
响承啟道通往中九龍幹線嘅T字路口，
只要行多唔夠一公里，就已經係九展啟福道。
真係下下直駁先至叫做用 ...

真心唔明加多個出入口有乜代價，講到多咗出入口會搞冧其他路咁
諗下啟德體育園大型活動時，會唔會整爆啟祥道，啟祥道本身都間唔中塞，仲要塞多啲車落去，仲未計成個啟德城中心都係靠一條承啟道食晒，承啟道一死真係死八成

基建係要配合社區發展，睇下粉嶺公路咁，就係好似你咁短視，粉嶺無北向出入口，搞到啲車塞死晒響掃管埔路迴旋處