本帖最後由 ATE7025 於 2022-5-10 07:24 編輯
正如特工兄數日前次所提及，948 系列目前嘅服務水平嚴重不足，多個時段出現嚴重爆滿情況，隨着青衣南新屋苑陸續入伙，爆棚問題幾乎已經到達臨界點，極為迫切需要改善服務水平。
根據小道消息指出，若以表定班次計算，948 最繁忙1小時及半小時嘅載客率已經遠遠超越運輸署所定下嘅加班指引水平，其中後者更加已經超越100%。
為此，特意開新post，讓各位版友及青衣居民集中討論及報告948 服務不足嘅情況。如果上唔到車或者有意見想發表，歡迎留言討論。
遇到上唔到車或者爆滿情況，一定要投訴，附上比較有效嘅投訴方法：
TCU 交通投訴表格
1823 app
搵在任區議員，長康徐先生，長康梁小姐，長亨盧小姐，當然委員陳先生反映和投訴
與相關運輸主任直接進行投訴，聯絡方法可在政府電話簿查找
在取得運輸署回覆後直接向申訴專員公署展開投訴
個人最建議使用第四個方法，一上唔到車就直接搵呢班咁離地嘅運輸主任算帳，等佢哋聽吓居民嘅心聲。
提提大家，若果你對運輸署嘅回覆唔滿意嘅話，你係有權直接向申訴專員公署直接投訴。
另外若果你懷疑運輸署與某些團體有利益輸送，你亦有權向ICAC 直接投訴。
勿以善小而不為，每道微小集合起來，自然能迸發出偉大！！
一齊將呢個post推到948正式加班為止。
| 
