北港島線 東九龍線 最新項目進展

jpoon 發表於 2023-3-7 04:20
咁多樓，邊夠位畀你起地下街？仲未計消防、走火要求，做食肆嘅仲要諗埋排煙、排污（吸油井）
睇下香港站— ...

地下街隧道可以喺街道範圍入面以明挖回填法興建，建造過程會實施交通改道措施，可能對附近住宅同商舖造成一定滋擾。

香港站—中環站轉乘通道喺已付車費區域入面，發展潛力比閘外區域低。

只要對地下街作出適當包裝，就能夠吸引人流。

THB 發表於 2023-4-4 19:51
地下街隧道可以喺街道範圍入面以明挖回填法興建，建造過程會實施交通改道措施，可能對附近住宅同商舖造成 ...

銅鑼灣邊有位畀你明挖回填呀？
就算係告士打道咁闊，你封一兩條綫都死啦，仲未計告士打道下面有咁多公用設施、管道、隧道（世貿中心過去午炮）
駱克道、謝斐道更加無可能畀你封一兩年啦，而家自由行啲舖先有返少少起色，再封一兩年都整死晒啲舖啦，麼地道有辦你睇，起尖東站行人隧道搞到成條街啲舖頭瓜晒，係起咗K11先叫帶返旺少少附近，但同九十年代全盛時期比真係差好遠，深圳華強北整咗條地下街，夠有打卡位同包裝啦，結果咪又係死晒，疫前2019年已經差唔多成條街嘅舖執晒啦。仲有駱克道、謝斐道有唔少小巴站，銅鑼灣邊有位安置？
就算畀你封，另一個問題係你條地下街點樣接駁地面先？有無位畀你起出入口、升降機駁地下街呀？

helloabc 發表於 2023-3-7 23:35
其實AREOT預留東涌綫下一站係會展﹐牌面上係咪仲未排除換綫方案？如果最後真係行換綫，並大搞700特快港島 ...

其實商界一直都係希望AEL可以直達EXC，一來方便MICE客，二來仲可以打通AWE和HKCEC兩大展覽場地。

如果最後AEL唔去EXC，商界可能同政府反枱。

chikng2227 發表於 2023-4-6 11:11
其實商界一直都係希望AEL可以直達EXC，一來方便MICE客，二來仲可以打通AWE和HKCEC兩大展覽場地。

如果最 ...

如果係咁，會展站將要大改，由於AEL需要獨立收費區，即使不加建軌道都至少要在南側加多一組AEL月台及閘機等設施，若加建新軌則工程更為浩大。定還是改革收費系統，令AEL客可以直接使用本地綫閘機？

jpoon 發表於 2023-4-6 04:44
銅鑼灣邊有位畀你明挖回填呀？
就算係告士打道咁闊，你封一兩條綫都死啦，仲未計告士打道下面有咁多公用設 ...

地下街嘅可行性要睇會唔會起銅鑼灣北站，如果起咗會令街舖情況惡化，咁就當FF算喇。

尖東嘅商場到而家都仲係八十年代風格，但出面流行嘅係高科技、創意產業，人流自然比其他購物區少。

其實商店街做唔做得起，都係睇啲店舖點包裝同宣傳啫，最緊要迎合顧客口味。

chikng2227 發表於 2023-4-6 11:11
其實商界一直都係希望AEL可以直達EXC，一來方便MICE客，二來仲可以打通AWE和HKCEC兩大展覽場地。

如果最 ...

AEL去埋會展個idea其實OK嘅，不過就唔好同EAL/NIL嘅EXC搞埋一齊啦~
比如話，直接在會展新翼地下整全新車站 exclusive for AEL，
只有一個月台，用一條單線雙層路軌返ARO（類似POA/WHP嘅設計）
不過多咗呢個站同路軌，又要重新計過曬預算，以及睇interfacing有無問題。
但好在呢個demand，等NIL Phase-2開始設計時再考慮都未遲。

chikng2227 發表於 2023-4-6 11:11
其實商界一直都係希望AEL可以直達EXC，一來方便MICE客，二來仲可以打通AWE和HKCEC兩大展覽場地。

如果最 ...

政府同龜鐵從來都無話過AEL可以拉去EXC？係咪只係某啲人士一廂情願咋
加埋疫前兩邊都有大型展覽嗰陣，無記錯貿發局會出埋旅遊巴直接車人㗎喎，唔會話去到香港站就算推人坐機快

chikng2227 發表於 2023-4-6 11:11
其實商界一直都係希望AEL可以直達EXC，一來方便MICE客，二來仲可以打通AWE和HKCEC兩大展覽場地。

如果最 ...

商界講緊咩人先？會展站上蓋本身想做會展第3期都最後無左件事啦

THB 發表於 2023-4-6 12:55
地下街嘅可行性要睇會唔會起銅鑼灣北站，如果起咗會令街舖情況惡化，咁就當FF算喇。

尖東嘅商場到而家都 ...

CBN根本無地下街規劃，就算去返九鐵個規劃都係預留非收費區轉車通道
最接近嘅野已經係發展維園地底個空間

hellomato 發表於 2023-4-6 14:06
AEL去埋會展個idea其實OK嘅，不過就唔好同EAL/NIL嘅EXC搞埋一齊啦~
比如話，直接在會展新翼地下整全新車站 ...

又黎FF－你點樣可以係唔影響ARO同中環灣仔繞道同支路情況下伸條路軌過去會展新翼地底？