［轉貼］龍運巴士A31 A33x A41 A43 NA線 加強服務

Vittorio 發表於 2023-2-20 16:22
A41琴日傍晚有架車炒咗,後車過埋客咪頂爆🤭
不過A車港珠澳返出去八成打爆又真🤭 ...

實時報道一下，平日晚上港珠澳返大西北情況(約8:15pm)。

原本首選想坐A33x往屯門方向，但即班爆滿(大快活)未能登車留後，睇唔到原本排左幾多人。

果斷改排五分鐘後到站A36搏一搏。A33x開出時A36就到站，目測車上已經接近沒有座位(降級高載頂腳車)，排隊人龍大約有三十幾人左右，最後全部都上得曬，頂閘。

同場加映A41都有接近四五十人排隊，不過仲有一段時間才有車到，未知能否清曬全部人。

港珠澳大橋站看不到有龍運車stand-by加班，除非直接由機場開過來， A33x/A36/A41全部30分鐘一班。

Sita1004-1017 發表於 2023-2-20 15:44
應該屯門元朗五條A線都即刻入晒港珠澳先，咁近距離要轉車仲要班次疏不如搭的士好過 ...

A33,A34同A37入港珠澳真係幫到A33X同A36好多？

HE7921 發表於 2023-2-20 22:57
A33,A34同A37入港珠澳真係幫到A33X同A36好多？

A37 入都幫到好多
今朝 E37 九點八落咗三四十個全部排港珠澳
然後應該排咗二十分鐘先等到前面另一位板友講上唔晒嘅 A36

同意有版友所講，
要爭取係A37入港珠澳

Sita1004-1017 發表於 2023-2-20 15:44
應該屯門元朗五條A線都即刻入晒港珠澳先，咁近距離要轉車仲要班次疏不如搭的士好過 ...

今晚回程時在A36車上，正正係聽到D乘客咁樣講。
話龍運 港珠澳 A車 服務差，住屯門連即班A33x都上唔到，又要多等半個鐘，近近地湊夠四個不如坐的士。

當時部分乘客改坐(5分鐘後到站)A36上轉車站/紅橋。

今次不得不讚下城巴。
頭先八點幾同行幾個人一齊返到口岸，住市區和將軍澳的都很快上了城巴A車，全部有位坐，包括A21/A22/A29，用車無降級之餘仲要20分鐘有一班。他們都很滿意，話以後可以用這個方法搭車，往來港珠澳和市區，比B5/6轉MTR舒適。

反之龍運仍30分一班，唔夠載又唔理，好像食硬批客一樣。港珠澳有一個職員，但行行企企唔知實際要做甚麼。

arfung 發表於 2023-2-20 23:20
今次不得不讚下城巴。
頭先同行幾個人一齊返到口岸，住市區和將軍澳的都很快上了城巴A車，用車無降級之餘仲 ...

既然如此，途經大橋香港口岸的A17及A23應儘快恢復服務，以輔助A11及A22的龐大客量，長遠應考慮將所有機場A線繞經港珠澳

arfung 發表於 2023-2-20 23:20
今次不得不讚下城巴。
頭先八點幾同行幾個人一齊返到口岸，住市區和將軍澳的都很快上了城巴A車，全部有位坐 ...

呢啲叫有頭威無尾陣, 城巴平日情況做得比龍運好係事實,
不過一到假期就成件事倒返轉

龍運A33X/A36明知本身SoS係疏, 有加車, 但加嘅車又唔多,
如果應變唔夠快就好易有類似呢啲咁嘅情況,
機場島聽到小道消息講, 佢地唔肯加短棍, 似係因為怕混亂麻煩,
用唔做唔錯嘅心態

其實屯赤情況, 佢地應該晚上都整架A33x去到屯門市中心調頭最好,
起碼回車夠快, 轉車客又開心

初初開屯赤隧道都已經係役情
龍運班次非常之多
可能蝕得多
宜家都加唔返屯赤開通之時
莫講話役情前

個屯赤轉車站往隧道方向超級食風，希望龍巴可以加多幾塊廣告板，擋一擋風

WR309 發表於 2023-2-21 08:33
呢啲叫有頭威無尾陣, 城巴平日情況做得比龍運好係事實,
不過一到假期就成件事倒返轉

短棍係靈活調動，如果龍運不肯做，其實直接將最多人時段單向加班係可以，由30分上到20分已經有一定效用。
都係最集中人潮時段果幾個鐘單向加班，無資源就抽E33/E36既車行一個單(上午往機場/晚上往大西北)，反正都成日降級，總好過無車上。
A車多客既時段和方向，和同區E車不太撞，調動一下總有人/車可以做。

一係，就申請將A34/A37上午某些班次往機場/晚上某些班次往大西北加經港珠澳，應該都解到燃眉之急，減少屯赤換乘人潮。
見到部份地區人士都有相類近見解，或能快速成事。(如果反對A車入港珠澳的聲音無以前咁大既話)。

往港珠澳方向，最多人在屯赤由A/E37或A34/E33P轉A33X/A36。
回程因A33X轉車較便宜，目測多客過A36，一班車亦隨時有20-30人屯赤換乘，似A/E37最多。

聽到車上乘客普遍都話金巴耗時短收費合理，但大西北A車就做得差，尤其要在屯赤轉車再轉車既那一批客，慳到既時間又浪費在A車駁腳。