嶼巴及愉巴車輛登記問題

據巴士大典所講，嶼巴大部分車輛都領有"大嶼山車輛"牌照 (即只交1/4牌費，僅可在大嶼山使用)

1. 而除咗"大嶼山車輛"之外，其實仲有"大嶼山私家路車輛"嘅種類 (即只交1/10牌費，僅可在大嶼山私家路使用)。由於愉景灣範圍全部都係私家路，唔知愉巴行走區內線嘅巴士會唔會只攞"大嶼山私家路車輛"牌照，不離開愉景灣範圍?

2. 另外，根據有關"大嶼山車輛"領牌嘅條文(374E 第23(1)條)，寫到「該汽車僅可在大嶼山的道路使用」，據我理解就係唔可以去赤鱲角(包括機場島及港珠澳)，請唔好同大嶼山的士混淆，因為該條第(1A)款正正就係補充返藍的係可以「在大嶼山或赤鱲角的道路使用」。因此，嶼巴A35 B4 B6 N35嘅巴士係咪都需要出返"市區車輛"嘅牌照?

3. 而374E 第23(5)條更寫到「就本條而言，道路 (road)不包括私家路。」。睇返23(1)條，「該汽車僅可在大嶼山的道路使用」，但道路就唔包括私家路。因此，領有"大嶼山車輛"牌照嘅車輛，又可唔可以喺大嶼山私家路上行駛? 實際嚟講，係咪如果DB01R嘅巴士，就一定要出返"市區車輛"牌照，而不可用"大嶼山車輛"?

有少少印象以前係兩間公司都有車只出大嶼山牌費，唔入悔窩出去巿區驗車就要掛T牌。
兩間公司都有車要預留有需要時行走出島路線，你所講大嶼山的道路以愉景灣嚟講又無得話唔計，因為真係在大嶼山的道路。

真係想問的話……不如直接1823問到官方答案再分享仲好

1) 現按車主需要: 可以選擇. 車主可按需要出全牌費出市區, 一般出1/10牌費的是不能進入DB隧道的區內私家車.
2) 以青馬大橋為界, 大嶼山牌費的車輛是可前往機場
3) 可以用全牌費 或 大嶼山牌費, 分別是會否出市區

其實成個DB都係私家路

https://www.elegislation.gov.hk/hk/cap520
另CAP 520《愉景灣隧道及連接道路條例》有講咩車可以行過愉景灣隧道

sq285 發表於 2023-4-4 20:18
其實成個DB都係私家路

https://www.elegislation.gov.hk/hk/cap520

我就係知道成個愉景灣都係私家路，一開始已經講咗，而其實由翔東路入口開始已經係私家路
你引用嘅條例同個問題好似無咩關係? 畀唔畀使用隧道 同 架車領咗咩牌 係兩件事嚟