有冇可能恢復「商住」模式，以解決「商業」地過剩而「住宅」不足

現時不少商業地只能流標或以賤價出售，而現存的甲廈空置率亦偏高。同時商住樓宇樓齡均達四、五十年，日久失修。但商住樓因為有來去水及廚厠，對部分行業而言會比較方便，而且自由身工作日漸增加，前舖後居的模式亦符合其需要。

近年入伙的住宅及商業建築，均標榜保安嚴密，廣設閘機、智能卡系統。既耗用大量人手、金錢維持以致管理費不菲，對於經常有訪客的行業亦非常不友善。

其實現時的規劃及建築法例，是否不容許以小單位為主的辦公室甚至內建獨立厠所的單位？

乜你唔知而家好多新型工廈就係“以小單位為主的辦公室甚至內建獨立厠所的單位”咩？

sunhoo 發表於 2023-4-11 16:39
乜你唔知而家好多新型工廈就係“以小單位為主的辦公室甚至內建獨立厠所的單位”咩？ ...

https://ps.hket.com/article/1448374

工業契似乎禁咗咁起，但地價較貴嘅商業大廈似乎無。

管理費不菲都唔關你講嘅嘢事囉
市建、恒基啲細規模樓都一樣管理費貴
同埋好多樓公契寫明收10%大廈開支做管理人酬金，益晒發展商關連物業管理公司，無論係大發展商、半官方機構（房協）都係咁，既然開支越大管理公司酬金越高，管理公司真係無誘因幫業主慳錢囉
至於訪客登記就真係兩睇，有啲公司唔鍾意有啲閒雜人無端端走過嚟sell嘢，甚至喺非辦公時間有人上到去，咁佢哋會覺得訪客登記係必需嘅，而坊間甚至有啲物管公司提供app畀業戶用，當有訪客嚟，業戶發個二維碼畀訪客，訪客用呢個二維碼就可以去到指定樓層，又唔駛預先登記同搞好多嘢，更加唔需要好多人手

巴士的膠 發表於 2023-4-11 20:00
https://ps.hket.com/article/1448374

工業契似乎禁咗咁起，但地價較貴嘅商業大廈似乎無。 ...

新建唔得姐 改建翻新咪得

KE7066 發表於 2023-4-12 01:04
新建唔得姐 改建翻新咪得

據報導所講，佢係屋宇處卡住唔俾咁入則，所以即使係改建，都係唔可以。

其實商業地契係可以起 "以小單位為主的辦公室甚至內建獨立厠所的單位"
較近期例子可以參考沙田石門既 W Luxe
http://www.wluxe.com.hk/
同區既京瑞廣場一二期都係差唔多設計

至於點解一線地區無哩D 大廈
一句講晒, 係市場供求問題
如果係較賺錢, 發展商一早起左

W Luxe無沖涼已經好留有一手，金朝陽iCity連沖涼位都整埋，仲要工業地
https://finance.mingpao.com/fin/ ... 3%E7%B3%BE%E6%AD%A3

喺規劃角度，「商業／住宅」"C/R"用途地帶容許兩種處所【垂直兼水平混合】，
即係任何樓層及任何單位都可以隨意做商或住，無規定作出分隔，因而衍生唔少問題：

儘管現有的土地用途地帶機制可為混合用途發展提供彈性，以配合不斷轉變的市場需要，
但在一些情況下，混合用途發展或會對同一樓宇內易受影響的用途造成滋擾，
例如食肆用途會對住宅用途造成滋擾。因此，當局應實施適當的規劃管制，
為混合用途發展提供指引，避免造成滋擾和因不同用途為鄰而產生協調問題。
為了達到既提供彈性又能維持規劃管制的目的，城規會訂立了「其他指定用途」註明
「混合用途」地帶，以便進行互相融合且規劃完善的混合用途發展 。

「其他指定用途」註明「混合用途」"OU(MU)"地帶就係用來取代舊有"C/R"用途地帶，
同一個發展入面可以有住用同非住用(非工業性質)用途，樓面面積多數仍然可以任意分配，
但非住宅與住宅部分須實際分隔，例如分開唔同樓宇或者唔同樓層(低層商業、高層住宅)，
唔會再出現住宅單位隔璧就係零售商店。

"OU(MU)"地帶而家可以喺灣仔、銅鑼灣、旺角、啟德、洪水橋、古洞北搵到。
而市建局亦正計劃為裕民坊「綜合發展區」地盤提交規劃申請作垂直混合發展。