從交通運輸角度睇，大家覺得香港最中間既位置係邊？

“中間” 定義:

• 有直接公共交通 (唔計的士) 去全港最多地方
• 搭車去全港任何位置所需時間最平均
• 搭車去全港任何位置所需車資最平均
  
  

我認為係旺角一帶 (太子道西以南，上海街以東，登打士街以北，洗衣街以西) 呢個範圍

歡迎討論

以第一個標準其實真係無咩區剩
但如果放寬某些條件

好似人在港島
但去上水馬鞍山屯門元朗東涌
其實時間上可以係差唔遠
香港地唔係講既係東西兩極走(屯碼去康城呢類)
個半鐘好多地方都去到

第一點,似乎沙田區才是皇者,理據:

1. 多達四條行車隧道(老隧,獅隧,青沙,城隧)
2. 旺角有171巴士到南區,沙田也有170巴士
3. 299X到西貢郊區(非將軍澳)不過廣華醫院
     一樣有紅Van可達西貢市中心。
4. E21與E42僅差一毫,A41比A21便宜得多。
5. B8巴士直達香園圍,旺角有都應該係非專(?)
6. 計埋馬料水碼頭無得輸,可到多個偏遠村落。

第二第三點,要作出多項列舉。

長沙灣

彩虹邨一帶, 係鐵路上蓋, 仲有好多巴士同小巴:

- 過海 西至堅尼地城101, 中區有111, 南至華貴107, 利南道671, 東至小西灣606, 係冇薄扶林 壽臣山以東至石澳 半山區及山頂區

- 九龍 西至荔枝角2A 6D, 填海區13D 16 296C, 九龍站203E, 長沙灣道 彌敦道1A 9 42 296C 793, 歌和老街E22, 窩打老道10, 何文田17, 東九各屋邨及道路多不勝數, 啓德跑道區要過行人隧道至承啟道有22 22M, 白田邨 南山邨 又一村要行落少少有6D及地鐵

- 新界 各大新市鎮範圍之外, 白石角 大埔滘 汀角 大美督 康樂園 九龍坑 沙頭角公路沿線 深井 青龍頭 掃管笏 青山灣 藍地 洪水橋 清水灣至黃石沿線 將軍澳工業邨全部有車到, 皇后山要過行人隧道至承啟道有78X, 火炭有鐵, 東涌北亦要搭鐵經商場步行, 嶼南 迎東邨 小蠔灣 愉景灣 馬灣 荃威花園 青衣南部 蝴蝶灣以西 后海灣沿岸 錦田 八鄉 米埔 古洞 文錦渡 打鼓嶺 十四鄉要轉車

- 口岸 除飛機維修區要橫過斧山道後才有E22C, 機場島所有地方及港珠澳有巴士直達, 羅湖及落馬洲站有鐵路, 深圳灣及過境直通巴係盲點

- 通宵 巴士及小巴往返旺角 尖沙咀 紅磡 東九 將軍澳 西貢 中區 灣仔區 沙田 大埔 北區 機場 東涌

時間上, 旺角往港島要經過紅隧, 塞車機會偏高, 西隧和東隧在非繁忙時間一般暢順, 較多路線行經紅隧的旺角會較平均, 地鐵過海則旺角明顯較快及平均, 彩虹過海要轉兩次車, 而且偏離中西區及南區, 出發往新界則有機會是彩虹較平均, 基本上由彩虹邨上車, 過彩虹交匯處後已沒有交通燈, 往新界東直入大老山, 往西貢 將軍澳比旺角出發路程短, 往較遠的屯門 元朗 北區 西貢郊區車程相約, 而往將軍澳 沙田 荃灣的車程亦然, 反而旺角鬧市人多車多, 太子道 窩打老道 長沙灣道等路況各有不同, 較影響相近路程所需行車時間, 但鐵路在這方面挽回劣勢, 例如彩虹往新界西的時間明顯偏長, 但由旺角出發往新界各處的車程則較平均.

彩虹邨交通覆蓋面非常廣, 往返九龍市區的車費亦很平均, 例如:
旺角往安達臣$8.3, 藍田 秀茂坪 觀塘$7.2, 往美孚 油尖$5.4, 往富昌$4.4, 往何文田$5.2(城巴$3.5), 往慈雲山$5.8, 往四順$5.2
彩虹往富昌$7.6, 往何文田 美孚$6.2, 往旺角 黃大仙$5.2, 往油尖 觀塘$5.4, 往慈雲山 四順$4.6
撇除新區富昌 安達臣, 彩虹邨的車費較旺角平均, 皆因旺角往東九的車費特別高, 加上城巴新巴在旺角的車費屬偏低.

往返港島的巴士及地鐵車費受制於收費等級, 兩者不相伯仲.

至於往返新界大部份地方, 旺角的車費明顯比彩虹平均.

荃灣係香港地理上正中心，無可爭辯

去任何一個地方最平均會隨住基建落城轉變，例如有中灣繞同中九龍幹線前後已經爭好遠。

睇地圖, 中心點係荃灣

以交通計應該係九龍站一帶。有東涌線同屯馬線，有西隧口既巴士。