港鐵站廁所缺陷設計讓缺德乘客有機可乘

我公司廁所道門 係咪都會大力閂 唔通全公司都有情緒問題？ 其實 點解要講到鐵路站先有呢啲情況？ 同埋你又肯定係蓄意？

lsc04d11 發表於 2023-5-3 17:59
我公司廁所道門 係咪都會大力閂 唔通全公司都有情緒問題？ 其實 點解要講到鐵路站先有呢啲情況？ 同埋你又 ...

重申一次，本人並非衹不滿港鐵廁所漏洞設計，其他任何公眾或私人地方都可能有同樣情況，但本版為香港鐵路而設，若談太多其他地方問題會有離題之嫌，可在其他討論區詳述。你公司廁所門出現明顯噪音問題，我認為不能因為員工習慣曬而合理化，聽得多分貝高噪音會損害聽覺，輕則短暫性，重則永久撞聾（聽力打折）甚至失聰，所以都應該處理，以免影響樓上樓下隔離左右，睇下究竟係用料、門鎖、門鉸定其他問題導致而決定改善方法。當其他人都唔會用最大力閂門、拍廁板嘅時候，而某些人卻全力製造呢種高分貝聲響，你就會知道係蓄意，而且唔係一次，係反覆整幾聲響亮拍板，因此好容易分辨出嚟。

newlife 發表於 2023-5-3 19:56
重申一次，本人並非衹不滿港鐵廁所漏洞設計，其他任何公眾或私人地方都可能有同樣情況，但本版為香港鐵路 ...

除非你係看廁所個位，否則又點樣留意到成日都係某人大力推撞廁所門呢？
我唔想揣測任何野，去廁所又要留意咩人同埋擔心閂門大聲，其實你係廁所度做緊乜野呢？

eternalflame 發表於 2023-5-3 22:38
除非你係看廁所個位，否則又點樣留意到成日都係某人大力推撞廁所門呢？
我唔想揣測任何野，去廁所又要留 ...

咁即係好多人都有咁無禮+無恥嘅行為啦！我自問留廁所時間短暫，路經港鐵廁所衹會小解，連洗手通常不超過分半鐘，因實在太污糟，滿地污水乏人清潔，廁格異味熏天，不是馬桶有大量屎漬、垃圾，就係有蚊患，即使短暫使用都已喺最少5個車站遇到不同的噪音狂徒！

newlife 發表於 2023-5-3 22:52
咁即係好多人都有咁無禮+無恥嘅行為啦！我自問留廁所時間短暫，路經港鐵廁所衹會小解，連洗手通常不超過 ...

問心呀
講咗咁耐
如果閣下覺得廁板噪音問題咁嚴重
又如你口中講咁多經歷
又推論咁多無禮無恥行為的人士
照理應該有共鳴喎
但現時所見仍未有

就我個人使用港鐵洗手間次數而言
亦未曾點遇過你所指啲人「刻意」製造廁板噪音事故
咁係你太好彩
還是係閣下本身就對聲音特別敏感，容易引起不安和焦慮情緒？

cky 發表於 2023-5-3 23:53
問心呀
講咗咁耐
如果閣下覺得廁板噪音問題咁嚴重

相信有好多人都遇過類似境況，衹不過礙於男人性格唔出聲啞忍而已。港鐵男廁一般面積不大，平均幾個廁格+幾個尿兜，所以即使身處廁內距廁格最遠處，無論敏唔敏感有冇焦慮，如有他人惡意製造噪音都會聽得一清二楚。

newlife 發表於 2023-5-4 00:23
相信有好多人都遇過類似境況，衹不過礙於男人性格唔出聲啞忍而已。港鐵男廁一般面積不大，平均幾個廁格+ ...

去個小解連洗手分半鐘，就可以判斷到大力閂門嘅人都係有惡意
師兄會唔會去check check好d？
https://www3.ha.org.hk/easy/chi/help.html

eternalflame 發表於 2023-5-4 02:10
去個小解連洗手分半鐘，就可以判斷到大力閂門嘅人都係有惡意
師兄會唔會去check check好d？
https://www3 ...

與其斟酌係咪有惡意，何不直接治本而非沉浸於治標嘅討論？若港鐵願意將所有設計漏洞洗手間更換成油壓板及緩音門，況且MTR年年賺大錢，冇理由相對上比較小而且屬一次性嘅支出都俾唔起，如落實改善，今次嘅討論已完，可close file。當港鐵都有動作，其他各大發展商冇理由留意唔到，屆時都會起正面嘅漣漪效應一一效法，順帶改善商場廁所噪音問題。

newlife 發表於 2023-5-4 02:22
與其斟酌係咪有惡意，何不直接治本而非沉浸於治標嘅討論？若港鐵願意將所有設計漏洞洗手間更換成油壓板及 ...

乜你覺得寫上黎就有人會跟進架咩？自己打左電話send左email俾港鐵未？

報左國安未？ 未報幾時報？