九巴W3路線延續臨時服務安排

shakugan2005 發表於 2023-6-26 23:03
尖東站有補貼係應該同紅磡站同價，例如比較下九龍塘站去紅磡站及旺角東站去尖東站既價，已經可以話尖東站 ...

尖沙咀支線動工時：
1. 邊個有話過尖東站一定要跟九龍塘站同紅磡站訂價？
2. 一定要將四個站(尖東及另外三個站)都放在同一收費區？
3. 過境線補貼就唔可以用紅磡做base + constant fare?
4. 本來仲諗住旺角紅磡攬住一齊加價。

本身尖東站收紅磡價top up的訂價原則就係拉返近同地鐵的差距，但當然最終去到兩鐵合併都係拍唔齊。
講到最後，真正冇過境線補貼的其實係西鐵囉。屯門-尖東本身九鐵訂$18.0，就算減去輕鐵免費轉乘費都要$14.0，仲想好似上水-尖東收$12.0? 過境線就點都有補貼東鐵尖東㗎喇，只係比例佔咗幾多咁解。

tonyng 發表於 2023-6-27 18:06
尖沙咀支線動工時：
1. 邊個有話過尖東站一定要跟九龍塘站同紅磡站訂價？
2. 一定要將四個站(尖東及另外三 ...

尖東站點樣補貼完可以仲貴過九龍塘站轉線搭返同樣站數? 根本成個港鐵收費已經亂咁黎, 有D位平得不合理令到其他交通工具冇生意做, 有D位就貴得不合理搭少D站反而仲貴D

shakugan2005 發表於 2023-6-28 02:10
尖東站點樣補貼完可以仲貴過九龍塘站轉線搭返同樣站數? 根本成個港鐵收費已經亂咁黎, 有D位平得不合理令 ...

先講兩鐵合併前，其實當時有份文件係建議尖東站票價=九龍塘+$4.1，並指出+$4.1都平過轉地鐵補$5.6。不過最後九鐵冇將尖東站票價set到咁盡，只收top up +$2.5至+$3.5 (合併後頭幾年呢個top up縮減到 +$2.5至+$2.8)，亦都冇好似西鐵咁直接彈個16蚊出嚟。

至於「仲貴過九龍塘站轉線搭返同樣站數」，其實地鐵(包括合併後的港鐵)票價唔係完全直接數站數，而係站數+距離+區域+市場因素mixed埋。因為如果真係單憑數站數，就已經解釋唔到東涌線同南港島線的票價結構。

地鐵市區線個收費表，如果有仔細計返站距，就會發現初乘票價(含入閘費)和短程升得好快（首10公里好快由$4.8升到$8.9)，但去到中程升幅就會慢(大概10至20公里收第五級$10.7、20至27公里收$12.5），至於「過海附加費」一般就額外加收最低收費(今天而言大概+$4.5至$5.0)。

其實宜家成個港鐵收費表最亂嚟的地方，就係咁多年來一直冇將九鐵轉地鐵市區線(K＋M)的票價按返地鐵市區線的距離標準計費，導致紅磡、旺角東、新界東和大西北各站去九龍東、港島東的票價不合理地高。

沙田站去大埔超級城唔使轉車, 其實幾好㗎, 希望B8都有雙向分段

phykk45 發表於 2023-6-29 09:37
沙田站去大埔超級城唔使轉車, 其實幾好㗎, 希望B8都有雙向分段

TD話B8雙分影響小巴利益

sunhoo 發表於 2023-6-29 10:22
TD話B8雙分影響小巴利益

28K？有多少人坐足全程。

ccicoltd 發表於 2023-6-29 19:07
28K？有多少人坐足全程。

似講緊806A

奇就奇在區域快線明明無咩市場

舊 261X, W9
B8, W3

以上條條靠區-區既市中心都係食緊屎果陣

對面海走去開加強版既 700