本帖最後由 kei_hk 於 2023-7-31 10:59 編輯
單程車票問題﹐幾年前MTR 推QR Code 入閘時﹐都有討論過會唔會單程票轉晒用QRcode車票(唔係由apps 即時gen 出動態code)。
當時都有人講﹐遲早會出現一些群組﹐大家夾定互send車票作出閘之用﹐大家齊齊慳車錢。
當單程車票在保安考慮﹐仍然需要具保安能力的實體車票﹐即係出閘的硬件無得慳。
在未有其他迫切性問題的情況下 (如硬件零件供應問題)﹐唔見得會更改埋其他不同車票(eg. 都會票)的使用方法及安排。
反正硬件設備已經存在﹐統一出閘方法又令乘客及職員都唔需要思考幾時插票幾時拍卡。
在運作上﹐會比較上少混亂情況出現。
ps. 全日通/紀念車票﹐擺明閘機唔會收回車票﹐現時都係要你插票出閘的。
|
|
|
|
|
|
|
|
|
交換車票問題，而家都可以交換車票/八達通，只係將成件事虛擬化。查飛捉QR code 出閘搵唔到app-gen QR code / 港鐵發出的實體二維碼車票已經罰得，邏輯上做得到而且唔難。
出閘食飛而家最大問題只係回收現時智能單程車票/都會票問題，換單程紙飛唔回收仲可以減省車站職員工作加車票中心人力資源，仲唔怕好似日本而家咁無IC鬧車票荒。
而家單程車票拍入插出其實已經令唔少遊客迷惑點解過閘程度唔一致，出閘拍完卡不停係度搵入飛位置，係要統一都應該統一出入閘動作喇
|
|
|
|
|
|
|
|
|
本帖最後由 kei_hk 於 2023-8-1 11:13 編輯
現時你交換車票﹐都要親身見面才做到。
但係紙張qrcode﹐連親身見面都唔需要。
交換的方便程度大增﹐到時自然有這一類網上群組﹐情況遲早失控。
雖然學你所講﹐係可以派人去查票。
但係查票的人永遠都唔會夠多﹐唔可能每一個車站﹐每一個出閘機去做查票。
所以﹐在保安角度來講﹐唔係太見得MTR會改變用非動態QRcode作為單程票。
更何況﹐真係會有改變﹐又點會唔放風出來﹐無理由現時大家都收唔到料。
可能﹐日本這一些市民誠信高的地方﹐使用靜態QRcode係可行。
但我唔見得香港人的誠信可以做到。
至於你講的車票IC荒﹐只係控制倉存問題。
所有車票都會有流失的情況﹐其中一個原因係有遊客做紀念品帶走。
亦會因為車票損壞而報廢。
所以﹐一定要控制倉存﹐唔可以存太少貨。
|
|
|
|
|
|
|
|
|
是日路過，鑽石山站已換2部（機號04A、04B）
並預留新04C部份結構 |
|
|
|
|
|
|
|
|
而家單程車票拍卡閘入插卡出閘其實已經係一個好智障既設計, 基本上無邊個正常人可以理解到!
另一方面, 機場快線果面就更加智障, 拍卡過閘, 但之後有個回收箱叫人回收D車票!
其實插車票呢個功能一定要有, 始終你依家香港靠旅客搵食, 而旅客(世界上)大多數搭車都係插車票, 如果只係單單以科科技行先, 反而係唔方便乘客!!
同埋依家有另一個問題, 部部閘機唔同功能, 除左8仔, 跟住就呢部先可以插卡, 果部先可以QR CODE, 人山人海D閘口, 排完隊先知過唔到, 就算一個人都會塞死晒! 呢間公司從來唔正視呢個問題!
|
|
|
|
|
|
|
|
|
本帖最後由 kei_hk 於 2023-8-3 14:55 編輯
想唔智障地 "拍入插出"﹐好簡單就係入閘都改為插卡﹐出入都係插﹐唔需要再想插定拍。
不過﹐佢地要慳成本﹐點會做這樣野。如果唔係想慳成本﹐就所有車站所有出閘機都收智能車票。
機場快線就.... 唔好提。
因為一開始就係預左唔收回車票﹐機場無閘機。
至於最後﹐不同閘機有不同的 "車票"﹐這公司都有理的﹐只不過又係睇錢問題﹐令到唔係每個車站都正視此問題。
最多人使用都會票的車站﹐所有出閘機都會接受智能車票的。
QR Code 出入﹐真係可能真係少人用﹐所有車站都無特別處理。
|
|
|
|
|
|
|
|
|
本帖最後由 DIH 於 2023-8-3 16:02 編輯
插卡牽涉活動零件，多樣野可以壞，而除都會票外乘客主要用八仔及其他非接觸付款方式，所以除了都會票多人出閘車站外，大部分閘機不設插卡係可以理解。如果能將都會票改成其他方式（例如QR Code），插卡機可以進一步減少。（不過如何登記交通津貼會係一個問題）
我呢幾年用開都會票，發覺某些閘機特別容易食卡或error，更試過食卡要打電話等人救，其實長遠應該考慮淘汰插卡，單程票可考慮紙印一張QR Code，出閘後自動失效，又唔使回收（但我唔知QR Code技術能否支持大量一次即棄用途）。
香港地鐵好鍾意學老祖宗架嘛，老祖宗就係推廣contactless，可以用自己信用卡，連Rail Pass都可以簡化成QR Code。 |
|
|
|
|
|
|
|
|
本帖最後由 kei_hk 於 2023-8-3 17:03 編輯
就係每多一樣硬件﹐出問題的機會及保養成本就自然增加。
所以磁帶車票年代﹐已經不是所有閘機都可以用車票。
智能車票就連入閘機都慳埋插車票的組件。
唔計交換車票這個保安性問題﹐用靜態QRCode係可以做車票的。
現實就係不少地方﹐入場劵都係用靜態QRCode的。
只不過每次經閘機﹐閘機都要即時讀寫server的database﹐通過閘機就未必有現時的效率。
入閘時要判辨是否有效(是否已經使用﹑非即日車票)及將入閘資料寫入database﹐出閘時要在database讀取入閘車站去判辨是否有超時及車資不足等問題。
以重鐵的乘客量﹐要在0.5秒之內處理並且開閘放行﹐未免有點難度。
機場快線乘客量有限﹐就算要在閘機等1-2秒都唔係大問題。
對於多程車票是否可以用QRcode取代﹐只係睇MTR肯唔肯做﹐同埋乘客的接受程度(包括gen code時需要online)。
最常用的2種多程車票﹐就係都會票及屯門南昌全日通。
都會票用MTR Apps 處理﹐只需要用戶登入(需同時連結八達通處理交通津貼)﹐gen出動態QRcode就可以處理﹐乘客仲可以在apps查詢尚餘多少車程。
極其量就提供車票轉移功能﹐可以轉移車票給另一用家的MTR A/C。
而全日通﹐可以直接使用八達通處理。
做法等同月票﹐只不過這張車票有效期係1天。
當然﹐亦可以在MTR Apps內gen動態QRCode處理。
靜態Code就可免則免﹐與驗證效率及share車票有關。
註 : 由apps gen出動態Code﹐由於可以加入其他額外的驗證資料﹐所以閘機可以用offline形式處理﹐處理完過閘放行後才將交易資料upload回server﹐提升閘機處理人流的效率。
當日後可直接用非觸式信用卡﹐我使用QRCode的人(其他支付apps)﹐9成9會係強國人。
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
