大家以後會唔會抵制請咗外勞嘅綠Van線，改搭返巴士

ma212223 發表於 2023-7-31 02:09
抵制咗小巴好耐
唔係外唔外勞嘅問題
而係香港太多懶人

唔通取消小巴，人地就真係會去自動自覺揸巴士同做地盤幫手起樓咩。
駛唔駛搞番個全民大煉鋼。

多口問一句，暑假作業做曬沒啊

咁你係咪諗住入行先

綠van界好多司機接近退休年齡，又少本地人入行，請外勞都無可厚非
除排你想睇佢瘋狂脫班啦吓

08x200-201 發表於 2023-7-31 10:56
多口問一句，暑假作業做曬沒啊

你呢D咪鸚鵡學舌，「做曬沒」係廣東話口語定係中文書面語搞清楚未，未學好就串人做暑期作業，不如你自己做完先啦。

Peter03145212 發表於 2023-7-30 20:05
你以為而家啲老闆請唔到人剩係因為人工問題，你未免太膚淺啦掛

我後生時候嘅年代，觀塘偉業街工廠周圍都請人，點解九龍巴士、中華巴士請到司機？一句講曬就係錢嘅問題。你公司人工高，福利好，自然就有人去做

京华客车 發表於 2023-7-31 14:09
我後生時候嘅年代，觀塘偉業街工廠周圍都請人，點解九龍巴士、中華巴士請到司機？一句講曬就係錢嘅問題。 ...

你咁唔鍾意外勞，你咪自己去做囉，一句講晒，你冇權干涉其他人嘅搭車習慣

京华客车 發表於 2023-7-31 14:09
我後生時候嘅年代，觀塘偉業街工廠周圍都請人，點解九龍巴士、中華巴士請到司機？一句講曬就係錢嘅問題。 ...

好心你啦，唔好攞N年前嘅同而家嘅香港比較，而家香港出生率都慢慢減低，人口老化，近幾年又多咗人移民，你以為而家嘅香港總會有人單單講錢，而家後生嘅全部都係講work life balance，好心你啦出post查吓啲資料先，成日出埋啲post根本就冇營養嘅，返去做晒暑期功課先啦你

京华客车 發表於 2023-7-31 14:09
我後生時候嘅年代，觀塘偉業街工廠周圍都請人，點解九龍巴士、中華巴士請到司機？一句講曬就係錢嘅問題。 ...

呀叔，我今次buy你。
唔駛多，你巴士公司出夠三萬蚊起薪，五天工作，每日八個鐘，我諗好多白領都肯仆去做。
問題係你地一早上晒岸果班肯唔肯正視待遇問題先？競爭對手又會唔會同你一齊加價平衡番個生態先？

其實真係想問下樓主外勞嘅冇保障，唔通本地嘅又好好咩，香港咁多年都發生大大小小同公共交通工具有關嘅交通意外，有啲仲同人為有關嘅添，2018年九巴872號線車禍正正就係一個好例子

京华客车 發表於 2023-7-30 20:01
現在香港失業率高企，很多人無工開。小巴車費一向不便宜，老闆應該要提升小巴司機人工，吸引更多有駕駛執照 ...

羊毛出自羊身上，要改善揸車佬人工，代價係車費加價，市民搭貴車

我就唔介意輸入外勞