屯門公路九巴冒煙 乘客狼狽疏散

samuelho668 發表於 2023-7-30 18:56
好多人唔知, 煙係危險過火

兩樣都危險, 不過煙唔在場的人係唔知其危險性, 只係見到灰朦朦一片, 以為好少事, 其實只係少少煙, 已可導致呼吸困難, 有生命危險, 絕對不能忽視!

shakugan2005 發表於 2023-7-31 03:32
人踩人就係咁黎

你試下企喺度唔走 然後又阻住後面啲人丫  咁就真係被人踩人 唔係腳踩都至少用口踩

lsc04d11 發表於 2023-7-31 10:35
你試下企喺度唔走 然後又阻住後面啲人丫  咁就真係被人踩人 唔係腳踩都至少用口踩 ...

要1個1個有秩序地走

shakugan2005 發表於 2023-7-31 23:16
要1個1個有秩序地走

你講D野都幾多狗餘。
道門同走廊就係得咁闊，唔係一個一個走唔通十個十個走咩。
緊急起上黎打爆窗跳車添啦仲得閒同你上帝視角。

12Lane 發表於 2023-7-31 23:41
你講D野都幾多狗餘。
道門同走廊就係得咁闊，唔係一個一個走唔通十個十個走咩。
緊急起上黎打爆窗跳車添 ...

文中說明(乘客爭先恐後落車，一對疑似母子的乘客摔倒地上)，咁我未話人踩人就係咁發生，除非上文描述不當，又或者你覺得唔需要1個1個(有秩序地)走

睇條片疏散得算有秩序亦未去到爭先恐後只係咁啱個小朋友跌倒就放大咗件事同埋真係幾大煙

shakugan2005 發表於 2023-8-1 02:35
文中說明(乘客爭先恐後落車，一對疑似母子的乘客摔倒地上)，咁我未話人踩人就係咁發生，除非上文描述不當 ...

所以咪話你個人多餘囉，淨係識上帝視角。
有冇㩒入條片道睇人地係點樣跌親？
片中所見落車時喺窄位，乘客一個跟一個正常步速前行，完全唔係一個爭先恐後嘅case，到左廣闊空間（安全地方）之後快步前行，理論上冇做錯到，仲要比到更多空間比其他後面乘客更快逃生，片中所見人與人之間空間亦都能夠令後面個𡃁仔反應得切避開佢，其他乘客都能夠即時反應並扶起佢地。我真係唔知你點樣得出爭先恐後釀人踩人呢個結論，你連人踩人悲劇係會點樣發生我諗你都未搞清楚，不如上網打下梨泰院、蘭桂芳、麥加人踩人研究下人踩人係點發生好過喺度豬噏啦。

反而今次乘客喺未知嘅危險情況下都能夠有序逃生，至少片中所見更加互助展現人性光輝，真係好過鍵戰喺度講咩野E50D又上帝視角，真係笑大人個口。