[香港夜繽紛] 港鐵推出「玩夜啲 賞你搭」優惠

timewater 發表於 2023-9-29 20:18
點解港鐵死都唔肯加班，配合夜繽紛？屯馬線晚上8:00 夠膽開7分鐘一班

講夜晚疏都唔係講屯馬綫，而係紅綠兩線同東涌綫

TA7343@N241 發表於 2023-9-15 16:05
綠線其實都有需要，而且感覺比紅線更旺，喺太子要硬迫入去先上到車。

不過，某程度上綠線晚間非繁班次比 ...

某日九點零搭港島綫西行，都見到奇怪嘅3分鐘+7分鐘間隔
而家醒起，唔知係咪接駁東鐵綫落馬洲尾車搞事......好心而家個市旺番就唔好淨係拉早/遲嗰班車就算，擺架加班車落去行一轉都唔過分吖

Ricky403 發表於 2023-9-29 20:34
某日九點零搭港島綫西行，都見到奇怪嘅3分鐘+7分鐘間隔
而家醒起，唔知係咪接駁東鐵綫落馬洲尾車搞事.. ...

柴灣往落馬洲尾車係2056，所以九點零鐘西行班次間隔係奇怪少少。

之前封關嗰三年，假日晚市區四線長期keep住6分鐘甚至7分鐘一班，雖然羅湖落馬洲站冇開，不過一遇到本身羅湖落馬洲尾車，可以同前一班隔8-9分鐘，直迫深夜時段，跟住下一班車係4分鐘。

琴晚中秋節前夕，有啲人選擇提早慶祝，不過仍然維持平日星期四晚5分鐘一班。

飯後回程時段，2216太子紅轉綠，兩線同時到站，但見綠線月台大量客，即係再前一班紅轉綠係送車尾。

綠線班車每道門有大量乘客留後，要等下一班，下一班車2220到站，個綠線車長冇等埋紅線客，不過一樣搞到差唔多成車爆滿。

事實上，無論有冇夜繽紛，以目前市面環境5分鐘開始有啲唔夠載情況，當然琴晚情況某程度同假期前夕相關，唔知下月夜繽紛正式開始後，晚上九點十點幾放工玩完回程高峰期如果成日有類似情況，唔知高層理唔理。

TA7343@N241 發表於 2023-9-29 22:47
琴晚中秋節前夕，有啲人選擇提早慶祝，不過仍然維持平日星期四晚5分鐘一班。

飯後回程時段，2216太子紅轉 ...

30/9同2/10紅綠夜晚開多兩班車 (hch
之後嘅星期日至四就唔清楚了
平日嘅星期五六好似紅綠已經分別開番3.8同4.2

TA7343@N241 發表於 2023-9-29 22:47
琴晚中秋節前夕，有啲人選擇提早慶祝，不過仍然維持平日星期四晚5分鐘一班。

飯後回程時段，2216太子紅轉 ...

大概每星期會有一晚十點幾由黃大仙去鑽石山，就算唔係星期五或者假期前夕，5 分鐘一班其實都真係好逼，黃大仙係會落好多人，但鑽石山又轉返一班上車
都係平時講屯馬綫時嗰句，非繁忙時間要同繁忙時間一樣咁逼係不可接受嘅服務水平
繁忙時間客量制定基建規模就話計盡載客率啫，又唔使額外增加硬件，非繁忙時間係理應提供較密嘅班次、較鬆動嘅乘車空間去吸引乘客，而唔係而家咁無論星期幾、無論任何時間都企到人貼人

9月29日合資格車程已於10月1日晚派印花，包括全月通免費車程，但尖東／尖沙咀轉車則當一程計算

dannywong 發表於 2023-10-1 22:57
大概每星期會有一晚十點幾由黃大仙去鑽石山，就算唔係星期五或者假期前夕，5 分鐘一班其實都真係好逼，黃 ...

我自己覺得加唔加密班次唔係睇客量，反而更睇高層喜好，高層邊個時段搭鐵咪加密邊段時間班次，唔搭當睇唔到
近年加密班次集中星期六日日間同埋夜晚，不過疫後夜晚班次明顯冇回復至疫前。
唔計東鐵，感覺今年星期六日搭車冇疫情期間咁多人，唔通通關後消費模式轉咗，一至五維持本地消費（因要返工），星期六日先北上？

紅線上繁前七點鐘大把藍領同學生搭緊返工返學仲行4-5分鐘一班，七點三先開始出車，八點幾先全線上繁，依個班次行咗幾多年？
東鐵南行下繁六點先出齊車，五點幾大量新界北地盤藍領放工加埋過關客，火炭大堆放工客上唔到車。
疫情期間又係，學生返半日中午後爆到下繁開始，一爆疫情夜晚大減班，最初市區四線星期六日晚6分鐘一班，冇幾耐假日晚再減到7分鐘，中間放寬過幾次，星期六晚密返但假日晚繼續係7分鐘，十點飯後回程時段紅綠線上行一齊沙甸魚。

數據上又唔知係咪落咗手腳定點，上年東鐵未轉停車位，加上未通關時班次非常比依家疏好多，日間南行頭卡長期人貼人，落到火炭沙田迫到只能入一兩個人，不過非繁時next train永遠最盡見橙色而唔係紅色

peterho0907 發表於 2023-10-2 00:21
9月29日合資格車程已於10月1日晚派印花，包括全月通免費車程，但尖東／尖沙咀轉車則當一程計算 ...

當月票客免費車程都符合資格﹐月票客會係贏家。


坐完屯馬線再轉輕鐵/鐵巴﹐會計1程定2程?
如果計2程﹐太西北月票客就係大贏家。

peterho0907 發表於 2023-10-2 00:21
9月29日合資格車程已於10月1日晚派印花，包括全月通免費車程，但尖東／尖沙咀轉車則當一程計算 ...

我實測反而係咁樣：油麻地>尖沙咀>>尖東>石硤尾，只要兩程都10:30後出閘就出到2個印花