屯門和田街坊籲遷走車長流動廁所

在和田邨和菁田邨的一個社交網站群組，日前便有網民希望可代為反映，把洗手間遷移至其他地方，甚至不准巴士公司再放流動洗手間，要求車長步行兩分鐘到和田商場入口，再使用場內的公眾洗手間，「因為呢條斜路喺居民每日必經之路，尿臭味不斷傳出來」，「又划(或)者直頭用返商場廁所會比較好呢？」

發帖者其後補充，始終是街坊每日的必經之路，才會提出有否更合適的地方供擺放流動廁所。不過，有網民就不同意事主的看法，「司機大哥去個廁所都唔得，真係慘」，亦有人希望社會不同人士可互相尊重，「吾(唔)通內急都要行去九里路上商場厠(廁)所？到時刁民又話脫班又投訴！」

此外，亦有網民擔心若再進一步縮短車長休息時間，或會影響其駕駛表現，屆時便會出現更大問題，「司機啲時間有時都好趕，如果去商場佢休息時間又短阻(咗)，到時會影響駕駛咪仲麻煩。」翻查資料，和田邨雖然設有一個巴士總站，惟實質只是一個路邊停車彎。

PS  未去過和田 唔知行去商場廁要幾耐呢 又係唔係全日開放使用？

原文

解決方法極簡單  但如果以下路線改動會引起不滿既 不如收番對流動廁嘅不滿

大前提： 將和田邨變成不是總站 一切可解決 到菁田居民煩 好彩城巴都未有全日菁田總站線

1. K54 改兆康北做總站 循環線形式來回菁田和田
2. 50M改屯門站總站／河傍街做總站 循環形式去完良景然後寶田和田菁田屯門醫院良景  反正而家50M個醫院站都係咁樣單邊

來往屯門市中心  增設K54與K51,K51A的轉乘 再嫌等車兆康有輕鐵幫到你  而且咁樣轉乘搞到啲客”盡量”做唔到俾一程錢來往市中心購物

菁田堆線？ 唔洗理 到時菁田嘈嘅........咪。。。。。

兆康北個流動廁擺邊都幫你諗埋  擺喺警察成日想抄牌唔俾私家車泊喺度等候嘅位 用居民口中講嘅臭味嚇到私家車停喺度5分鐘都嫌臭

欣賞該名網民嘅勇氣，喺網上發表對巴士司機不利嘅言論好容易會被人留言攻擊

唔緊要呀，每班車再疏 5 分鐘一班，因為車長要步行去廁所 2 分鐘 x 2 再加埋去既時間，到時唔好投訴疏車咪得

其實和田邨個站位一 D 都唔適合做巴士總站 , 成個站都無合理設施比巴士司機休息 ...

依家好多新既"總站" 都係咁
冇休息室, 冇廁所
運豬署其實都好大責任

遷走城巴，260x 258d 出總站後入去繞過圈，居民們應該最開心。

新發展區，如安達安泰啟德都係泊街，又有流動廁所（for 巴士司機用），又不見他們會投訴？

建收回鳳山寺所在地皮，起返個正正經經嘅巴總

Neutroginger 發表於 2023-9-24 23:16
依家好多新既"總站" 都係咁
冇休息室, 冇廁所
運豬署其實都好大責任

畀審計署話浪費啊嘛
其實一啲好地地規劃出嚟嘅新區 有翻個相應規模同設施嘅總站係好合理
尤其係一啲有新招標線嘅地區 點都會有路線用架喎