點解城巴司機鐘意開半燈黎揸車？

「九巴車長又唔會咁樣做」：可能你唔係坐開長途，我夜晚坐吐露港10次有6-7次都半燈嘅

「乘客安全幾危險」：想知有幾危險？你平時喺車廂玩開跨欄？所以一熄燈就會趴街咁話啦喎？

大佬，開半燈呢啲純粹係司機習慣，咁都要俾你批鬥呀？即係有啲人起身嘅習慣係去廁所刷牙洗面食早餐，其他人唔跟呢啲習慣又要批鬥吓咁話啦喎？

PS 唔使講得咁隱晦嘅，一望就知你同嗰個城巴車長有牙齒印啦，人哋做咩你都唔順眼嘅

反而我覺得開半燈， 夜晚可以畀收工嘅乘客瞓下覺。

如果你話光線方面，其實樓上走廊冇乜問題，半邊燈可以照曬全層，因為冇乜嘢擋住；樓下就暗少少，但唔會係睇唔到

半燈好黑？有危險？不如話助長一男一女晌車廂有損風化行為？

你出得呢篇文, 應該都係少搭九巴長途線見識少

結論：你見識少啫，未見過九巴有人咁做只係你睇唔到（留意返巴士唔係船）

有咩問題? 開半燈仲好啦,起碼可以訓返個教

乘客安全幾危險? 以前AV, AD 個D車夠暗啦，又唔見D乘客每日碌落樓梯?

少啲光污染都係好事嚟

有半燈我一定揀暗果面坐，瞓下覺不知幾正。

樓主係咪無駕駛經驗? 當車輛外面黑而裡面太光, 玻璃會更易反射車內影像而令司機較難看清車外情況,
所以下層車頭係不適宜太光, 以保障行車安全.  建議樓主可以夜晚坐上層車頭感受一下