一大團學生排隊搭巴士，常見嗎？

其實普通學校好多都租旅遊巴嘅，爭在旅行嘅目的地，尤其是啲旅遊熱點 北潭涌嗰啲要轉車麻煩嘅更加租旅遊巴，走失緊個仲衰（細個最痴線去咗馬草壟，得塊草地踢波，咩都冇嘢玩🤡）

KE7066 發表於 2024-3-15 17:20
咁普通學校係咪就一定經歷過先？
尤其早幾年疫情根本同真空無分別

疫情3年, 加埋2019都係4年,
我唔計最小學雞既小一至小三,
都有9-4年時間經歷尼D"團體活動" wor

早幾年西貢返工，遇過一大班學生（有老師帶住）鑽石山搭92入西貢，就算只係一個班別，一架ATS樓上都幾乎坐滿，我好難先搵到個位攝。本身92去到牛池灣有好多人搭，平時都可能頂閘，當日更加消化唔到。成班學生在車上自然會傾偈會嘈，我心情就真係麻麻，心諗邊間學校搞活動唔租車阻住人返工。

我讀區內中小學，又唔算好名校好富貴，但從來未試過着校服去旅行係搭公共巴士，每次都有旅遊巴。

陸運會之類，所有學生在不同屋苑不同時間出發又唔同，又有好多條線分擔，但班際旅行既然都係要集合，一係就直接西貢集合各自去，一係就學校集合包旅遊巴啦。

cruisesnet 發表於 2024-3-16 15:55
疫情3年, 加埋2019都係4年,
我唔計最小學雞既小一至小三,
都有9-4年時間經歷尼D"團體活動" wor

咁你咪叻囉
小四已經有老師帶隊出去搭公共交通工具 完全唔驚走失一件半件

每間學校決策都唔同
係咪一定有呢啲小班團體活動先？

KE7066 發表於 2024-3-16 17:50
咁你咪叻囉
小四已經有老師帶隊出去搭公共交通工具 完全唔驚走失一件半件

小學高年級﹐由老師帶學生乘坐公共交通工具﹐都唔算係出奇事。
只不過﹐這些玩法只係少學生的情況下才會出現﹐例如1個老師帶5-6位﹐2位老師帶10-15位。
如果係成班三四十人﹐就會book番部車的﹐因為風險比較高。

以前小弟讀小學﹐去旅行就無得自己話去邊處﹐學校會安排晒旅遊巴﹐一大批人都係去相同地方。


去到讀中學﹐就有得自己話去邊處﹐連那處集合都係由學生提議﹐交通就自行解決。

老師/學校審批後﹐就可以成事。

可能﹐中學會視為團體訓練﹐以及訓練個人社會生活技能﹐所以當年都有唔少中學都有這樣安排。

因此﹐學校熱門的旅行日的月份﹐星期五會特別多機會出現一大班學生(多數都唔需要穿校服﹐但大家都分辨到佢地係學生)﹐在旅行熱門地的接駁交通地點﹐都會見到一大班學生等車出發。
例如上面有人提及的鑽石山﹐仲有中環(南區不同的海灘)﹐中環碼頭都係一個熱門地點。

那些年﹐城巴站長更加會主動搵老師﹐問佢地有幾多人﹐大約幾點人齊上車﹐坐6號定6A﹐就會安排特別安排上車﹐與普通乘客分開排隊。


唔知而家D學校有無新安排了。

DIH 發表於 2024-3-16 17:19
早幾年西貢返工，遇過一大班學生（有老師帶住）鑽石山搭92入西貢，就算只係一個班別，一架ATS樓上都幾乎坐 ...

2016年11月某星期五下午四點半，喺北潭坳巴士站見過近100個學生著運動服等94出西貢。
應該成級百幾個人上咗嶂上行山，因為我嗰日都有行山，我臨落到北潭坳，就爬咗好多個學生頭。
過一陣有部94到站，當然上唔晒人，跟住又有啲等入黃石方向（可能想坐倒頭車）。
心諗唔知幾時先上得完啲人，最尾我六點幾行完，好在冇學生咁神心等咁耐。

BigBean 發表於 2024-3-15 14:17
當年未有城隧, 學校在葵芳, 陸運會有葵涌荃灣唔搞, 去咗沙田搞無專車接送, 搞到一朝早全校大部份人都坐48 ...

48x係有咗城隧先出現㗎喎😅

Fuk19805 發表於 2024-3-15 17:31
其實普通學校好多都租旅遊巴嘅，爭在旅行嘅目的地，尤其是啲旅遊熱點 北潭涌嗰啲要轉車麻煩嘅更加租旅遊巴 ...

馬車壟睇魚塘景好靚喎（唔講以為係 bio 定 geog 去 field trip XD）

如果天氣好可以見到深圳河對岸街道

AVBWU291 發表於 2024-3-15 17:12
佢中學個成績係用 GPA (4.0) 嚟計，好難唔係 i-school 喎，一係就讀 international syllabus

...

可以係直資，高中部分班別行國際課程

DIH 發表於 2024-3-16 17:19
早幾年西貢返工，遇過一大班學生（有老師帶住）鑽石山搭92入西貢，就算只係一個班別，一架ATS樓上都幾乎坐 ...

haha😂😂可能你撞過我同班高中同學嘅旅行gala。我地果時就係響鑽地搭92去白沙灣轉街渡去Samsung Bay。我都記得果時就係搭ATS去geh，睇嚟你地唔好彩，因為我果間中學就係高中嘅學校旅行都係各班級自修行。

利申：九龍灣由某醫院開嘅中學嘅畢業生