[貼圖]新版豐田comfort

尾電窗應該有勒，不過其餘應該都係新殼舊料

原帖由 LA24ttty 於 2007-11-10 08:06 發表
如果都係LPG2.0 都好大可能係3YPE engine
一台80's 電油hiace o既車頭8 valve ,80's o既自動波箱
,仲車頭好似係行push rod (即係無cam 帶)
無SRS,ABS,無尾電窗
差不多$210000 買架o咁落後o既車
豐田真係識做生意 ...

老友, COMFORT係搵食車黎架, 對用家而言, 一副已生產多年的引擎及波箱, 明知佢可靠, 耐用, 易整, 維修平就係佢地最需要既地方, 始終的士日行夜行, 最好唔好成日擺廠, 先至賺得最多錢; 而且的士引擎唔係講高性能, 多嘩咾引擎轉數偏高, 同的士講求低扭的要求剛相反, 而且多嘩咾相對零件多左, 壞既機會自然又多左, 而且零件多, 副偈自然又重左; 至於自動波箱, 豐田當然可以裝副ECT電子波箱落去, 但電子野一壞親又係煩, 加上班司機大佬用得咁粗, 只會增加壞既機會. 俾我係用家或車主, 都係唔要求有呢o的野. 重有, 而家班司機大佬都好似當部車係戰車咁, 你俾部咁勁既車佢, 炒起上黎只會更甘!

從http://en.wikipedia.org/wiki/Toyota_Comfort所知, 3Y-PE係用OHC設計, 不過如果係用筷子偈, 唔使用CAM帶, 可能更加迎合用家心水, 話晒的士一年都行十幾萬公里, 用CAM帶即係年年要換, 唔使用就更加好. 我又問過一些司機大佬, 佢地話而家副3Y-PE都不知幾好用, 大修都不過三幾千蚊搞掂, 舊陣用柴的, 副2L偈大修要成兩皮野, 都不知慳幾多, 只係爬山唔夠以前咁好力, 不過呢個係柴油偈同石油氣偈既先天特點, 加上而家用自動波, 當然無得同舊時比. 可惜日本車牌費制度係除左車身尺碼外, 小車同大車係以2公升引擎容積 (柴油引擎除外) 分界, 所以不論本土或海外, 豐田及日產石油氣的士都係得2公升, 日本本土有Royal Crown車身的士, 用一副直6石油氣偈, 係由1G引擎開發出來, 馬力有95匹, 比3Y-PE多, 但扭力得14.3KG/M, 少過3Y-PE的16KG/M好多, 似乎唔多合香港路面環境囉, 始終相同cc, 多汽缸的馬力係大, 但扭力都係差o的.

你地成日問無SRS, ABS, 尾電窗等等, 你有無諗過個電窗一旦神左上唔返點算? 尤其係下雨天窗罅有機會入水整濕個摩打而失靈, 你有無見過過隧道時好多司機大佬寧願開門俾錢都唔敢開窗? 我老友都試過過隧道俾完錢閂唔返領過野, 搞到又熱又濕, 最慘架車當時係有客, 分分鐘俾佢詐型, 如果後面有電窗, 一旦坐中個百厭仔係咁玩窗, 玩壞左時真係多得佢唔少, 手攪窗又唔係唔用得, 又少壞, 就算整都易o的啦! 至於SRS係好, 但如果咁唔好彩炒大鑊, 幾多個袋都一樣死; 相反, 如果只係小撞而爆袋, 原本一千幾百可以整返架車時, 但因為爆袋而要換過個, 又要使多近一皮野, 司機份按金都唔夠填, 邊個肯制? 而且司機都唔介意有無SRS, 你地又介意o的乜? 不如問有無後座氣袋啦! 咁多野, 我只係覺得ABS比較有作用.

其實轉左尾燈, 有唔少行家都未必鍾意, 一來多左一組燈, 即係撞爛機會大左, 燒燈膽機會多左, 短期內二手或雜廠燈殼供應唔多, 使費又大左; 二來位於尾箱蓋的燈背會佔用尾箱空間, 變相縮細尾箱容積. 莫講話呢組燈, 自從尾窗盞迫力燈改用LED之後, 換燈膽價錢都貴好多, 好多人都牙痛咁聲, 所以佢地覺得改得越少野就越好, 最好唔好大轉款.

所以你地唔知搵食車行業的要求, 就唔好用對自用車的標準去睇一款商用車.

[ 本帖最後由 ASV66 於 2007-11-10 21:00 編輯 ]

原帖由 super_cheung 於 2007-11-10 10:20 發表


咁的情況,真係好想叫代理入返日產的士.....

當你知道一架豐田及實力的士的零件價格、供應量、維修時間同可以行幾多公里才需要大修的分別, 就知點解咁多人寧願貴o的都要選豐田. 如果有留意紅棉道上山的的士, 以前實力的士可以跑贏金豐 (因為實力副偈輸出比金豐大少少, 有85匹馬力同163NM扭力) , 但而家日子久了, 好多實力都變乏力, 成日俾金豐放甩.

舊年聽過有的士管理人講, 有車行還有一批實力的士賣唔出, 當中還有舊錶板款, 割價七萬幾一部, 不過都係唔係咁多人有興趣, 一來驚無人租, 就算租得出個租金比豐田平幾十蚊一更; 而司機大佬亦唔想租, 一來大食, 二來好多老外唔鍾意坐, 寧願企係站頭等人上先都要上豐田, 因為佢地嫌實力個籠矮會頂頭, 坐得唔舒服云云.

不過代理而家就算想入都唔得, 因為實力的士已經停產, 因為連日本人都唔要, 對佢地黎講, 架車設計唔係有問題, 而係因為日產車廠已經唔再係由日本人話事, 以日本人的民族性而言, 尤其的士這類傳統行業的人特別愛國, 會選擇由本國人經營的廠家的產品, 反之, 一間歷史悠久的車廠終被落入外國人手中, 在他們眼中甚至會覺得是國恥, 所以在某程度上會對其產品會有所抗拒, 就連皇室也放棄了總統型為日皇座駕. 所以在日本巿面上就如香港一樣, 的士都是以金豐做主導, 跟以往旗鼓相當的局面大不相同.

[ 本帖最後由 ASV66 於 2007-11-10 21:37 編輯 ]

原帖由 ASV66 於 2007-11-10 20:56 發表
其實轉左尾燈, 有唔少行家都未必鍾意, 一來多左一組燈, 即係撞爛機會大左, 燒燈膽機會多左, 短期內二手或雜廠燈殼供應唔多, 使費又大左;二來位於尾箱蓋的燈背會佔用尾箱空間, 變相縮細尾箱容積. 莫講話呢組燈, 自從尾窗盞迫力燈改用LED之後, 換燈膽價錢都貴好多,好多人都牙痛咁聲, 所以佢地覺得改得越少野就越好, 最好唔好大轉款.

個台玻璃外殼尾燈每邊竟要三千大元...
撞撞真係和味.
套LED 後窗燈都要6舊
豐田做得最好的地方,就係好多野都同同廠的車通.........只係有時有小小唔同.
就好似電窗摩打咁,就咁走去用Corolla個隻就得,用番上幾代的crown 的士件都多,至多味改插頭..
但係實力個車殼夠硬,副電腦同部偈比豐田精

人地只係用配置比較黎講架車值唔值咁既價錢姐,
呢個前提下比較商用車同私家車有咩大分別?

使唔使拋咁大段文黎責人地呀.........

原帖由 Bristoll5g 於 2007-11-11 12:05 發表
人地只係用配置比較黎講架車值唔值咁既價錢姐,
呢個前提下比較商用車同私家車有咩大分別?

使唔使拋咁大段文黎責人地呀.........

一架的士賣廿一萬, 值唔值就見仁見智, 如果同一部ROYAL CROWN比, 賣近六十萬, 你可以覺得COMFORT個籠夠闊落, 冷氣又夠凍, 咁既價錢都算幾抵, 但如果同一部齋版CAMRY或者PICNIC比, 價錢差唔多, 但COMFORT設備好齋, 你就會覺得COMFORT貴, 但係車價呢樣野係由巿場調節出黎. 仲有就係的士小巴買賣方式唔同一般車輛, 你走去代理度都買唔到, 所有貨都係批晒比拆家同分銷商, 廿一萬車價入面好多都係入落佢地袋度, 代理都只係收返架車既成本連部份利潤一共十幾萬到, 仲要去車房再重新噴油上色同加頂燈, 又要幾千銀一部, 單係拆佣個比例都已經同賣私家車好唔同, 兩者根本無得比較.

我諗篇文長唔係有罪卦? 呢度有限回文字數咩? 我真係唔知道, 我將我知道既野一次過講出黎又唔得? 咁就叫抛人責人, 你咁唔鍾意, 咁以後乜都唔講就最好咯.

[ 本帖最後由 ASV66 於 2007-11-11 15:35 編輯 ]

原帖由 Bristoll5g 於 2007-11-11 12:05 PM 發表
人地只係用配置比較黎講架車值唔值咁既價錢姐,
呢個前提下比較商用車同私家車有咩大分別?

使唔使拋咁大段文黎責人地呀.........

係lor.....人地係話緊廿一萬買架乜都冇既車有D唔值......
仲有呢21萬裡面只有3.7%係稅.....相反你所謂同價既Camry/Picnic裡面至少有35%稅率(車價$150,000之後就65%)

架Comfort用料越簡單越好(=越輕).....力又唔夠又唔襟撞....齋到無論....但車價(不計HK稅率)竟然貴過Camry/Picnic/Prius....所以我都覺得唔值

有錯請指正

Comfort 真係唔襟撞，有 d 意外如果部車硬淨 d , 有埋氣袋, 司機／乘客都可以執番條命．

至於馬力，真在太弱，離遠見佢地上斜就抽定頭實無錯．

原帖由 ASV66 於 2007-11-11 15:19 發表


一架的士賣廿一萬, 值唔值就見仁見智, 如果同一部ROYAL CROWN比, 賣近六十萬, 你可以覺得COMFORT個籠夠闊落, 冷氣又夠凍, 咁既價錢都算幾抵, 但如果同一部齋版CAMRY或者PICNIC比, 價錢差唔多, 但COMFORT設備好齋,  ...

airbag 宜家已經係好基本安全設備(人命關天), 你都可以話可有可無, 我真係冇話可說~
成日乜都驚壞要整, 為什麼皇冠唔叫豐田廠造架全手動(手波、手動窗/鏡、冇風油軑、葉片彈簧+硬軸避震)既齋車??
係以車論車, 香港既comfort真係唔係咁掂, 連澳門咁細市場都有咁多款的士香港來來去去都係comfort 根本係崎型的

[ 本帖最後由 guia 於 2007-11-12 01:48 編輯 ]

原帖由 ASV66 於 2007-11-11 15:19 發表


一架的士賣廿一萬, 值唔值就見仁見智, 如果同一部ROYAL CROWN比, 賣近六十萬, 你可以覺得COMFORT個籠夠闊落, 冷氣又夠凍, 咁既價錢都算幾抵, 但如果同一部齋版CAMRY或者PICNIC比, 價錢差唔多, 但COMFORT設備好齋,  ...

就是你見仁, 人見智, 先至大家討論下姐.

長文唔係問題, 問題係你既語氣唔係討論係教訓, 責備人囉