[307說故事] 冰屋道508號 (第三回 - 26/7更新)

冰屋道508號 (第一回)

好些事，每一天都在發生。很多人或許都不會留意，
但受最重傷的，從來都不是大意外中，
而是不經不覺間受傷，
並沒有被發現的。

冰屋道從來都是很多人想入住的地段，
環境優美，遠離工業區，
鄰近的校網雖然不算是最理想的，
但校風算得上淳樸。
自從二十五年前開始，
一直都是不少中下階層家庭的理想家園。

阿然一家四口早於二十年前已經搬進冰屋道，
並住進508號的其中一個小單位。
508號算是冰屋道比較小的一間房子，
面積約有三百呎，
對一個三至四人家庭，
可算是不過不失。

搬往冰屋道之初，
一家人的物質生活雖未至捉襟見肘，
但絕對說不上富裕。
即使如此，
一家人的生活過得相當快樂。

隨著家中的小孩長大，
本來要硬著頭皮養活一家的阿然，
慢慢可以跟太太享受一下生活，
並且在六年前退休，
過著平淡的日子。

但，萬萬都想不到，平淡的日子早已隨著這十多年的光陰逝去無影....

(待續)

[ Last edited by 307 on 2005-7-26 at 09:55 ]

好，
祝師兄故事撰寫如虎添翼！

唉....其實呢個故仔係自己過去一個多月發生的事，
好多細細碎碎的事....

不日待續。

睇黎會係繼2ac後另一個係italk讀到o既經典
加油喇Jason

咁快捧到我咁高呀Mikey?
小弟的拙作又點可以同2ac比呢?

第二回 -- 努力當中...

冰屋道508號 - 第二回

阿然與太太阿雪育有一子一女，
長女阿清今年已經二十八，大學畢業，
而幼子石仔亦已經剛於大學畢業。

一天，阿雪的好朋友阿芳來電。
芳: 「請問阿雪在嗎?」
石仔: 「請你等一等......」轉個頭，便向著在廚房弄芥蘭炒臘腸的雪叫道: 「貓，有人找你。」
阿雪急急忙忙的從廚房走到客廳，把電話接過來，
並吩咐石仔到廚房代她炒菜。
雪: 「喂...」
芳: 「你認唔認我我係邊個呀?」
雪: 「嗯...你係...阿儀?」
芳: 「唔係呀嘛，我把聲你都唔認得，我把聲邊似阿儀呀?」
雪: 「哦....你係....阿芳?」
芳: 「係呀，我係阿芳呀....」
雪: 「乜你唔係響美國咩，呢個時間仲打黎?」
芳: 「係呀，我係仲住響美國，不過...唔俾我返左香港咩?」
雪: 「吓? 你響香港? 幾時返黎ga? 之前都無聽過你提起...乜你咁唔老友ga」
芳: 「咁都唔老友? 我都係岩岩落機咋，依家住響青衣....」
雪: 「今晚你有無著落呀? 無就上黎飯啦...加多隻碗加多對筷子咋嘛...」
芳: 「好呀...反正都咁多年無見，就上黎啦...你都仲係住響冰屋道呀?」
雪: 「係呀...你識上黎ga ma?」
芳: 「唏，路在口邊，唔得咪搭的士囉...反正響果邊都渣開車，要我行都唔係咁慣..」
雪: 「真係有錢喇...拿，咁等埋你開飯ga lah。」
芳: 「得喇...陣間見啦，搵唔到再call你。」
雪: 「無問題啦，等陣見啦。」
芳: 「好，拜拜。」
雪: 「拜拜。」

(待續)

冰屋道508號 ﹣ 第三回

不消15分鐘，冰屋道508號的門鈴「叮噹」地響起了。
阿雪滿心歡喜，打開門的時候，
卻發現不是她的好朋友阿芳，
而是女兒阿清回到家。

雪淡淡地講了一句: 「唔識自己開門咩?」
清卻回應道: 「你都見到我左手一個手袋，右手拎住左成袋文件啦...」
雪無言...

過了五分鐘，冰屋道508號的門鈴又再響起...
雪再次應門，今次終於見到差不多八年沒見的阿芳。
雪: 「嘩，好耐無見喇...」
芳: 「係呀...真係好多年喇...計計吓都成七、八年喇...」
雪: 「係囉...你呀，果邊風流快活，唔記得左我呢個朋友喇...」
芳: 「乜你講到我咁樣呀? 雖然我都係退左休je...」
雪: 「喂...仲企響門口做咩呀，快d入黎坐啦...」

甫進門，芳看見剛在卸妝的清...
清: 「芳阿姨? 你幾時返左黎ga? 無聽過媽咪講起的...」
芳: 「梗係啦...你媽咪都係剛剛知道咋...我今日先返到香港...」
清: 「嘩...我地真係大面，芳阿姨一落機即刻黎搵我地...」
芳: 「梗係啦...芳阿姨同你媽咪咁好朋友，識左四十幾年，點可能落機都唔搵佢呢?」

此時，雪剛剛做起了飯，大家提議七點鐘先開飯。
雪邀芳到飯桌坐下，問起芳的近況，而芳亦都講起雪一家。

芳: 「石仔今年畢業未呀?」
雪: 「佢今年畢業喇...不過都仲未開始搵工。見佢個款懶懶行，真係有d擔心...」

(待續)