【車站】有可能的顯徑站，慈雲山及何文田研興建行人系統

立法會鐵路事宜小組委員會將於本周五討論「籌建中的鐵路項目的最新進展」，文件如下：
http://www.legco.gov.hk/yr08-09/ ... 1121cb1-209-3-c.pdf

當中關於沙中線及觀塘線延線的段落提及以下各點：
(1) 就市民要求加建顯徑站， 原則上我們認為在設計上及需求上都有理據。
(2) 市民關注慈雲山區因技術問題難以設站後， 如何改善該區的行人天橋系統， 並加強與鑽石山站的接駁。
(3) 就市民關注中環南站的設置， 將等待中區政府合署現址日後的用途定案後再行檢討， 以便更能配合該區的未來發展。
(4) 市民要求沙中線車站出入口的設置， 應以方便市民使用鐵路為目標。港鐵公司會在進行車站設計時會一併考慮。
(5) 何有居民指何文田站選址遠離人口較密集的何文田邨及愛民邨，港鐵公司將研究興建行人連接通道的可行性。

關於(1)，走線圖上清晰標示了「有可能的顯徑站」之位置，位於動物管理中心及顯田遊樂場南部，對面是顯徑商場、體育館及巴士總站。


關於(2)，設置慈雲山站對沙中線走線佈局、營運車速及時間造成頗大的影響，加上地面與月台之間相距63米至140米不等，遇到緊急事故時疏散會有困難。
雖然有本板站友近日一再強調是九鐵公司決定取消興建慈雲山站，但其實無論沙中線是由九鐵、地鐵還是港鐵興建，都會受到上述技術問題而須放棄興建慈雲山站。因此，直至九鐵與地鐵在2007年公布的「兩鐵合併沙中線聯合方案」中，以至現時兩鐵合併為港鐵後，亦沒有再重新提出建議興建慈雲山站。

原帖由 tonyng 於 2008-11-17 22:54 發表
雖然有本板站友近日一再強調是九鐵公司決定取消興建慈雲山站，但其實無論沙中線是由九鐵、地鐵還是港鐵興建，都會受到上述技術問題而須放棄興建慈雲山站。因此，直至九鐵與地鐵在2007年公布的「兩鐵合併沙中線聯合方案」中，以至現時兩鐵合併為港鐵後，亦沒有再重新提出建議興建慈雲山站。

當然，小弟一直相信九鐵公司的判斷，請不要誤會。小弟的用意只在反駁那些把取消設站責任推給MTRC的言論。

圖中可見到顯徑站大約的形狀，港鐵內部是不是已有顯徑站的設計？

[ 本帖最後由 K仔 於 2008-11-17 23:19 編輯 ]

依然係將地理槪念上的土瓜灣同馬頭圍調轉......
土瓜灣站唔近土瓜灣街市，馬頭圍站唔近馬頭圍邨......
用路命名就唔該加返個「道」字，而家簡直係混淆視聽。

又唔會呀...土瓜灣道站好難聽....

利用道路改名既港鐵車站︰
柯士甸
天秀
天榮
天湖
龍門
青雲
杯渡
嗚琴
石排(石排頭路)
河田

大棠道
康樂路
豐年路
錦上路(因為冇理由叫「錦上」)

我地可以睇到前期有大棠道、康樂路、豐年路呢d有「道」、「路」之既車站
(但明明o個條叫大棠路，佢係要改做大棠道)

但後期什麼天榮、龍門、青雲、天秀、柯士甸都不加這一個字了...

柯士甸更有分清楚柯士甸路及柯士甸道，一個位於彌敦道附近...都離柯士甸站幾遠...



對於有關站名跟現實地方有點兒不符，亦有以下一些例子︰
南昌　對面的是富昌邨，而南昌需於d1出口出而過兩條大馬路
鳥溪沙　我們非常熟悉的鳥溪沙青年新村，其實馬鞍山站會近d同易行d...(不過可能鳥溪沙呢個地方太大...原本係想叫「利安」，唔知點解會轉左，雖則利安都唔太近)
第一城　近愉翠苑，愉田苑同埋威爾斯親王醫院，第一城就……
車公廟　常常看那些指南，都說車公廟站行去車公廟要10-15分鐘...倒不如叫秦石，o係正對面`
屯門　第一時間會想起屯門市中心，但其實要搭多一個輕鐵站先到...搞到屯門輕鐵站d輕鐵，屯門好多人上車好迫，過左一個站就即刻舒服哂..
錦上路　離o個一條「錦上路」都真係幾遠....叫「錦田」就會範圍廣少少..不過錦田市仲遠...(又係選址問題)
荃灣西　其實在荃灣站的南面，亦不是荃灣的太西面，可能是「西鐵」卦...
安定　安定輕鐵站左手邊的其實是友愛邨，上次輕鐵撞車時間，報紙都冇個報得o岩咁....
新墟　屯門居民或運輸署所定的新墟都不是位於那兒了....不過在「古時」來說，那一個範圍都叫新墟(惠康新墟分店都o係景峰對面)，現時大家心目中的新墟指屯門站(杯渡路至新墟街市/屯門診所的那範圍了，過左屯門公路就唔係)
蝴蝶　對面的是兆山苑，蝴蝶灣又應該o係美樂落車...(以前叫紅樓？？)
濕地公園　經濕地公園橋，然後行去正門都要十至十五分鐘。有天水圍friend同我講，天秀站落隧道行過去仲快。

[ 本帖最後由 lsc04d11 於 2008-11-18 09:49 編輯 ]

原帖由 lsc04d11 於 2008-11-18 09:37 發表
又唔會呀...土瓜灣道站好難聽....

利用道路改名既港鐵車站︰
柯士甸 ...

重有：
太子
佐敦
金鐘
天后

原帖由 ericspy 於 2008-11-18 11:06 發表


重有：
太子
佐敦
金鐘

天后

金鐘好似係因為這裡是金鐘船塢, 唔係金鐘道??有錯請指正.
金鐘道英文是Queensway.

[ 本帖最後由 waichiu 於 2008-11-18 13:50 編輯 ]

原帖由 waichiu 於 2008-11-18 13:48 發表


金鐘好似係因為這裡是金鐘船塢, 唔係金鐘道??有錯請指正.
金鐘道英文是Queensway.

金鐘前身是兵房吧

據講Admiralty其實係指海軍總部,而金鐘係指船塢入面有一個大金鐘

原帖由 9siu08 於 2008-11-18 18:36 發表
據講Admiralty其實係指海軍總部,而金鐘係指船塢入面有一個大金鐘

根據字典解釋, admiralty 係解海軍總部
新加坡地鐵都有Admiralty 站