大家覺得香港係咪全球最好既地方？

個人就覺得毋庸置疑，香港的而且確係全球最好既地方。
先摒除地理方面不談，單是政局穩定就已經教旁人羨慕，
試問世上有邊d地方唔需要服兵役呢？根據基本法，香港市
民能享有高度言論自由，無需擔心講錯野被人拉。此外，
我們亦有高效能的政府，其公務員團隊有禮待人，熱心為
700萬市民服務。

香港有完善的醫療制度，全港十八區的醫療設施充足，救
護車服務亦可算是全球最有效率的。治安方面，香港罪案
率低，即使是深宵時份單獨外出也不需擔心會否被搶劫。
教育方面，香港擁有完善教育制度，近年的教育改革亦提
升了教學質素。交通方面，香港有一級的公路鐵路網絡，
亦有全球最佳的赤立角機場同葵涌貨櫃碼頭。

總括而言，香港簡直就係只得天上有的一級大都市啊！在
我心中，香港比瑞典、瑞士、加拿大呢d所謂生活質素好既
地方不知好多少啊！因此大家必需愛惜我們所居住的人間
天堂香港啊，願與眾板友共勉之。

[ Last edited by M on 2005-8-6 at 09:02 ]

[ref=329234]M[/ref]  在 2005-8-6 09:00 AM 發表:

個人就覺得毋庸置疑，香港的而且確係全球最好既地方。
先摒除地理方面不談，單是政局穩定就已經教旁人羨慕，
試問世上有邊d地方唔需要服兵役呢？根據基本法，香港市
民能享有高度言論自由，無需擔心講錯野被人拉。

此外，
我們亦有高效能的政府，其公務員團隊有禮待人，熱心為
700萬市民服務。

公務員團隊有禮待人#:-[

香港有完善的醫療制度，全港十八區的醫療設施充足，救
護車服務亦可算是全球最有效率的。

係丫，不過年青力壯的納稅者幾時用得著？
就算睇醫生都係私人診所，邊得閒同班呀叔婆一齊輪街症？

治安方面，香港罪案
率低，即使是深宵時份單獨外出也不需擔心會否被搶劫。

世界上仲有好多地方都係

教育方面，香港擁有完善教育制度，近年的教育改革亦提
升了教學質素。

香港教育制度失敗的一面又知唔知？
政府為拉低失業率而搞好多無謂的進修出來。
持續進修基金也成為奸商賺錢的門路。
一個課程原本學費是4000元，
之後有左持續進修，學費就變成13000元#

交通方面，香港有一級的公路鐵路網絡，
亦有全球最佳的赤立角機場同葵涌貨櫃碼頭。

香港的城市人口密度又幾高?(不計山區及郊區)
要是無這網絡又點容納咁多人口
葵涌貨櫃碼頭的公路配套很好嗎?
就係個貨櫃碼頭無效的道路連接而出現公路殺手

總括而言，香港簡直就係只得天上有的一級大都市啊！在
我心中，香港比瑞典、瑞士、加拿大呢d所謂生活質素好既
地方不知好多少啊！因此大家必需愛惜我們所居住的人間
天堂香港啊，願與眾板友共勉之。

香港比瑞典、瑞士、加拿大呢d所謂生活質素好既地方，
只好在生活娛樂無咁悶。

本來都唔想回呢位板友既文，不過睇到呢篇咁既野就真係沉不著氣，
我唔知呢位板友係講緊反話，定係真係益智得咁緊要

[ref=329234]M[/ref]  在 05年08月06日 09:00 AM 發表:

單是政局穩定就已經教旁人羨慕，

講穩定，世上好多地方都係，、中國大陸、北韓都係「穩定」丫#:-/
不過香港政局其實好荒謬，立法會內，
一堆明係扶爛泥、封殺民意既荒謬制度，
比例代表制選舉呀，分組點票呀....真係唸起都有火:mad:

試問世上有邊d地方唔需要服兵役呢？

日本、中國大陸都係

香港有完善的醫療制度，全港十八區的醫療設施充足]

我唸你梗係未聽過有Ｄ人生cancer都仲要o係公立醫院慢慢「排期」，
方向報耐唔耐都有講，有Ｄ人o係香港公立醫院睇醫生，
就俾人耍太極話小事，成一年後至再覆診，
去大陸先知係末期cancer。:mad:
仲有，所謂最佳機場，附近竟然一間醫院都冇，
真係輕則o係機場、東涌仆親，
重則飛機意外(唔係未試過啦，99華航反肚)，最近都要去到瑪嘉烈，
真係蛇都死喇

教育方面，香港擁有完善教育制度，近年的教育改革亦提
升了教學質素。

講起呢樣就真係火都滾，
而家政府口聲聲咩「知識型經濟」，想個個都高學歷，
的確，就算好簡單既工種，要求學歷都唔低(雖然絕唔係要有咁既學歷至做得黎)，
但政府卻不斷削資源，小學(遲Ｄ連中學)寧殺校都唔肯小班教學
(唔通以前咁一班四十幾人係好事？)啦、大學削資啦、
官立夜中學外判啦，學費由免費都千幾加到六千至成萬........
想「知識型經濟」、個個高學歷，但又攪Ｄ咁既野，
正一又要馬兒好，又要馬兒不吃草

仲有母語英語嘈左咁多年都未嘈完，都唔知有乜好嘈？
全世界先進國家，由幼稚園都大學都係母語教學，
除非學外語，否則用自己母語學習根本係天經地義，
但o係香港就十惡不赦，
唔少人仲本末倒置咁以為要有「競爭力」就唔可以母語教學，
事實上你真係有「競爭力」的話，你唔講人地Ｄ話都大把人講你Ｄ話。
有唔知幾多人，明明有某Ｄ天份，就只係英文能力唔得，
o係香港就係咁先......

主宰香港教育既高官，
有幾多個唔係將自己既子女送去國際學校或外國讀書 ？
香港既教育係佢到攪出黎，但佢地都唔肯俾自己仔女「享用」，
正如一個廚師煮左食物出黎，但都唔肯俾自己仔女食，
一個裁縫做左件衫出黎，但都唔肯俾自己仔女著，
咁呢Ｄ食物同衫，究竟係乜野一回事呢，
香港既教育，就正正係呢Ｄ食物同衫

總括而言，香港簡直就係只得天上有的一級大都市啊！在
我心中，香港比瑞典、瑞士、加拿大呢d所謂生活質素好既
地方不知好多少啊！因此大家必需愛惜我們所居住的人間
天堂香港啊，願與眾板友共勉之

o係o個Ｄ地方，會唔會有人日做十幾個鐘得四五千蚊？
有冇人成世為地產吸血集團打工？有冇人日日被逼OT兼冇補水冇假？
o係個度做份掃街、洗廁所、垃圾佬，有冇香港Ｄ外判工人咁悽涼？

[ Last edited by mckhgc on 2005-8-6 at 11:28 ]

我自己覺得香港有錢的越有錢，無錢的越無錢。
對於無錢人來說，香港是一個頗差的社會。

[ref=329365]superay[/ref]  在 05年08月06日 11:33 AM 發表:

我自己覺得香港有錢的越有錢，無錢的越無錢。
對於無錢人來說，香港是一個頗差的社會。

同意，香港係一個有錢人既地方，你有錢就確然係好，
冇錢的話就豬狗不如

有錢既定義係：起碼有幾千萬身家，
可以一次過買樓唔使供，之後仲唔使做都過到下半世o個隻

[ref=329365]superay[/ref]  在 2005.8.6 11:33 發表:

我自己覺得香港有錢的越有錢，無錢的越無錢。
對於無錢人來說，香港是一個頗差的社會。

唔好咁講，做人係應該知足常樂既！
香港環境再差都唔緊要，最重要都係努力建設香港，
為港效力就是了！

不過講真，有頭髮誰想做癩痢？有錢既固然可以遠走
高飛，冇錢既只好留響度過日子，偶爾自己哄騙自己
而已。

[ Last edited by M on 2005-8-6 at 12:02 ]

[ref=329395]M[/ref]  在 2005-8-6 11:56 AM 發表:



唔好咁講，做人係應該知足常樂既！
香港環境再差都唔緊要，最重要都係努力建設香港，
為港效力就是了！

不過講真，有頭髮誰想做癩痢？有錢既固然可以遠走
高飛，冇錢既只好留響度過日子，偶爾自己哄騙自 ...

咩叫"知足常樂"?

低下階層連基本生活開支都揾唔到

阿婆幾十歲仲要推車仔執紙皮去賣
為既係賺返幾蚊買個菠蘿飽充飢

去街市買既送都係d貓魚呀,菜販既貨尾

唔通呢d叫知足常樂?

italk竟然有呢d人,真係唔知笑佢無知定無恥!

[ref=329365]superay[/ref]  在 2005-8-6 11:33 AM 發表:

我自己覺得香港有錢的越有錢，無錢的越無錢。
對於無錢人來說，香港是一個頗差的社會。

香港基本發展已趨飽和，賺錢的事業俾人SET UP 晒，所剩無幾。
可發展的產業只需要超專業的人士。

找不到門路的普通人就要在一個已俾人 SET UP 左的 GAME 裏打滾浮沉，
永不超生。

我應為香港「算係咁」，至少香港無乜天災（地震，火山，海嘯．．．），最多打下風，不過都可以冇乜事（我唔想係香港有事．．．）。

交通方面，香港有一級的公路鐵路網絡，
亦有全球最佳的赤立角機場同葵涌貨櫃碼頭。

不過葵涌貨櫃碼頭竟然可以沒有鐵路連接．．．

[ Last edited by tomtom2015 on 2005-8-6 at 12:51 ]

我覺得開文者開哩篇文，
好似政府宣傳香港咁 ..
乜大話都講得出 ..
不知人間疾苦 ..